DATA MININGء-تى مەڭگەرۋ ارقىلى بەدەلدى جۇمىس ورنىنا ورنالاسىڭىز
دۇنيە ءجۇزىنىڭ الدىڭعى قاتارلى كونسالتينگ جانە اناليتيكالىق اگەنتتىكتەردىڭ (McKensey، Ernstand Young جانە Deloitte) ەسەپتەرىنە سۇيەنەتىن بولساق، Data mining، ياعني دەرەكتەردى ءوندىرۋ، 2011 جىلدان بەرى الەمدەگى اقپاراتتىق تەحنولوگيالاردىڭ تۇراقتى دامۋ باعىتى بولىپ تابىلادى. سول سەبەپتى الەمنىڭ جەتەكشى جوعارى وقۋ ورىندارى - MIT، University of Oxford، University of Edinburgh، UC Berkeleyجانە ت.ب. - وسى باعىتتا ءبىلىم بەرۋ جانە عىلىمي-زەرتتەۋ باعدارلامالارىن بەلسەندى تۇردە جۇزەگە اسىرۋدا.
وكىنىشكە وراي، بۇگىنگى كۇنگە دەيىن ەلىمىزدە ءدال وسى سالاعا قايتالاما نازار اۋدارىلىپ كەلگەن. سول سەبەپتى اقپاراتتىق تەحنولوگيا نارىعىنىڭ ارتتا قالۋ ءقاۋپى تۋىندادى. «زەردە» ۇلتتىق ينفوكوممۋنيكاسيالىق حولدينگىنىڭ مالىمەتتەرى بويىنشا، قازاقستان بويىنشا Data mining ماماندارىنىڭ تاپشىلىعى كۇرت ءوسىپ، الداعى بىرنەشە جىلدا ودان ارى ارتا وسەدى.
سول سەبەپتى ءال-فارابي اتىنداعى قازۇۋ 2018 جىلدىڭ ءساۋىر-مامىر ايلارىندا جوعارى وقۋ ورىندارىنىڭ ستۋدەنتتەرى مەن ماگيسترانتتارىنا ارنالعان «Data Mining Boot Camp 2018» باعدارلاماسىن جاريالايدى. BootCamp 2018 قاتىسۋشىلارى كۇردەلى بيزنەس سۇراقتارىنا جاۋاپ بەرۋ ءۇشىن الۋان ءتۇرلى كوزدەردەن الىنعان اقپاراتتى الۋ، تازارتۋ، تالداۋ جانە ۆيزۋاليزاسيالاۋدى ۇيرەنەدى. تولىق كۋرس 4 مودۋلدەن تۇرادى. ولاردى تولىقتاي نەمەسە بولەك يگەرۋ مۇمكىنشىلىگى قاراستىرىلعان. ءمودۋلدىڭ ۇزاقتىعى – ءبىر اپتا.
وقۋ اقىسىن تولەيتىن 15 گرانت قاراستىرىلعان. الايدا، الماتى قالاسىنا جول ءجۇرۋ، تاماقتانۋ جانە تۇرۋ اقىسىن گرانت يەگەرلەرى ءوز قاراجاتتارىنان قامتۋى ءتيىس. قاتىسۋ تۋرالى وتىنىشتەر ەلەكتروندى پوشتا ارقىلى قابىلدانادى.
جاتتىقتىرۋشىلار:
نۇرلىبايەۆا قالامقاس – «ينفورماتيكا» ماماندىعى بويىنشا فيلوسوفيا دوكتورى (PhD)، اناليتيكالىق باعدارلامالىق قامتاماسىز ەتۋ سالاسىندا ازىرلەۋشى رەتىندە ون جىلدان استام تاجىريبەسى بار. دەرەكتەردى ۆيزۋاليزاسيالاۋ سالاسىنىڭ مامانى.
بولاتجان قۇمالاقوۆ – «ينفورماتيكا» ماماندىعى بويىنشا فيلوسوفيا دوكتورى (PhD)، بيزنەس-كەڭەسشى، قارجى جانە بۋحگالتەرلىك ەسەپ سالاسىنداعى مۆا دارەجەسىنىڭ يەگەرى. اقپاراتتىق جۇيەلەردى جۇزەگە اسىرۋ، بيزنەس-پروسەستەردى تالداۋ جانە جوسپارلاۋ سالاسىندا پراكتيكالىق تاجىريبەسى بار مامان.
مەكەنجايى: ءال-فارابي اتىنداعى ءقازۇۋ-نىڭ اقپاراتتىق تەحنولوگيالار فاكۋلتەتى. ءال-فارابيداڭعىلى، 71، الماتى ق.، قازاقستان رەسپۋبليكاسى.
وتكىزىلۋ كۇندەرى: 2018 جىلدىڭ ءساۋىر-مامىر ايلارى.
بايلانىسۋ: datamining.bootcamp@gmail.com
You Might Also Like
-
الەمدەگى ەڭ الدىڭعى قاتارلى ەلدىڭ ءبىرى جاپونيادا اۋقاتتى ادامدار قاراپايىم ءومىر سالتىن ۇستانۋعا قاتتى ءمان بەرەدى ەكەن. “Toyota”، “Sony” سەكىلدى ەڭ باي 10 كومپانيانىڭ يەلەرى ...
-
قۋاتتى قول كوك جەلكەسىنەن ۇستاپ تىك كوتەرىپ العاندا دەم جەتپەي جانى كوزىنە كورىنگەن بولاتىن، ايتسەدە قانىنا بىتكەن قايسارلىقپا الدە، اۋىرعاننىڭ نە ەكەننىن سەزەتىن كەزگە جەتپەگەن ب...
