ءبىز مەيىرىمدى وتباسى
ءبىز مەيىرىمدى وتباسى»
وتباسىلىق سايىس
ماقساتى: بالاباقشا مەن اتا –انالار اراسىندا ىنتىماقتاستىق ورناتا وتىرىپ،اتا-انا مەن بالا اراسىنداعى مەيىرىمدىلىكتى،ادالدىقتى،ىزەتتىلىكتى قالىپتاستىرۋ.
كورنەكىلىگى: گرافاپروەكتور، مۋزىكالىق دىبىس كۇشەيتكىش، كورىنىسكە ساي
بەزەندىرۋلەر.
جۇرگىزۋشى:
بۇگىن ءبىزدىڭ باقشادا ءدۇبىرلى توي،
دەن قويىپ تىڭداڭىزدار،كوڭىلدى قوي.
«ءبىز مەيىرىمدى وتباسى» سايىسىندا،
كورەيىك تاماشانى سەرگىسىن بوي.
مەيىرىمدىلىك – جاراتىلىستى ۋىزداي ۇيىتقان ەڭ باستى قۇندىلىق. مەيىرىمدىلىك، تاتۋلىق، دوستىق، بولماسا كۇللى الەم ماعىناسىز بولىپ، زۇلىمدىق بيلەپ الار ەدى. ويتكەنى عالامداعى بارلىق نارسە مەيىرىمنەن جاراتىلعان. مەيىرىمدىلىك بەلگىلى ءبىر تارتىپپەن ۇيلەسىم تابادى. «مەيىرىمدى وتباسى» دەگەندە،كوز الدىڭا ۋىزداي ۇيىعان ءتاتۋ-تاتتى،باقىتتى وتباسى ەلەستەيتىنى انىق. وسى مەيىرىمدىلىكتىڭ تاتۋلىقتىڭ، بىرلىكتىڭ تۋىن ۇستاعان وتباسىلاردى ورتاعا شاقىرامىز.
1. جەتكەرگەن وتباسى
2. تۋاتاي وتباسى
3. ءامىرباي وتباسى
4. تۇڭعاتاروۆتار وتباسى
وتباسىلار مۋزىكا ىرعاعىمەن قارسى الىنىپ، ءتيىستى ورىندارعا وتىرعىزىلادى.
-قۇرمەتتى اتا –انالار! اسپانىمىز اشىق، كۇنىمىز جارىق بولسىن دەپ شەڭبەر بويىنا تۇرىپ، ءبىر – بىرىمىزگە مەيىرىمىمىزدى توگە وتىرىپ «ءارقاشان كۇن سونبەسىن!» ءانىن ورىندايىق.
ءان : «ءارقاشان كۇن سونبەسىن!»
جۇرگىزۋشى:
اناڭ – كۇنىڭ، جۇرەگىڭ،
اكەڭ — ءومىر تىرەگىڭ،
سەن باقىتتى ۇلانسىڭ
ءبارى ساعان قۋانسىن.
اجەڭ اسىل ارداعىڭ،
اتاڭ دانا قورعانىڭ،
سەن باقىتتى ۇلانسىڭ
ءبارى ساعان قۋانسىن –
-دەپ «ءبىز مەيىرىمدى وتباسى» سايىسىنا قاتىسۋشى وتباسىلاردىڭ باقىتتى ساتەرىنەن تۇسىرىلگەن بەينەروليگىن تاماشالايىق.
مۋزىكا اۋەنىمەن ورتاعا زۇلىم حانشا شىعادى.
