جاڭا فورماتتاعى جاڭاشىل سەمينار
2019 جىلدىڭ 8 قاراشاسىندا قالالىق ءبىلىم بولىمىمەن بىرلەسىپ، تۇركىستان وبلىسى، تۇركىستان قالاسى «كەرەمەت» باستاۋىش مەكتەپ-بالاباقشا كەشەنىندە جاڭارتىلعان ءبىلىم مازمۇنى بويىنشا باستاۋىش سىنىپ مۇعالىمدەرىنە ارنالعان «وقۋ ۇدەرىسىندە كەرى بايلانىس جۇرگىزۋدىڭ ماڭىزدىلىعى جانە تۇرلەرى» اتتى قالالىق سەمينار ءوتتى. سەمينار ءبىلىم بەرۋ مەن تاربيە جۇيەسىندەگى جاڭاشىل ادىس-تاسىلدەردى، وقىتۋ قۇرالدارىن، جاڭا پەداگوگيكالىق جانە ءبىلىم بەرۋ تەحنولوگيالارىن ىزدەنۋگە جانە قولدانۋعا ادىستەندىرۋ ماقساتىندا وتكىزىلدى.
مەكتەپ ۇجىمى ءوز تاجىريبەلەرىمەن بولىسە وتىرىپ، جوعارى دەڭگەيدە وتكىزدى. سەمينارعا قالالىق مەكتەپتەردەن كەلگەن 60-قا جۋىق مۇعالىمدەر قاتىستى.
سەمينار اباي قۇنانبايەۆتىڭ 175 جىلدىعىنا، قازاقتىڭ ءۇش بايتەرەگىنىڭ 125 جىلدىعىنا جانە مۇعالىمدەردىڭ شىعارماشىلىعىنا، وقۋشىلاردىڭ قولونەرىنە ارنالعان كورمەسىنەن باستاۋ الدى. سەميناردىڭ اشىلۋىندا مەكتەپ ديرەكتورى قۋاتبەكوۆا رايحان تۇرسىمات قىزى، ديرەكتوردىڭ وقۋ ءىسى جونىندەگى ورىنباسارى نۇرىمبەتوۆا ساۋلە سەيتەن قىزى ءسوز سويلەپ، سەمينار باعدارلاماسىمەن تانىستىرىپ، كەلگەن بارشا قوناقتارعا ساتتىلىك تىلەدى.
ءارى قاراي، كەلگەن قوناقتارعا كوتەرىڭكى كوڭىل سىيلاۋ ماقساتىندا، بەرىك نازىم وتكىزگەن «كوڭىل كۇي الەمىندە» اتتى ترەنينگپەن جالعاستى. مەكتەپتىڭ باستاۋىش سىنىپ مۇعالىمدەرى پەداگوگيكالىق شەبەرلىكتەرىن كورسەتىپ، تاجىريبەنى جاقستارتۋ بويىنشا ۇلگىلى ساباقتارىن ۇسىندى. ساباقتارعا قاتىسقان مۇعالىمدەر جوسپارلاۋ، بەلسەندى وقىتۋ تاسىلدەرىن قولدانۋداعى ءوز بىلىمدەرىن تەرەڭدەتىپ، كوماندالىق وقىتۋ ۇلگىسىن كورە الدى. ساباقتارعا تالداۋ جاساۋ، تىلدىك داعدىنى دامىتۋ اسپەكتىلەرىن ايقىنداۋعا مۇمكىندىك بەردى. ساباقتاعى قالىپتاستىرۋشى باعالاۋ مەن ونىڭ اجىراماس بولىگى – ءمۇعالىمنىڭ كەرى بايلانىسىن بىلىكتى ۇسىنۋ قاجەتتىگىن اتاپ كورسەتتى.
اعىلشىن ءپانى ءمۇعالىمى ارىستانبەكوۆا جانات قىدىرباي قىزىنىڭ جەتەكشىلىگىمەن «قىزىل تەلپەك» مۋزىكالىق كومپوزيسياسى قويىلىمىن كورسەتىپ، قاتىسۋشىلارعا ەرەكشە اسەر قالدىردى.
سارالاپ وقىتۋدى جۇزەگە اسىرۋ بويىنشا كەرى بايلانىستىڭ تۇرلەرى مەن ادىستەرىمەن تانىستىرۋ ماقساتىندا نيازوۆا گۇلچەحرا وتكىزگەن كوۋچينگ مۇعالىمدەردىڭ قىزىعۋشىلىعىن تۋعىزدى.
ۇيىمداستىرۋشىلار وزدەرىنىڭ كەرى بايلانىستارىندا سەميناردىڭ پراكتيكاعا باعدارلانعان فورماتىن اتاپ كورسەتىپ، مەكتەپ مۇعالىمدەرىنە كاسىبيلىك جانە ىنتىماقتاستىق اتموسفەرا ءۇشىن العىستارىن جەتكىزدى.
سەمينار سوڭىندا قالالىق ءبىلىم ءبولىمىنىڭ ادىسكەرلەرى ەسەنعارايەۆا دينارا مەن ابدۋجاپپاروۆا مارحيلا قورىتىندى ءسوز الىپ، ۇيىمداستىرۋشى تاراپتى ماراپاتتاپ، كەلگەن قوناقتارعا العىس ءبىلدىردى.
تۇركىستان وبلىسى، تۇركىستان قالاسى
«كەرەمەت» باستاۋىش مەكتەپ-بالاباقشا
كەشەنىنىڭ ءمۇعالىمى
بيمىرزايەۆا ايكەرىم ماحانبەت قىزى
You Might Also Like
-
تۇركىستان قالاسىنىڭ «كەرەمەت» باستاۋىش مەكتەپ-بالاباقشا كەشەنىندە «پەداگوگيكالىق يدەيالار جارمەڭكەسى» ءوتتى.
-
ول – قوعام جانە مەملەكەت قايراتكەرى، عالىم، ۇلتتىق اكادەمياسىنىڭ اكادەميگى، فيلولوگيا عىلىمدارىنىڭ دوكتورى، پروفەسسور، “حالىقتار دوستىعى”، “قۇرمەت” وردەندەرىنىڭ يەگەرى...
