ءبىز نەگە قاتەلەسۋدەن قورقامىز؟
قورقىنىش — ءبىزدىڭ ىس-ارەكەتىمىزگە اسەر ەتەتىن ەڭ كۇشتى سەزىمدەردىڭ ءبىرى. شەشىم قابىلداۋدا، قانداي دا ءبىر ءىستى قولعا الۋدا، سونداي-اق جەتكەن جەتىستىكتەرىمىزدە دە ونىڭ وزىندىك ۇلەسى بار.
بۇگىنگى بار بولمىسىمىزعا دا بەلگىلى ءبىر دارەجەدە قورقىنىش اسەر ەتكەن.
قورقىنىشتىڭ اسەرى
قورقىنىشتىڭ نەگىزگى ماقساتى — ادامنىڭ ءوزىن قورعاۋعا تىرىسۋى. الايدا، بۇل سەزىم — ءبىزدىڭ جانە ماقساتتارىمىزدىڭ اراسىنداعى نەگىزگى كەدەرگى.
ەگەر قورقىنىشتى پايداعا اسىرۋدى ۇيرەنسەڭىز، جەتىستىككە جەتۋ الدەقايدا وڭاي.
قورقىنىشتىڭ فورماسى كوپ.
ونىڭ كەيبىرى يتتەن نە ورمەكشىدەن قورقۋ سىندى جەكە ادامعا عانا ءتان قورقىنىشتار بولسا، ەندى بىرەۋلەرى جاڭا دۇنيەلەردى جاساپ كورۋ، كوپشىلىكتىڭ الدىندا ءسوز سويلەۋ سىندى بارلىق ادامدا بولاتىن ادەتتەگى قورقىنىش.
ساتسىزدىكتەن قورقۋ
بارلىق قورقىنىش تۇرلەرىنىڭ ىشىندە جەتىستىككە جەتۋ ىقتيمالدىعىنا تىكەلەي اسەر ەتەتىن قورقىنىش ايرىقشا ورىن الادى. بۇل — ساتسىزدىكتەن قورقۋ.
ساتسىزدىكتەن قورقۋ — ماقساتقا قول جەتكىزە الماعان جاعدايدا تاپ بولاتىن جاعىمسىز سالدارلارعا مىنەز-قۇلىقتىڭ ەموسيونالدى رەاكسياسى.
بۇل — جاعىمسىز جايتتارعا ۇرىندىرۋى مۇمكىن ىس-ارەكەتتەردى ورىنداۋدى قالاماۋ، قاتتى ۋايىم مەن نەگاتيۆتى ويلاۋ.
عىلىم نە دەيدى؟
بۇل قورقىنىشتىڭ عىلىمي اتاۋى «اتيحيفوبيا» دەپ اتالادى. فوبيانىڭ وسى ءتۇرىن سەرىك ەتكەن ادامدار ءوز كۇش-جىگەرىن تابىسقا جەتۋگە ەمەس، جاعىمسىز سالدارلاردىڭ الدىن الۋعا جۇمسايدى.
مىسالى، ولار ءوز جۇمىسىنان تىس ماڭىزدى جوبانى ءساتتى اياقتاپ، قىزمەتتە ءوسۋ ءۇشىن ەمەس، باستىق ونى جالقاۋ دەپ ەسەپتەمەس ءۇشىن جاسايدى.
سونداي-اق مۇنداي ادامدار ءىستى جاقسى جاساۋعا قابىلەتى بارىن بىلە تۇرا وزىنە تومەن ستاندارتتار قويىپ الادى. سىرتتان باعا بەرىلەتىن جاعدايلاردان اۋلاق بولۋعا بەيىم.
قورقىنىش — كەدەرگى
«اتيحيفوبيا» ادامداردى ماقساتقا جەتۋ جولىندا ادەيى كەدەرگى جاساپ الۋعا ماجبۇرلەيدى. ناتيجەسىندە، ادام ءوز-وزىن ەمەس، جاعداياتتى ايىپتايدى.
ساتسىزدىكتەن قورقاتىن ادامدار ۇنەمى شارشاڭقى حالدە ءجۇرىپ، سارساڭعا سالعان ۋايىم مەن ەنەرگيانىڭ ازدىعىن سەزىنەدى. ءوز ومىرىنە رازى ەمەس بولعاندىقتان، جۇمىسى دا اۋىرلاي بەرەدى.
