InfoHub Logo

Material ConneXion كومپانياسىنىڭ ماتەريالدار جانە ماتەريالتانۋ جونىندەگى ۆيسە-پرەزيدەنتى ەندريۋ دەنت سومەلەنى ەسكە تۇسىرەدى. ەندريۋ الەمدەگى ماتەريالداردى ساقتايتىن ءىرى قويمالاردىڭ ءبىرىن باسقارادى. ونىڭ جۇمىسى – Armani، Chrysler، Calvin Klein، Hermann Miller، Disney، Nike، Toyota جانە سول سياقتى باسقا دا ءىرى كومپانيالاردىڭ كليەنتتەرىنىڭ قاجەتتىلىگىنە قاراي يننوۆاسيالىق ماتەريالداردى ۇسىنۋ بولىپ تابىلادى.

دەنتتىڭ ءوز ىسىنە بەرىلگەنى سونشالىق، ءتىپتى Apple كومپانياسىنىڭ باس ديزاينەرى دجوناتان ايۆتى شاڭ قاپتىرادى. ەندريۋ دەنت توپتاماسىندا كەلەشەكتە ديزاينەرلەردى قىزىقتىراتىنداي ۋلترا زاماناۋي ماتەريالدار جەتىپ ارتىلادى. ەندەشە، سولاردىڭ كەيبىرىنە توقتالىپ وتسەك.

گرافەندى نانوجابىندى

گرافەن بولاتتان ءجۇز ەسە مىقتى. بۇل جىلۋ جانە ەلەكترەنەرگياسىن جەتكىلىكتى مولشەردە وتكىزە الاتىن جەڭىل ءارى كۇڭگىرتتەۋ ماتەريال. سوندىقتان گرافەن ەلەكترونيكاعا، بيومەديسيناعا، كۇن ەنەرگياسىن وندىرۋگە ءبىرشاما ىڭعايلى. ءبىراق بۇل ماتەريالمەن جۇمىس ىستەۋ وتە كۇردەلى. ونى كوپ مولشەردە تازا كۇيىندە ءوندىرۋ دە قيىنعا سوعادى.

گرافەندى نانوجابىندى گرافەننىڭ ەڭ ۇزدىك قاسيەتتەرىن قولدانۋعا مۇمكىندىك بەرەدى. ولاردىڭ ءبىرى رەتىندە – باتارەيالىق ۋاقىتى جاعىنان شىدامدىلىعى جاقسارتىلعان جىڭىشكە ءارى بەرىك سمارتفونداردى جاساپ شىعارۋ ءۇشىن گرافەندى نانوجابىندىنى قولدانۋعا بولادى.

Karta-Pack ماقتا تالشىعى

بۇل 100 پايىزدىق دەڭگەيدە قايتا وڭدەلگەن ماتەريال. ونى سيپاپ كورسەڭىز ماقتا ەكەنىن سەزەسىز. ال ءبىراق ول پلاستيك سەكىلدى قاتتى بولىپ كەلەدى. ول ەسكى دجينسى مەن فۋتبولكالاردىڭ قايتا وڭدەلگەن تالشىقتارىنان جاسالادى.

Karta-Pack ماقتا تالشىعى جىلىنا قولدانىستان شىعىپ قالعان ميلليونداعان زاتتى قايتا وڭدەۋگە جول اشىپ قانا قويماي، ءونىمنىڭ جوعارى ساپالىلىعىمەن تاڭ قالدىرادى. ەلەستەتىپ كورىڭىز، ءسىز قاپتامادان قانداي دا ءبىر قىمبات گادجەت الساڭىز، ونى سيپاعاندا ماقتانىڭ قاتتىلىعىن سەزەسىز. دەنتتىڭ ايتۋىنشا، جيھاز ديزاينەرلەرى Karta-Pack-تى ىشكى كورىنىس (ينتەرەر) ەلەمەنتتەرىن جاساۋعا قولدانا الادى. ويتكەنى، ونىڭ  ماتا ءتارىزدى جاعىمدى ءارى ادام سالماعىن كوتەرە الاتىن قاسيەتى بار.

ءارتۇرلى تۇستەگى وتكىزگىش سيالار

بۇرىننان كەلە جاتقان ەلەكتر قۋاتىن وتكىزەتىن سيالار كۇمىس جانە كومىردەي قارا ەكى تۇستەن عانا تۇرادى.  دەنتتىڭ ايتۋىنشا، مۇنداي سيالار «ينجەنەر بولماعاندار ناعىز سۇلۋلىقتى كورە المايدى» ەكەن. جاڭادان ويلاپ تابىلعان وتكىزگىش سيالارعا كەز كەلگەن ءتۇس بەرۋگە بولادى. ولاردى سمارت كيىم جانە كيىلەتىن گادجەتتەردە قولدانۋعا مۇمكىندىك بار. مىسالى كيىمىڭىزدىڭ جەڭىندەگى سۋرەت ارقىلى سمارتفونىڭىزدى باسقارۋدى ەلەستەتىپ كورىڭىز.

