InfoHub Logo

بالالار مەن جاسوسپىرىمدەردەگى سەمىزدىك قازىرگى ۋاقىتتىڭ ماڭىزدى ماسەلەلەرىنىڭ ءبىرى بولىپ تابىلادى. مۇنداي ناۋقاستاردىڭ سانى كۇن سايىن ارتىپ كەلەدى جانە بۇل وتە قورقىنىشتى. ويتكەنى ارتىق سالماقتىڭ نەگىزگى سەبەبى فيزيكالىق بەلسەندىلىك پەن دۇرىس تاماقتانباۋ بولىپ تابىلادى.

ەگەر سەمىزدىك ەرتە بالالىق شاقتا دامي باستاعان بولسا، وندا بۇل ءقاۋىپتى اسقىنۋلارعا اكەلۋى مۇمكىن. ارتىق سالماقتى بالالاردا مۇنداي اۋرۋلاردىڭ ءقاۋپى ەداۋىر ارتادى:

— قانت ديابەتى؛

— ارتەريالىق گيپەرتەنزيا؛

— باۋىر جەتكىلىكسىزدىگى؛

— ءوت قابىنىڭ بۇزىلۋى.

بالالارداعى سەمىزدىكتىڭ نەگىزگى سەبەپتەرى:

— اليمەنتارلىق (دۇرىس تاماقتانباۋ جانە بالانىڭ فيزيكالىق بەلسەندىلىگىنىڭ جەتكىلىكسىزدىگىنەن تۋىنداعان)؛

— ەندوكريندى (ەندوكريندىك بەزدەردىڭ كۇردەلى پروبلەمالارى بار بالالار مەن جاسوسپىرىمدەردە كەزدەسەدى: بۇيرەك ءۇستى بەزدەرى، قالقانشا بەز جانە انالىق بەزدەر).

ددسۇ 6 فاكت بويىنشا دابىل قاعۋدا

1. سابيلەر مەن جاس بالالاردىڭ (0-دەن 5-دەيىن) ارتىق سالماققا شالدىعۋى دۇنيەجۇزى بويىنشا 1940 جىلى 32 ميلليون بولسا، 2016 جىلى 41 ميلليوندى قۇراعان.

2. ارتىق سالماققا نەمەسە سەمىزدىككە شالدىققان بالالار دامىعان ەلدەرگە قاراعاندا دامۋشى ەلدەردە 30 پايىزعا ارتىق.

3. ەگەر بۇل جاعداي توقتاماسا سەمىزدىككە شالدىققان جانە ارتىق سالماعى بار سابيلەر مەن جاس بالالاردىڭ سانى 2025 جىلعا قاراي 70 ميلليونعا جەتۋ ءقاۋپى بار.

4. ەگەر ءبىر شارا قولدانىلماسا، جاس بالالار سەمىزدىكپەن بالا كەزدە، جەتكىنشەك شاقتا جانە ەسەيگەن كەزدە دە زارداپ شەگەتىن بولادى.

5. بالا كەزدەگى سەمىزدىك ۇزاق سوزىلاتىن بولسا ديابەت، جۇرەك-قانتامىرلارىنىڭ بىتەلۋى جانە كوپتەگەن اۋرۋلارعا الىپ كەلەدى.

6. تۋىلعاننان باستاپ 6 ايعا دەيىن تەك ەمشەك سۇتىمەن ەمىزۋ — سابيلەردە سەمىزدىكتىڭ الدىن الۋدىڭ ماڭىزدى ءادىسى بولىپ تابىلادى.

---