InfoHub Logo

عالىمداردىڭ ايتۋىنشا، ومىردە بەلگىلى ءبىر تابىسقا اربايتىن نارسەلەر مەن راحاتتانۋ سەزىمىمەن كۇرەسىپ، ولارعا قارسىلاسۋ تاجىريبەسىمەن ەمەس، سول سالاداعى العان بىلىمدەرگە سۇيەنۋ ارقىلى قول جەتكىزۋگە بولادى. باسقاشا ايتقاندا، ءبىزدىڭ يگى قاسيەتتەردى قالىپتاستىرۋىمىزعا رۋحتىڭ كۇشتىلىگى ەمەس، اربايتىن نارسەلەردەن اۋلاق بولۋ ءۇشىن قازىرگى بار جاعدايلار مەن اينالانى وزگەرتۋ قابىلەتى كومەكتەسەدى.

ەرىك-جىگەر سياقتى قاسيەتتى دامىتۋعا نە كومەكتەسەدى؟ ەرىك-جىگەردىڭ انىقتاماسىنىڭ ءوزى شىندىققا جاناسپايتىنىنا قاراماستان، ءبىز ءوزىمىزدى باقىلاپ، ازعىرۋلار مەن ءلاززاتتىڭ جەتەگىندە كەتپەۋگە جول اشا الامىز. ادامعا اسا قاجەت وسى قاسيەتتى دامىتۋ ءۇشىن ءبىرقاتار شارالاردى ۇسىنامىز.

قورشاعان زاتتارعا نازار اۋدارىڭىز

ەش نارسەگە كوڭىلىڭىز ءبولىنىپ كەتپەيتىن بولسا، ەرىك-جىگەرىڭىز جاقسىراق بايقالادى. دۇرىس تاماقتانۋعا ۇمتىلعان كەزدە، كامپيت، تاتتىلەر، پيسسا جانە بۋرگەرلەردى ساتىپ الماڭىز. شىلىم شەگۋدى قويعىسى كەلەتىندەر كوز الدىندا جانە قولجەتىمدى جەردە تەمەكى، كۇلسالعىش جانە وسى تەرىس ادەتتى ەسكە سالاتىن كەز كەلگەن نارسەلەردىڭ بولماۋىنا ۇمتىلۋى كەرەك.

قورشاعان ورتامىزدىڭ بىزگە تىكەلەي اسەرى بار

دوستارىڭىزدان تەك ءومىر سالتى ءسىزدىڭ ۇستاناتىن نەمەسە ۇستانعىڭىز كەلەتىن ءومىر سالتىڭىزعا سايكەس نەمەسە ەڭ بولماسا قايشى كەلمەيتىن دوستاردى عانا قالدىرىڭىز. وسىلايشا شەكتەۋلى ديەتانى ۇستاناتىن ادامدارعا ءار دەمالىستا وزدەرىن پيسسەرياعا شاقىراتىندارمەن ارالاسۋدىڭ كەرەگى جوق. دوستارىڭىزدى وزگەرتىڭىز، فاستفۋدتى قولداماي، سىزبەن دۇرىس تاماقتانۋ قاعيدالارىن بولىسە الاتىن دوس تاۋىپ الىڭىز. ونداي ادامداردىڭ اراسىندا ەرىك-جىگەردى نىعايتىپ، كوزدەگەن ناتيجەلەرگە قول جەتكىزۋ وڭايىراق.

جاقىندارىڭىز بەن دوستارىڭىزعا جوسپارلارىڭىز تۋرالى ايتىپ بەرىڭىز

مۇنىڭ الدىڭعى تارماقتاعى بولىمدەگى كەڭەستەرگە قاتىسى بار. جاقىندارىڭىز سىزگە قولداۋ بىلدىرگەندە، جامان ادەتتەردى تاستاپ، دۇرىس تاماقتانۋدى، سپورتزالعا بارۋدى باستاۋ الدەقايدا جەڭىل بولادى.

بارلىق قادامداردى بىرتە-بىرتە جاساڭىز جانە ەرىك-جىگەردى دەرەۋ كۇش سالماي نىعايتىڭىز

ناتيجەگە بىردەن قول جەتكىزۋ مۇمكىن ەمەس. كەيبىر ايتارلىقتاي تابىستارعا جەتۋ ءۇشىن ۋاقىت كەرەك. ماسەلەن، دەسەرتكە ءتاتتىنىڭ ورنىنا جەمىس جەۋدى ۇيرەنىڭىز، ال تاڭەرتەڭگىلىك جۇگىرۋ ۇزاقتىعىن 15 مينۋتتان باستاڭىز. وسى ارەكەتتەردى ورىنداۋعا بەيىمدەلگەن كەزىڭىزدە، كەلەسى ماقساتتاردى قويىڭىز.

سىزگە تەرىس اسەر ەتىپ، ەسكى ادەتىڭىزگە قايتا باسۋىڭىزعا سەبەپ بولاتىن نارسەنى انىقتاڭىز

نەمەن اينالىسقانىڭىزدى جانە ەرىك-جىگەرىڭىز السىرەگەن كەزدە نە سەزىنگەنىڭىزدى قاعازعا جازىپ وتىرۋعا تىرىسىڭىز. بۇل بولاشاقتا وسىنداي قاتەلىكتەردى بولدىرماۋ ءۇشىن، تەرىس ادەتتەرگە ورالۋىڭىزعا سەبەپ بولاتىن السىزدىكتەرىڭىزدى انىقتاۋعا كومەكتەسەدى. مىنەزىڭىزدىڭ قايسارلىعىن ءقازىر كورسەتۋ ارقىلى، بولاشاق سالاۋاتتى ادەتتەرىڭىز بەن مىقتى ەرىك-جىگەرىڭىزدىڭ نەگىزىن قالىپتاستىراسىز.

---