ReWall توبە پليتكالارى

ReWall توبە پليتكالارى باعدارلانعان-جوڭقالاۋ پليتكالاردى وندىرۋگە ۇقساس ادىسپەن، ياعني، قايتا وڭدەۋدەن وتكەن سۋسىندارعا ارنالعان كونتەينەرلەردەن، كارتون قاعازدارىنان، پلاستيك بوتەلكەلەردەن جانە اليۋمينيي قۇتىلاردان جاسالعان. ماتەريالدىڭ قۇرىلىمى شىنىندا دا، جوڭقالانعان پليتانى ەسكە سالادى. ReWall-دى اعاش ءتارىزدى كەسۋگە جانە بۇرعىلاپ تەسۋگە بولادى. ءبىراق ول سىزعا وتە ءتوزىمدى، سوندىقتان توبەنى وڭدەۋگە ابدەن جاراپ تۇر. سونىمەن قاتار، ماتەريال ءار ءتۇرلى اۋا رايى جاعدايىنا ءتوزىمدى كەلەدى.

ZrOC جابىندىسى

ءساندى مەتالل بۇيىمدارىنىڭ جابىندى پروسەسىنە توقتالساق. ماسەلەن، ىدىس-اياق جۋاتىن شۇڭعىلشاعا (راكوۆينا) نەمەسە اۆتوكولىك ديسكىلەرىنە ەرەكشە بەرىكتىك بەرۋ ءۇشىن جانە ولاردى سىزاتتاردان قورعايتىن پروسەسس - سۋ بۋىنىڭ تۇندىرىلعان جابىندىسى نەمەسە PVD دەپ اتالادى. ZrOC – بۇل مەتالعا، پلاستيككە، اعاشقا، اينەككە نەمەسە ماتالارعا جاعۋعا بولاتىن وتتەگى جانە كومىرتەكتى پلاستيك، سيركونيي قوسپالارىنان تۇراتىن جاڭا جابىندى. اتالمىش ەلەمەنتتەردى ارالاستىرىلۋىنا قاراي حرومنىڭ رەڭدەرى الۋان ءتۇرلى بولادى.

«باستاپقى كەزەڭدە بۇل ماتەريال اسحانا ەلەمەنتتەرىن جابۋعا ارنالا جاسالعان بولاتىن. الايدا مەن ونى سمارتفوندارعا جانە «اقىلدى» ساعاتتارعا دا قولدانۋعا بولادى دەپ ەسەپتەيمىن»، - دەيدى دەنت.

تەسونيت (tethonite)

ءداستۇرلى ادىسپەن جاسالعان زاتتارمەن سالىستىرعاندا 3D-پرينتەردە شىعارىلعان زاتتار اركەز ناشار كورىنەدى. تەسونيتپەن ءبارى باسقاشا: بۇل 3D باسپانىڭ كومەگىمەن الىنعان كۇردەلى كەراميكالىق زات. كۇيدىرىلىپ قاتايعاننان كەيىن وندىرىستىك جابدىقتا نەمەسە قولدان جاسالعان كادىمگى كەراميكادان ەش ايىرماشىلىعى جوق دەسە دە بولادى. تەسونيت كەراميكا ونەرىنىڭ شەكارالارىن كەڭەيتىپ قانا قويماي، باسقا دا سالالاردا قولدانىلۋى مۇمكىن.

«Apple» سياقتى كومپانيالار كەراميكانى پايدالانۋدىڭ جاڭا ادىستەرىن اشپاق. ويتكەنى، ول ەرەكشە ماتەريال، - دەپ ءسوزىن قورىتىندىلايدى دەنت. – ول قاتتى، جىڭىشكە، جارىق، مەتالمەن سالىستارعاندا نازىك كەلەدى».

كەراميكا تەز سىنادى. سوندىقتان ونى قانداي دا ءبىر گادجەتتەردەن سيرەك كەزدەستىرۋگە بولادى (الايدا جاقىندا عانا كەراميكالىق ۇلگىدەگى «Apple Watch» ساعاتتارى تانىستىرىلدى). تەسونيت كەراميكا مەن مەتالدىڭ ەڭ جاقسى قاسيەتتەرىن وزىنە بالايدى. سوندىقتان كەراميكا «Apple» سىندى كومپانيالارعا جاڭا قۇرىلعىلاردىڭ جاسالۋىنا قاجەت بولۋى مۇمكىن.