ساتسىزدىكتەن قورقۋ كوپ قىرلى. ودان قۇتىلۋ ءۇشىن ونىڭ ءتۇرىن، سەبەبىن جانە سالدارىن انىقتاۋ كەرەك. ءوز قورقىنىشتارىن ءبىلۋ جانە قابىلداۋ شەكتەن تىس ۋايىمعا سالىنباي، جاۋاپتى مىندەتتەردەن قورىقپاۋعا كومەكتەسەدى.
قاتەلىك جاساۋدان قورقۋدىڭ سەبەپتەرىنىڭ ەڭ كەڭ تاراعان ءتۇرى تومەندەگىدەي:
1. ءبىز ساتسىزدىكتەن قىسىلامىز
ەشكىم ساتسىزدىكتى ماقتان تۇتپايدى. ەشكىم ارىقتاي الماعان نەمەسە قىزمەتتە وسە الماعان ادامدى ماقتامايدى.
2. ساتسىزدىك ءسىزدىڭ لايىق ەمەس ەكەنىڭىزدى كورسەتەدى
ساتسىزدىك «مەن جەتكىلىكتى دارەجەدە تالانتتى، اقىلدى نەمەسە قابىلەتتى ەمەسپىن» دەگەن وي تاڭۋى مۇمكىن.
3. ساتسىزدىككە تاپ بولعان ادامنىڭ بولاشاعى بۇلىڭعىر
«مەن ساتسىزدىككە ۇشىراسام نە بولادى؟ شىعىنداردى قالاي وتەيمىن؟ تاڭداۋ جاساعانىما ۇيرەنىپ كەتە الامىن با؟» دەگەن ويلار تەك ۇمىتسىزدىكتى ارتتىرىپ، باقىتتى بولاشاقتى بىزدەن الىستاتادى.
4. ساتسىزدىك الەۋمەتتىك «ولىممەن» تەڭ
كەي ادامداردى وزگەلەردىڭ پىكىرى الاڭداتاتىنى سونشا — ساتسىزدىك بولعان جاعدايدا ولاردىڭ ماعان دەگەن قىزىعۋشىلىعى تومەندەيدى دەپ ويلايدى.
ادامدار ولاردى قوعامدا «ولىلەردىڭ» قاتارىنا جاتقىزادى دەگەن قورقىنىش بولادى.
5. ساتسىزدىك جاقىن ادامداردى جابىقتىرادى
ساتسىزدىككە ۇشىراعان جاعدايدا ءوز ومىرىندەگى ماڭىزدى ادامداردى — وتباسى، دوستار نەمەسە جۇمىس بەرۋشىلەردى — جوعالتامىن دەپ ويلايدى.
6. ساتسىزدىك قۇردىمعا كەتۋدى بىلدىرەدى
پراكتيكالىق تۇرعىدان ساتسىزدىك قارجى، ۋاقىت جانە كۇش سياقتى فيزيكالىق شىعىندارعا اكەلۋى مۇمكىن.
وقۋعا كەڭەس بەرەمىز:
باقىتسىز، بەيباق، ساتسىزدىكتەن كوز اشپايتىن ادام بولۋدىڭ 10 سەبەبى
ءوز قاتەلىكتەرىڭىزدەن ساباق الۋعا ۇيرەتەتىن 3 ءسوز
وزىمىزگە دەگەن سەنىمدىلىكتى جوعالتاتىن 5 نارسە
دجون روكفەللەر بەرگەن چەك
اپ-ساتتە سەنىمدىلىگىڭىزدى ارتىرۋدىڭ 5 ءادىسى
موتيۆاسيادان ايىرىلىپ قالۋ سەبەپتەرى
You Might Also Like
-
...باۋبەك، شىن ماعىناسىندا ءالى تولىسىپ تا ۇلگەرمەگەن بالاۋسا باۋبەك. قۇربىلارى ونى «قىز جىگىت» دەپ ازىلدەيتىن-دى. ءبىراق تا باۋبەك بويىندا قىز نازىكتىگى دە، سىلبىر ۇياڭدىق تا ەمەس، مادەني...
-
ومىرتقانىڭ مويىن بولىگىنىڭ لوردوزى دەگەنىمىز نە؟ بالالار مەن ەرەسەكتەردە پايدا بولۋ سەبەبى. قانداي بەلگىلەر اۋرۋدىڭ بار ەكەنىن بىلدىرەدى. پاتولوگيالىق وزگەرىستەردى كەشەندى تۇردە ەمدەۋ، اۋرۋدى الدىن...