زۇلىم حانشا سيقىرلى ايناسىنا قاراپ:
-مەنىڭ سيقىرلى اينام، قانە، جەر بەتىنە زۇلىمدىق پەن جاۋىزدىقتى نەگە ورناتا الماي جاتىرمىز، وعان نە نارسە كەدەرگى بولىپ جاتىر؟
اينا (داۋىس ەستەلەدى):
-و، مەنىڭ ءامىرشىم، مەن جەر بەتىنە زۇلىمدىقتى ورناتقىم كەلسە دە قولىمنان كەلەتىن ەمەس. جەل سوققاندا، تىنىس العاندا عانا سەزىنەتىن جۇتقان اۋا، كوزگە كورىنبەيتىن مەيىرىم مەن مىڭ بۇرالا اققان سۋ سىلدىرىنىڭ ءوزى، اقشا بۇلتتار ايشىقتالعان كوك اسپان توبەمىزدەن مەيىرىمىن بىردە كۇن شۋاعى بوپ توكسە، بىردە جاڭبىر بوپ جەر بەتىنىڭ مەيىرىن قاندىرىپ تۇر. بۇل دۇنيەدە بارلىق زۇلىمدىق اتاۋلىنىڭ بارلىعىن جەر بەتىنە جىبەرسەمدە ادامداردىڭ ءبىر بىرىنە دەگەن دوستىعىن، تاتۋلىعىن، قايىرىمدىلىعىن، سونىڭ ىشىندە وتباسىلىق تاتۋلىق پەن بىرلىكتى جەڭە المادىم.
زۇلىم حانشا:
-جوق، ءبىز ونى قايتسەك تە جويۋىمىز، قۇرتۋىمىز كەرەك. مەنى سول وتباسىنا جەتكىز. مەن ولارعا كەدەرگى بولامىن. (كەتىپ بارا جاتىپ قولىنداعى ايناسىن لاقتىرىپ، جولداعى تاسباقانى اۋدارىپ، گۇلدەردى قۇلاتىپ شىعىپ كەتەدى)
وسى كەزدە مۋزىكا وينالىپ مەيىرىمدى حانشا شىعادى. جولىنداعى كەرى اۋدارىلىپ قالعان تاسباقىنى اۋدارىپ، گۇلدەردى ورنىنا كەلتىرىپ:
-وي، كىشكەنتاي تاسباقا سەندە مەيىرىمگە زار بولىپ وتىرسىڭ با؟ عالامداعى بارلىق نارسە اينالاسىنا شاشۋ شاشاتىن مەيىرىمدىلىكتى تىلەيدى. ءاربىرى مەيىرىمدىلىكتى اڭسايدى. كەز كەلگەن جاراتىلىسقا مەيىرىمدىلىك تانىتساڭ، ءوزىنىڭ دە مەيىرىمگە بولەنسەڭ.
تاسباقا:
-دۇرىس ايتاسىڭ مەيىرىمدى حانشايىم. ەكى كوزىڭ نە ءۇشىن كەرەك، جاقسىلاردى كورۋ ءۇشىن. ەكى قولىڭ نە ءۇشىن كەرەك، ەلگە كومەك بەرۋ ءۇشىن كەرەك. سەنىڭ مەيىرىمدىلىگىنىڭ، قايىرىمدىلىعىنىڭ ارقاسىندا جولىڭداعى كومەككە ءزارۋ جاندارعا كومەگىڭدى بەرىپ كەلەسىڭ، سوعان ريزامىن. ساعان كوپ راحمەت. مەنىڭ كىشكەنتاي بالاما كومەكتەسكەنىڭە راحمەت.
تاسباقا مەن مەيىرىدى حانشايىم اينالاسىنا قاراپ:
— مەيىرىمدى حانشايىم مىنا جەرگە مەيىرىمدىلىكتىڭ شاشۋىن شاشقان، جىرىن جىرلاعان، ءانىن شىرقاعان وتباسىلار جينالىپ قالىپتى. قاراشى بارلىعى دا جاراسىمدى.
مەيىرىمدى حانشايىم ادام مەيىرىمىلىكتى اۋەلى جۇرەگىنىڭ جىلۋى ارقىلى بىلدىرەدى ەمەس پە؟ مىناۋ تۇرعان جۇرەكشەلەردى نە سيقىرى بار ەكەن. مىنە قىزىق مۇندا ءتۇرلى سۇراقتار جاسىرىلعان ەكەن. ەندەشە ءاربىر وتباسى وسى سۇراقتارعا جاۋاپ بەرسىن.
اتا – انالار جۇرەكشەلەر ىشىنەن ءبىر – ءبىر سۇراق الىپ جاۋاپ بەرەدى.
زۇلىم حانشا كىرەدى:
-بۇل جاۋاپتار جالعان مەن كەلىسپەيمىن.