ThermalTech

ThermalTech – ءجۇز پايىزدىق تات باسپايتىن بولات سىمنان جاسالعان، پاتەنتتەلگەن جەڭىل ماتا. بۇل ماتا سپورتتىق كيىمدەردى تىگۋگە تاپتىرمايتىنى انىق. ماتەريال جىلۋدى ۋلتراكۇلگىن ساۋلەدەن وپ-وڭاي تارتىپ الىپ، كيىمنىڭ بارلىق سىرتقى بەتىنە تاراتادى. سپورتتىق جەڭىل كوستيۋم جۇننەن توقىلعان كيىم سەكىلدى جىلۋ بەرەتىنىن ەلەستەتىپ كورىڭىز. سول كەزدە عانا ThermalTechء-تىڭ «Nike» سەكىلدى ءىرى كومپانيالاردى نەلىكتەن قىزىقتىرىپ وتىرعانىن تۇسىنەر ەدىڭىز. دەنتتىڭ ايتۋىنا قاراعاندا، سپورتتىق كيىمدى وندىرۋشىلەر «تەر مەن جاعىمسىز ءيىستى وتكىزبەيتىن ماتەريالدى تاۋىپ قويعان». باستى ماسەلە – ولاردىڭ تەمپەراتۋراسىنىڭ رەتتىلىگىن جولعا قويا الماۋى.

Paptic

Paptic دەگەن – قاعاز بەن پلاستيكتىڭ ورتاسىنداعى نارسە. بۇل باسىپ شىعارۋ وڭايعا تۇسەتىن جاڭا ماتەريال. ونى قايتا وڭدەۋ نەمەسە قاپتاما رەتىندە قولدانۋ اسا قيىن ەمەس. «بالكىم، Paptic بۇكىل الەمدى وزگەرتە الماۋى دا مۇمكىن»، - دەپ مويىندايدى دەنت. دەسە دە، ونىڭ ەسەپتەۋىنشە بۇل ماتەريال بۇكىل جەردە قولدانىلا باستايدى، ويتكەنى سيپاپ سەزگەن كەزدە ول قاعازعا ۇقساس، ال بەرىكتىگى جاعىنان پلاستيككە ۇقساس.

RE>CRETE

بەتون – بۇل ءار ءتۇرلى قالدىقتاردان تۇراتىن كۇردەلى زات. نەگىزىنەن سەمەنتپەن بىرىكتىرىلگەن قۇم مەن قيىرشىق تاستان قۇرالادى. RE>CRETEء-نىڭ بەتوننان اسا قاتتى ايىرماشىلىعى جوق، ءبىراق قۇم مەن قيىرشىق تاستىڭ ورنىنا ونىڭ قۇرامىندا گازەت قيىندىلارى، ەسكى حاتتار، ۇساقتالعان پەنوپوليستيرول، تۇرمىستىق ەلەكترونيكانىڭ سىمدارى، نەسيەلىك كارتوچكالار، CD-ديسكىلەر، بوياۋلار، قىلشىقتار، پورتلاندسەمەنتتەر قولدانىلادى. RE>CRETEء-نىڭ كومەگىمەن ءبىز بۇرىن قوقىستا جاتاتىن زاتتارمەن ۇي تۇرعىزىپ الۋىمىزعا بولادى.

جۇمساق باتارەيا

ەندى ەلەستەتىڭىز – ءسىز ليتيي-يوندى باتارەيادان تۇراتىن كوستيۋم كيىپ الساڭىز. «Jenax»  كومپانياسى وندىرەتىن جەڭىل باتارەيانىڭ ارقاسىندا مۇنداي كوستيۋم شىنايىلىققا اينالىپ شىعا كەلۋى مۇمكىن. «ادەتتەگى باتارەيالار بىرىككەن بولشەك رەتىندە جاسالادى، ال بۇل باتارەيا تالشىقتان توقىلعاندىقتان، وتە جۇمساق كەلەدى»، - دەپ تۇسىندىرەدى دەنت. مۇنداي باتارەيالار «اقىلدى» كيىمدەرگە كەلەدى.

جابىسقاق مەتالل

جابىسقاق مەتالل اتى دا ايتىپ تۇرعانداي، تىكەنەكتەن تۇراتىن مەتالل جاپىراق. ول جەلىمنىڭ، دانەكەر مەن بولتتىڭ قولدانۋىنسىز بىرنەشە مەتالل جاپىراقتارىن بايلانىستىرا الادى. مۇنداي جابىسقاق ارقىلى بىر-بىرىمەن بايلانىستىرىلعان مەتاللداردىڭ قوسىندىسى ادەتەگىدەن ءۇش ەسە بەرىك بولادى. مۇنداي مەتاللدار جيھاز جاساۋ، قۇرىلىس پەن وندىرىسكە اسا ىڭعايلى بولىپ كەلەدى.

بۇل ماتەرالداردىڭ بارلىعى دا بولعانىمەن، وعان جايشىلىقتا قول جەتكىزۋ اسا كۇردەلى. بالكىم، ول كەلەر جىلدا نەمەسە بىرنەشە ايدا اشىق قولدانىستا پايدا بولۋى ىقتيمال. دەنتتىڭ ەسەپتەۋىنشە، بۇل ماتەريالدار – ماتەريالتانۋ ساحناسىنداعى بولاشاق جۇلدىزدار بولۋى مۇمكىن.

دەرەككوزى: ينتەرەسنىە-فاكتى.com

---