InfoHub Logo

«بولاشاق» حالىقارالىق ستيپەندياسى — ازاماتتاردىڭ شەتەلدىك جەتەكشى جوعارى وقۋ ورىندارىندا كۇندىزگى وقۋ نىسانى بويىنشا وقۋى نەمەسە شەتەلدىك ۇيىمداردا تاعىلىمدامادان ءوتۋى ءۇشىن قازاقستان رەسپۋبليكاسى پرەزيدەنتىمەن تاعايىندالاتىن ستيپەنديا.

«بولاشاق» حالىقارالىق ستيپەندياسىنىڭ يەگەرى كىم بولا الادى؟

باعدارلاماعا:

— ماگيستر، دوكتور دارەجەسىن الۋعا

— رەزيدەنتۋرادا وقۋعا

— تاعىلىمدامادان وتۋگە ۇمىتتەنەتىن قازاقستان رەسپۋبليكاسىنىڭ كەز كەلگەن ازاماتى قاتىسا الادى.

قۇجاتتاردى قابىلداۋ 2017 جىلعى 29 مامىردان 15 قىركۇيەككە دەيىن جۇزەگە اسىرىلادى. ءبىراق جوعارى سۇرانىس سەبەبىنەن وسى جىلى قابىلداۋ 16 قازانعا دەيىن سوزىلعان.

«بولاشاق» حالىقارالىق ستيپەندياسى ءاربىر دارەجە بويىنشا ءبىر رەت تاعايىندالاتىنىن ەسكەرۋ ماڭىزدى بولىپ تابىلادى.«بولاشاق» باعدارلاماسىنىڭ اياسىندا حالىقارالىق ستيپەنديانى تاعايىنداۋعا جىل سايىن ۇلەستەمە بەلگىلەنەدى.

«بولاشاق» باعدارلاماسى بويىنشا ءتۇسۋ ءتارتىبى

I كەزەڭ. ءتۇسۋ ءۇشىن ساناتتاردى انىقتاۋ

«بولاشاق» حالىقارالىق ستيپەندياسى اياسىندا ق ر ازاماتتارى ماگيستراتۋرا، رەزيدەنتۋرا، دوكتورانتۋرا نەمەسە تاعىلىمدامادان ءوتۋ باعدارلامالارى بويىنشا تۇسە الادى.

اتالعان ءبىلىم باعدارلامالارىنا:

— ماگيستر دارەجەسىن الۋ ءۇشىن مەملەكەتتىك قىزمەتشىلەر

— ماگيستر دارەجەسىن الۋ ءۇشىن عىلىمي نەمەسە پەداگوگ قىزمەتكەرلەر

— ماگيستر دارەجەسىن الۋ ءۇشىن مادەنيەت قىزمەتكەرلەرى، شىعارماشىل قىزمەتكەرلەر

— ماگيستر دارەجەسىن الۋ ءۇشىن بۇقارالىق اقپارات قۇرالدارى قىزمەتكەرلەرى

— ماگيستراتۋراعا، رەزيدەنتۋراعا، دوكتارانتۋراعا، تاعىلىمداعا ءوز بەتىمەن تۇسكەندەر

— جالپى كونكۋرس ساناتىنا قاتىسۋشىلار تۇسە الادى.

II كەزەڭ. قاجەتتى قۇجاتتاردى دايىنداۋ

قۇجاتتاردى تاپسىرۋ مەرزىمدەرى تۋرالى اقپارات «حالىقارالىق باعدارلامالار ورتالىعى» اق رەسمي سايتىندا جاريالانادى. قابىلداۋ مەرزىمدەرى الدىن الا جاريالانادى، سوندىقتان بارلىق قۇجاتتاردى جيناپ، ولاردى «حالىقارالىق باعدارلامالار ورتالىعى» اق-عا ۇسىنۋ مۇمكىندىگىڭىز بار.

