InfoHub Logo

كورشى ەلدىڭ پاتشاسى زالىم بولادى دا، ول ەلدەن بىرەۋ، مەيى­ءرىمدى پاتشاسى بار كەلەسى ەلگە قاشىپ وتەدى. وتكەن جەردەن ۇستا­لىپ، مەيىرىمدى پاتشانىڭ الدىنا اكەلىنەدى. بولعان جايدى ءبىل­گەن مەيىرىمدى پاتشا الگى قاشقىندى بۇگىنشە زىندانعا سالىپ، ەرتەڭگىسىن باسىن الۋدى بۇيىرادى.

«مەيىرىمدى» دەپ كەلگەن پاتشاسىنان مۇنداي سۇمدىقتى كۇتپە­گەن ول، ولتىرمەۋىن سۇراپ پاتشاعا جالبارىنادى. پاتشا سوندا وعان ەرتەڭگە دەيىن ءبىر تال ءشوپ ءوسىرىپ اكەلۋىن بۇيىرىپ، ەگەر سونى اكەلە السا عانا ولىمنەن قۇتىلاتىنىن ايتادى.

سودان «ءبىتتىم» دەگەن ول، ەندى وزىنە باسقا جاردەمشى جوعىن ءبىلىپ، تاڭعا دەيىن ءبىر تال ءشوپ بەرۋىن جاراتقاننان جىلاپ سۇراپ، ابدەن دىڭكەسى قاتىپ، ۇيىقتاپ كەتەدى.

ەرتەڭ ەرتە، تۇرمە كۇزەتىنىڭ ءتۇرتىپ وياتۋىمەن باسىن كوتەرگەن ول، ءوزى جاتقان تاس ەدەندە ءبىر تال ءشوپتىڭ ءوسىپ تۇرعانىن كورىپ، اللاعا مىڭ شۇكىر، سان ماداق ايتادى. سويتەدى دە، الگى ءشوپتى وزىمەن بىرگە الىپ جۇرەدى.

پاتشا ۋادە بويىنشا وعان ءولتىرۋ بۇيرىعىن بەرەدى. سوندا ول پاتشاعا الگى ءشوپتى كورسەتەدى. پاتشا ودان ول ءشوپتى قايدان، قالاي العانىن سۇرايدى. ول زىندانعا ءتۇسىپ، ەرتەڭگى ءولىمدى كۇتۋدەن باسقا ەش شاراسى قالماعاندا، اللادان بار پەيىلىمەن ءبىر تال ءشوپ سۇراپ، جالبارىنىپ جاتىپ ۇيىقتاپ كەتكەنىن، تۇرسا الدىنداعى تاس ەدەندە وسى ءشوپتىڭ ءوسىپ تۇرعانىن ايتادى.

پاتشا ونىڭ ولىمىنە جينالىپ، بولعان ءىستى ەت قۇلاقتارىمەن ەستىپ تۇرعان كوپتىڭ الدىندا:

— ەندەشە، سەن دە، ەلىڭنىڭ پاتشاسىن زالىم كورسەڭ، ونى تاستاپ قاشپاي، ونىڭ مەيىرىمدى پاتشا بولۋىن تىلە! جاراتقاننىڭ ق ۇلى نە تىلەسە سونى بەرەتىنىن، مىنە، ءوزىڭ دالەلدەدىڭ، — دەپ، ونى ەلىنە قايتارادى.

---