مەيىرىمدى حانشايىم:
-جوق، ءسىز ولاي دەمەڭىز. مۇمكىن ءسىز بىزبەن بىرگە مىنا سايىستى كورسەڭىز مەيىرىمدىلىكتىڭ، جىلۋلىقتىڭ، قايىرىمدىلىقتىڭ نە ەكەنىن تۇسىنەتىن شىعارسىز.
زۇلىم حانشا:
-مەن وندايدى تۇسىنگىم كەلمەيدى. مەيىرىمدىلىك دەگەندى اتاي كورمە.
تاسباقا:
-و، حانىمىم ءسىز وسى سايستىڭ اياعىنا دەيىن قاتىسىپ كورىڭىزشى. سوندا ءسىزدىڭ پەيىلىڭىز كوزقاراسىڭىز وزگەرەدى.
زۇلىم حانشا:
-جارايدى. كورسەم كورەيىن.
تاسباقا:
-ەندەشە كەلەسى سايىسىمىز باستايىق. «مەن كىشكەنتاي كومەكشىمىن» سايىسى. انالارىمىز كىر جۋسا، بالالارى كىردى قاعىپ جىپكە جايىپ، قىستىرعىشپەن قىستىرادى.
مەيىرىمدى حانشا:
سايسىمىزعا ارنالادى بۇگىن بيلەر،
كوتەرىلسىن قانەكەي كوڭىل كۇيلەر.
الدارىڭىزعا شىعادى ءبيشى قىزدار
قوشامەتپەن قارسى الايىق كورەرمەندەر
«انديجان» ءبيى ورتاڭعى «بوتاقان» توپ تاربيەلەنۋشىلەرى.
تاسباقا:
-ەندىگى سايسىمىز «ءتاتتى قۇمارلار»- دەپ الساق قايتەدى. ويتكەنى وتباسىندا ءتۇرلى مەرەكەلەر بولادى. بۇل مەرەكەلەر تاتتىلەرسىز وتپەسى انىق. ءقازىر سىزدەرگە ءتۇرلى تاتتىلەر بەرىلەدى. مۋزىكا توقتاعانشا تاتتىلەردى تاۋىسۋلارىڭىز كەرەك.
مەيىرىمدى حانشا:
-«اعاشتان اعاش رەڭ الادى، ادامنان ادام ءتالىم الادى»- دەمەكشى ءاربىر اتا –انا ءوز بالاسىنىڭ تاربيەلى دە رۋحاني ازىعى مول ازامات بولىپ ءوسۋىن تىلەيدى. كەلەسى سايىس ءتۇرى «شەبەرلەر وتباسى». سىزدەرگە ءتۇرلى- ءتۇستى قاعازدار، قايشى، جەلىم، ماتا قالدىقتارى، تابيعي ماتەريالدار بەرىلەدى. وسى بەرىلگەن زاتتاردان بالالارىڭىزبەن بىرىگىپ نە جاسار ەدىڭىز.
تاسباقا:
ء-بىزدىڭ وتباسىلارىمىز جۇمىستارىن جاساپ بولعانشا ءبىر كەرەمەت ءان تىڭدايىق. ەندەشە ەرەسەك توبىنىڭ تاربيەلەنۋشىسى ساپاربەك ارايلىمدى ورتاعا شاقىرايىق.
زۇلىم حانشا:
-مەىرىمدى حانشا، تاسباقا مىنا وتباسىلاردى كورىپ تاس بوپ قاتقان جۇرەگىم جىلىپ كەلەدى. كەلەسى شارتتى مەن ايتسام بولا ما؟ مەن ەرتەگىلەر ەلىنەن كەلدىم ەمەس پە، سوندىقتان «مەنىڭ سۇيىكتى ەرتەگىلەرىم» دەپ اتالاتىن سايىسقا شاقىرعىم كەلەدى.
سايىس ءتۇرى: وتباسىلارعا مۋلتتوپتامالار مەن ەرتەگىلەر سۋرەتتەرى تاراتىلىپ بەرىلەدى، سول مۋلتتوپتاما مەن ەرتەگىلەردە ورىندالاتىن ءاندى ورىنداپ بەرۋى ءتيىس.