وقۋعا تۇسۋگە ۇمىتكەرلەرگە تومەندە كورسەتىلگەن قۇجاتتار پاكەتىن دايىنداۋ قاجەت:

— ۇمىتكەر ساۋلناماسى

— مەملەكەتتىك قىزمەتشىلەر، عىلىمي نەمەسە پەداگوگ قىزمەتكەرلەر، ينجەنەرلىك-تەحنيكالىق قىزمەتكەرلەر، مادەنيەت قىزمەتكەرلەرى، شىعارماشىل قىزمەتكەرلەر، بۇقارالىق اقپارات قۇرالدارى قىزمەتكەرلەرى ساناتتارى بويىنشا كونكۋرسقا قاتىسۋشى ۇمىتكەرلەر ءۇشىن جۇمىس ورگانىمەن بەكىتىلەتىن نىسانعا سايكەس جۇمىس ورنىن ساقتاۋ شارتىمەن ماماندى دايارلاۋعا جۇمىس بەرۋشىنىڭ ءوتىنىمى

— ۋاجدەمەلىك حات

— ۇسىنىم حات

— جۇمىس ورگانىمەن بەكىتىلەتىن ۇمىتكەردىڭ تولتىرىلعان ساۋلناماسى

— جەكە كۋالىكتىڭ جانە ءتولقۇجاتتىڭ ءتۇپنۇسقالارى مەن كوشىرمەلەرى

— باكالاۆر نەمەسە مامان ديپلومى جانە ونىڭ قوسىمشاسى

— 082-ۋ نىسانداعى دەنساۋلىق جاعدايى تۋرالى مەديسينالىق انىقتاما

— ەڭبەك قىزمەتىن راستايتىن قۇجاتتار، سونداي-اق اۋدارىلعان مىندەتتى زەينەتاقى جارنالار تۋرالى ۇزىندىلەر

— بار بولعان جاعدايدا، شەت ءتىلى مەن مەملەكەتتىك ءتىل بويىنشا ەمتيحاندى تاپسىرۋ تۋرالى سەرتيفيكات

سونداي-اق، ساناتىنا قاراي جوعارىدا سيپاتتالعان قۇجاتتاردىڭ نەگىزگى تىزىمىنە مىناداي قۇجاتتار قوسا بەرىلسىن:

دوكتورانتۋرا باعدارلاماسى بويىنشا ءوز بەتىمەن تۇسەتىندەر ءۇشىن:

— باعدارلاما، ماماندىق جانە وقۋ كەزەڭىن كورسەتۋمەن اكادەميالىق وقۋعا شارتسىز قابىلداۋ تۋرالى قۇجات (تالاپ ەتىلەتىن دەڭگەيگە دەيىن شەت ءتىلىن ءبىلۋ دەڭگەيىن ارتتىرۋ بويىنشا تالاپتار مەن قارجى تالاپتارىن قوسپاعاندا) مەملەكەتتىك نەمەسە ورىس تىلدەرىنە نوتاريالدى راستالعان اۋدارمامەن بىرگە

— وسى دارەجەنى الۋ ءۇشىن شەتەلدىك جەتەكشى جوعارى وقۋ ورنىمەن كەلىسىلگەن جانە شەتەلدىك جەتەكشى جوعارى وقۋ ورنىمەن بەلگىلەنگەن مەرزىمدەردەن اسپايتىن جەكە وقۋ جوسپارى

تاعىلىمداماعا تۇسەتىندەر ءۇشىن:

— تاعىلىمدامادان ءوتۋ مەرزىمدەرىن، ماماندىعىن جانە قۇنىن (ەسەپتەۋلەردى تۇسىندىرۋمەن) كورسەتۋمەن تاعىلىمداماعا قابىلدايتىن شەتەلدىك ۇيىمنىڭ شارتسىز شاقىرۋىن راستايتىن قۇجات (تالاپ ەتىلەتىن دەڭگەيگە دەيىن شەت ءتىلىن ءبىلۋ دەڭگەيىن ارتتىرۋ بويىنشا تالاپتار جانە قارجى تالاپتارىن قوسپاعاندا)، مەملەكەتتىك نەمەسە ورىس تىلدەرىنە نوتاريالدى راستالعان اۋدارمامەن بىرگە

— قابىلداۋشى جانە جىبەرۋشى تاراپتار تالاپتارىنا سايكەس جاسالعان جانە ولارمەن بەكىتىلگەن تاعىلىمدامادان ءوتۋ باعدارلاماسى

ءوز بەتىمەن تۇسەتىندەر ءۇشىن:

— باعدارلاما، ماماندىق جانە وقۋ كەزەڭىن كورسەتۋمەن اكادەميالىق وقۋعا شارتسىز قابىلداۋ تۋرالى قۇجات (قارجى تالاپتارىن قوسپاعاندا) مەملەكەتتىك نەمەسە ورىس تىلدەرىنە نوتاريالدى راستالعان اۋدارمامەن بىرگە.

