بولاشاق پەداگوگتار مەن دوكتورانتتاردىڭ ستيپەندياسى ارتادى
قازاقستاندا پەداگوگيكالىق باعىتتا وقيتىن ستۋدەنتتەر مەن دوكتورانتتارعا ستيپەنديا كولەمى ارتادى. ءتيىستى قۇجات اشىق نورماتيۆتىك-قۇقىقتىق اكتىلەر پورتالىندا جاريا تالقىعا ۇسىنىلدى.
شاكىرتاقى سوماسىن كوتەرۋگە مەملەكەت باسشىسى قاسىم-جومارت توقايەۆتىڭ 2020 جىلعى 27 مامىرداعى ۇلتتىق قوعامدىق سەنىم كەڭەسىنىڭ ءۇشىنشى وتىرىسىندا بەرگەن تاپسىرماسى نەگىز بولدى.
«جوعارى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا دايارلاۋدىڭ پەداگوگيكالىق باعىتتارىندا وقيتىن ستۋدەنتتەرگە – 42000 تەڭگە»، - دەلىنگەن قۇجاتتا.
ال باسقا ماماندىقتارداعى ستۋدەنتتەرگە ستيپەنديا بۇرىنعى 26 186 تەڭگە سوماسىندا بەرىلەدى.
مۇنىمەن قوسا، دوكتورانتتاردىڭ ستيپەندياسى 150000 تەڭگەگە جەتەدى. قازىرگى كەزدە ولارعا 102 498 تەڭگە سوماسىندا بەرىلىپ كەلەدى.
وسى قاۋلى 2020 جىلعى 1 قىركۇيەكتەن باستاپ قولدانىسقا ەنگىزىلەدى.
ەسكە سالا كەتەيىك، بيىل مامىردا ق ر پرەزيدەنتى قاسىم-جومارت توقايەۆ پەداگوگيكا ماماندىقتارىنىڭ ستيپەندياسىن 26 مىڭ تەڭگەدەن 42 مىڭ تەڭگەگە ارتتىرۋدى تاپسىردى.
سونىمەن قاتار پرەزيدەنت دوكتورانتتاردىڭ ستيپەندياسىن 150 مىڭ تەڭگەگە دەيىن كوبەيتۋ قاجەتتىگىن ايتقان ەدى.
You Might Also Like
-
اباي قۇنانبايۇلى-عۇلاما، ويشىل، اقىن، اعارتۋشى، ۇلتىنىڭ جاڭا ادەبيەتىنىڭ نەگىزىن قالاۋشى، اۋدارماشى، كومپوزيتور رەتىندە ەل تاريحىندا وشپەس ءىز قالدىرعانى ءسوزسىز. ونىڭ ولەڭدەرى مەن قارا سوزدەرىندە ۇل...
