قوستاناي مۇعالىمدەرى ءبىرىڭعاي كيىم ۇلگىسىنە اۋىستى
قوستاناي قالاسىندا ءبىرقاتار مەكتەپتىڭ پەداگوگتارى ءبىرىڭعاي كيىم ۇلگىسىنە اۋىستى، دەپ قوستاناي جاڭالىقتارى سايتى حابارلايدى.
ءبىرىڭعاي كيىمگە كيىنگەن №1 مەكتەپ-ليسەيدىڭ، №3 گيمنازيانىڭ، س.ماۋلەنوۆ اتىنداعى گيمنازيانىڭ، №18 جانە 21 مەكتەپتىڭ ۇجىمدارى فورمانىڭ ءتۇسىن جانە ۇلگىسىن وزدەرى تاڭداعان.
قوستاناي اكىمدىگى ءبىلىم بەرۋ ءبولىمىنىڭ باسشىسى ۆاسيليي سىمباليۋكتىڭ ايتۋىنشا، ۇستازداردىڭ ءبىر ءستيلدى كيىم ۇلگىسىنە ءوتۋى بويىنشا ستاتيستيكا جۇرگىزىلمەيدى. سەبەبى بۇل «جوعارى» جاقتىڭ بۇيرىعى ەمەس، ءار ۇجىمنىڭ ءوز باستاماسى. دەگەنمەن، بۇل باستامانى قۇپتاۋعا تۇرارلىق دەپ ەسەپتەيدى. سەبەبى، ۇستازدار وسىلايشا وقۋشىلارعا ۇلگى بولۋدا.
«ءبىزدىڭ ۇجىمدا ايەلدەر كوپ، سوندىقتان فورما جاكەت پەن بەلدەمشەدەن تۇرادى. مەرەكە كۇندەرى جانە جينالىستارعا اق جەيدە كيۋ مىندەتتى. ال قالعان كۇندەرى باسقا ءتۇستى جەيدەلەردى اۋىستىرىپ كيۋگە بولادى. ءبىز اتا-انالاردان مۇعالىمدەردىڭ فورماسى ۇناعانىن ەستىپ جاتىرمىز»، - دەدى №21 ورتا مەكتەپتىڭ ديرەكتورى انار قابدۋلينوۆا.
You Might Also Like
-
ءتىل - سارقىلماس قازىنا. ۇلت كوشباسشىسى ايتقانداي، ءار ازامات ءوزىنىڭ ۇلتتىق ءتىلىن، ۇلتتىق قۇندىلىقتارىن ءبىلۋى ءتيىس. ءتىل ءبىزدىڭ بولمىسىمىز، ونىڭ قاتىسۋىنسىز ەشتەڭە بولمايدى. جالپى قازاق حالقى ءوزىنىڭ ش...
