بولاشاعىمنىڭ ىرگەتاسى بولعان - قازۇۋ!
2016 جىلى مەكتەپتى ءبىتىرىپ، ارمان قۋىپ العاش ءال-فارابي اتىنداعى قازاق ۇلتتىق ۋنيۆەرسيتەتىنىڭ تابالدىرىعىن اتتاعان كەزىم ءالى كۇنگە دەيىن ەسىمدە. شەكسىز قۋانىش، اتا-انامنىڭ اقتالعان ءۇمىتى، ارمانعا جاقىنداعان ءبىر قادام…
بالا كەزىمنەن ءال-فارابي اتىنداعى قازاق ۇلتتىق ۋنيۆەرسيتەتىنە ءتۇسۋدى ارمانداعان ەدىم. ارمانىم ورىندالىپ، «فيزيكا» ماماندىعى بويىنشا مەملەكەتتىك گرانت ۇتىپ الدىم.
ءال-فارابي اتىنداعى قازاق ۇلتتىق ۋنيۆەرسيتەتىنە تۇسكىم كەلگەنىنىڭ سەبەپتەرى وتە كوپ. قالا ىشىندەگى «كازگۋگراد» قالاشىعى دەپ اتالىپ كەتكەن اسەم مەكەندە ستۋدەنتتەردىڭ ءبىلىم الۋىنا بارلىق مۇمكىندىك جاسالعان. ءو.جولداسبەكوۆ اتىنداعى 1600 ورىندىق ستۋدەنتتەر سارايى، تمد ەلدەرىندەگى جالعىز ۇلكەن اۋقىمدى «ءال-فارابي» كىتاپحاناسى، سپورتكەشەنى مەن ستاديون، جاڭا عيماراتتار، تەحنوپارك، 5000 ستۋدەنتكە ارنالعان ستۋدەنتتەر ءۇيى، مەديسينالىق ورتالىق جانە ستۋدەنتتەرگە قىزمەت ەتۋ ورتالىعى ستۋدەنتتەر يگىلىگى ءۇشىن بارلىق قىزمەتتى اتقارىپ وتىر.
ءال-فارابي اتىنداعى قازاق ۇلتتىق ۋنيۆەرسيتەتى ەلباسى ن.ءا.نازاربايەۆ تاپسىرعان جانە قازاقستان رەسپۋبليكاسىنىڭ ءبىلىم جانە عىلىم سالاسىن دامىتۋدىڭ مەملەكەتتىك باعدارلاماسىنا ەنگىزىلگەن 2020 جىلى الەمنىڭ ەڭ ۇزدىك 200 جوعارى وقۋ ورىندارىنىڭ قاتارىنا كەم دەگەندە 2 قازاقستاندىق جوو-نىڭ كىرۋى مىندەتىن ابىرويمەن ورىنداپ شىقتى. قازاقستاندىق ۋنيۆەرسيتەت QS جاھاندىق رەيتينگىسىندە 165-ورىنعا كوتەرىلىپ، فەنومەنالدى سەرپىلىس جاسادى. قازۇۋ حالىقارالىق عىلىم جانە ءبىلىم كەڭىستىگىندەگى ءوزىنىڭ الەمدىك كوشباسشى ۋنيۆەرسيتەتتەر قاتارىندا ەكەندىگىن دالەلدەدى.
الەمدىك جوعارى ءبىلىم بەرۋ تاريحىندا بۇرىن-سوڭدى بولماعان قارقىندى دامۋدى كورسەتە وتىرىپ، 9 جىل ىشىندە ۋنيۆەرسيتەت شامامەن 500 ورىنعا العا جىلجىدى. الەمدىك رەيتينگتە قىسقا ۋاقىت ىشىندەگى بۇنداي بىرەگەي ىلگەرىلەۋ «ءال-فارابي اتىنداعى قازاق ۇلتتىق ۋنيۆەرسيتەتى فەنومەنى» دەپ اتالىپ شەتەلدىك ساراپشىلار نازارىن وزىنە اۋدارتىپ وتىر. ۋنيۆەرسيتەتتىڭ جەتىستىكتەرى بۇنىمەن شەكتەلىپ قالمايدى، باستىسى بىلىمگە دەگەن قىزىعۋشىلىق سونبەسە بولعانى بولعانى.
مەن فيزيكا-تەحنيكالىق فاكۋلتەتىنىڭ، جىلۋ فيزيكاسى جانە تەحنيكالىق فيزيكا كافەدراسىندا ءبىلىم الدىم. بۇل فاكۋلتەتتىڭدە ءوز ىشىندە جەتىستىكتەرى وتە كوپ. مىسالى، 2015 جىلدىڭ 29 قىركۇيەگىنەن باستاپ ءال-فارابي اتىنداعى قازاق ۇلتتىق ۋنيۆەرسيتەتى مەن Samsung Electronics Samsung Innovation Service اكادەمياسىن ويداعىداي يگەرۋدە. وسى ۋاقىت ىشىندە قازۇۋ وقىتۋشىلارى «راديوتەحنيكا، ەلەكترونيكا جانە تەلەكوممۋنيكاسيا» ماماندىعىنىڭ ستۋدەنتتەرى ءۇشىن ءموبيلدى قۇرىلعىلارعا ارنالعان باعدارلامالىق جاساقتاما جاساۋ بويىنشا ارنايى كۋرستار وتكىزدى جانە Samsung Electronics ۇسىنعان قۇرىلعىلار مەن ينفراقۇرىلىم نەگىزىندە اقپاراتتىق-كوممۋنيكاسيالىق تەحنولوگيالار مەن سيفرلىق شەشىمدەر سالاسىندا قولدانبالى عىلىمي-زەرتتەۋ جۇمىستارىن جۇرگىزدى.
بيىل «فيزيكا» ماماندىعىن ءبىتىرىپ، ءال-فارابي اتىنداعى قازاق ۇلتتىق ۋنيۆەرسيتەتىءنىڭ ماگيستراتۋرا گرانتىن ۇتىپ الدىم. ول مەن ءۇشىن وتە كەرەمەت جەتىستىك.
قورىتىندىلاي كەلە، وسى ءال-فارابي اتىنداعى قازاق ۇلتتىق ۋنيۆەرسيتەتىنىڭ، فيزيكا فاكۋلتەتىنىڭ، جىلۋ فيزيكاسى جانە تەحنيكالىق فيزيكا كافەدراسىنىڭ ستۋدەنتى بولعانىما ەش وكىنبەيمىن، كەرىسىنشە ماقتان تۇتامىن.
سەكەن گاۋھار ساكەن قىزى
You Might Also Like
-
زىليحانىڭ اتتان تۇسپەي قوي باققانىنا ەكiنشi ءتاۋلiك. جالعىز ءوزi ەمەس بالالارى دا ءورiءم-ورiم بوپ، شاتقال-شاتقالدى جاياۋ كەزiپ ءجۇر. كۇن دە جايدارىلىعىنان تانىپ، وڭمەننەن وتەر سۋىق جەلiمەن قۇتىن قاشىرىپ-...
-
"جاقسى ءسوز - جارىم ىرىس". وسى ناقىلدى كۇندە ەستيمىز عوي، شىنىندا. ءبىراق، ءبىر وكىنىشتىسى، بايىبىنا بارا بەرمەيمىز. ءبىر ساتسىزدىككە ۇشىراي قالساق، ومىردەن ءتۇڭىلىپ، دۇنيەدە باردىڭ ءبىرىن قالد...