III كەزەڭ. وقۋ ءۇشىن ماماندىقتى جانە وقۋ ورنىن تاڭداۋ

وقۋ ءۇشىن ماماندىقتى جانە وقۋ ورنىن تاڭداۋ ءۇشىن مىنالار قاجەت:

— ستيپەنديا تاعايىندالۋى ءۇشىن باسىم ماماندىقتار تىزىمىندە ماماندىقتى تابۋ، وندا ءار ماماندىققا قاراما-قارسى وڭ شەتكى باعاندا وقۋ مۇمكىن بولاتىن وقۋ ەلدەرى كورسەتىلگەن

— ماماندىقتى جانە وقۋ ەلىن انىقتاعاننان كەيىن جەتەكشى جوعارى وقۋ ورىندارىنىڭ تىزىمىنەن وقۋ ورنىن تاڭداۋ.

IV كەزەڭ. كونكۋرستىق ىرىكتەۋدى جۇرگىزۋ

كەلەسى كەزەڭ كونكۋرستىق ىرىكتەۋدى جۇرگىزۋ بولىپ تابىلادى. كونكۋرستىق ىرىكتەۋ 6 تۋردان تۇرادى.

ءبىرىنشى تۋر كەلەسى كەزەڭەردەن تۇرادى:

— ۋاجدەمەلىك جانە ۇسىنىم حاتتار

— مەملەكەتتىك ءتىلدى بىلۋگە تەستىلەۋ

— شەت ءتىلىن بىلۋگە تەستىلەۋ

— كەشەندى تەستىلەۋ

— تاۋەلسىز ساراپتامالىق كوميسسيامەن اڭگىمەلەسۋ

— رەسپۋبليكالىق كوميسسيا وتىرىسى.

الماتى مەن استانا قالالارىندا وتكىزىلەتىن شەت ءتىلىن بىلۋگە تەستىلەۋدى قوسپاعاندا، بارلىق كەزەڭدەر استانا قالاسىندا وتكىزىلەدى. كونكۋرستىق ىرىكتەۋدىڭ قالعان 5 تۋرى استانا قالاسىندا وتەدى. ءار ۇمىتكەرگە تەستىلەۋ كۇنى تۋرالى ەمتيحانعا 5-6 كۇن بۇرىن جەكە حابارلايدى. كونكۋرستىق ىرىكتەۋدى جۇرگىزۋگە جاۋاپتى. «حالىقارالىق باعدارلامالار ورتالىعى» اق قۇرىلىمدىق بولىمشەسىنىڭ قىزمەتكەرلەرى ءار كەزەڭنەن كەيىن 15 كۇن ىشىندە ۇمىتكەرلەردى ناتيجەلەر جونىندە حاباردار ەتەدى.

«بولاشاق» حالىقارالىق ستيپەندياسىنىڭ يەگەرى بولدىڭىز.

رەسپۋبليكالىق كوميسسيا «بولاشاق» ستيپەندياسىن تاعايىنداۋ تۋرالى شەشىمدى قابىلداعان كۇننەن باستاپ 90 كۇنتىزبەلىك كۇن ىشىندە ستيپەنديا يەگەرى وقۋعا شارتتى جاسايدى. شارت وقۋدى ۇيىمداستىرۋ/تاعىلىمدامادان ءوتۋدى ۇيىمداستىرۋ بويىنشا بارلىق شىعىنداردى تولەۋمەن بايلانىستى اقشانى اۋدارۋ ءۇشىن نەگىز بولىپ تابىلادى.

دەرەككوزى: egov.kz

---