(«الداركوسە»، «كراكاديل گەنا جانە چەبۋراشكا»، «قۇيىرشىق»، «باۋىرساق»)
«بولاشاقتى بىرگە بولجايىق» اتا -انالارعا بالانىڭ سۋرەتى سالىنعان پلاكات بەرىلەدى. پلاكاتتاعى بالا سۋرەتىن اتا –اناسى، بالاسى ۇشەۋى ءتۇرلى بوياۋلارمەن بولاشاقتا بالالارىنىڭ قانداي بولاتىنىن بەينەلەيدى.
زۇلىم حانشا: مەيىرىمدى حانشايىم، مەن سەندەرگە كوپ قيانات جاساعان ەكەنمىن. مىنا مەنىڭ تاس بوپ قاتقان جۇرەگىم ءجىبىپ،مىناداي بىرلىگى جاراسقان وتباسىلاردى كورىپ، سەن سەكىلدى جۇرەگى جۇمساق مەيىرىمدى جانداردى كورىپ، زۇلىمدىق پەن قاتىگەزدىك، ارامدىق پەن جاۋىزدىق ادامعا ەش پايدا اكەلمەيتىنىن ءبىلدىم. ەندى جەر بەتىندە تەك تاتۋلىق،بىرلىك، ىنتىماق،دوستىق ورناسىن! ادامداردىڭ جۇرەگىى مەيىرىمدىلىككە،يماندىلىققا، قايىرىمدىلىققا تولى بولسىن!
سايىسقا قاتىسقان وتباسىلار ءتۇرلى نوميناسيالارمەن ماراپاتتالادى.
جۇرگىزۋشى:
— عالامداعى بارلىق نارسە اينالاسىنا شاشۋ شاشقان مەيىرىمدىلىكتىڭ جىرىن جىرلاپ ءانىن شىرقايدى. ەندەشە، وسىنىڭ بارلىعىن كورىپ، ءبىلىپ، ەرىك جىگەرمەن، تۇيسىگىمەن، سانا – سەزىمىمەن تۇپكى مانىنە بويلاپ، بايىبىنا بارعان ادام بالاسى دا مەيىرىمدىلىكتىڭ وسىناۋ عامجاپ سيمفونياسىنا ءوز ءۇنىن قوسۋعا مىندەتتى. يا، بالالاردىڭ بولاشاعى جارقىن بولۋ ءۇشىن، ەلىمىزدىڭ تۇپكىر – تۇپكىر جەرلەرىندە كومەك قاجەت ەتەتىن بالالارعا مەيىرىممەن قاراپ، قايىرىمدىلىق قورىن اشقان سارا الپىسقىزىنا العىسىمىز شەكسىز.
ول ادام – اقىلدىنىڭ اقىلدىسى
ول ادام – ناعىز بىزگە جاقىن كىسى
ۇرپاق ءۇشىن توككەن تەرى نوسەردەي
مىڭ العىس سىزگە، سارا الپىس قىزى
-قۇرمەتتى اتا –انالار! ونەگە وتباسىنان باستالادى. بالالارىمىزدىڭ بويىنا سىڭگەن ىزەتتىلىك – دورەكىلىككە، قايىرىمدىلىق – قاتىگەزدىككە، ادالدىق — ارامدىققا اۋىسپاسىن دەگەن تىلەگىمىزدى ورىنداۋ ۇرپاق الدىنداعى ۇلى مىندەت دەپ تۇسىنەيىك.
You Might Also Like
-
قوستاناي قالاسىندا ءبىرقاتار مەكتەپتىڭ پەداگوگتارى ءبىرىڭعاي كيىم ۇلگىسىنە اۋىستى، دەپ قوستاناي جاڭالىقتارى سايتى حابارلايدى.
-
ءمۇعالىم سىنىپتاعى زەرەك، ءبىراق سونىمەن قاتار ءىشىتار وقۋشىدان: «سەن نەگە دوستارىڭا كورە الماۋشىلىق ەتەسىڭ، ولاردىڭ جاساعاندارىن بۇزىپ، توبەلەسەسىڭ دە جۇرەسىڭ؟» دەپ سۇرايدى. وقۋشى: «...
