ناۋرىز تۋرالى ولەڭدەر
ولكەمە ناۋرىز كەلدى، كوكتەم كەلدى،
قۇلپىرىپ گۇلگە وراپ كوك پەن جەردى.
حالقىمنىڭ سالت-داستۇلەرىن ايالاعان،
ارمانى اسقاقتادى كوپتەن بەرگى.
جاڭارتىپ سانا، سالتىمدى،
قۋانتقان بارشا حالقىمدى.
ناۋرىز تويى – ەل تويى،
عاسىردان اسىر داڭقىڭدى.
ءان بولىپ اسىل،
داڭقىڭدى اسىر
عاسىردان عاسىر.
جەر ءۇستى جاسارادى، جاڭعىرادى.
بار ايماق اڭساي كۇتكەن ءسان قۇرادى.
قوي قوزداپ، قوزى ءورىپ، ەگىن كوكتەپ،
تۋعان جەر توسكەيىنەن ءان قۇلادى.
ناۋرىزىم شات-دۋمان كوڭىل تويى،
جان بەرگەن تىرشىلىكككە ءومىر تويى.
كەڭلەيىپ ەل-جۇرتىنا مەيىر شاشىپ،
كۇن نۇرىن قۇشىپ جاتىر ءوڭىر بويى.
ناۋرىزدىڭ جانعا جايلى سامالى ەسىپ،
ەلىمە سىيلاپ جاتىر جاڭا نەسىپ.
ءداستۇرىن جالعاستىرىپ بابالادىڭ،
كەڭەيدى جان سارايى، سانا ءوسىپ.
كوكسەگەن قاسيەتتى ىڭكالارىن،
ارداقتاپ اسقاق ۇستاپ جۇرت ارمانىن،
ۇلتىمنىڭ قانعا سىڭگەن مۇڭىن ەمدەپ،
ناۋرىز دەپ بايتاق ەلدە شىرقالدى ءانىم.
كەڭ جايىپ قازاقى ءۇيدىڭ كەرەگەسىن،
كورسەتىپ قادىر-قاسيەت نەگەسىن،
مەرەيى قازاعمنىڭ وسە بەرسىن،
كوگەرتىپ ماڭگى باقي كوسەگەسىن.
ناۋرىزدا جارقىلداعان جاسىن وت بار،
ادامدار قۇلاي سۇيگەن قاسيەت بار.
ۇلتىمنىڭ ءداستۇرسالتىن جارقىراتقان
جىرىندا جۇرەك تەربەر وسيەت بار.
تاستى ەمىپ، قايناپ جاتقان بۇلاعى بال،
ناۋرىزدىڭ قۇشاعىندا شۋاعى بار.
ءسان بەرىپ شاتتىعىم اق شۇعىلا،
مەرەيىن ەلدىڭ اسقاق كۋا قىلار.
گۇلگە وراپ، جاساندىرىپ جۋسان بەلىن،
اقتارعان ارىنداتىپ دۋمان سەلىن.
سىڭىرگەن حالىق سالتىن قانىمىزعا،
مەيرامنىڭ قۇتتى بولسىن، تۋعان ەلىم!
* * *
ناۋرىز جىرى
قازاعىم، ناۋرىزىڭ قۇتتى بولسىن،
كوتەرگەن شاڭىراعىڭ بيىك بولسىن.
تىلەكتەرى ۇلتىمنىڭ قابىل بولىپ،
جاقسىلىعىن ءبىر اللا ءيىپ تۇرسىن.
ناۋرىز تويى- اق باتانىڭ باستاۋى،
بەرەكە مەن بىرلىكتىڭ جالعاسۋى.
جەتى ءتۇرلى قاسيەتتى داممەنەن،
بايتاق ەلدىڭ ءبىر تولادى استاۋى.
ناۋرىز كەلىپ كوكتەم سازى بىلىنەر،
ويناپ- كۇلگەن جاس بالالار جۇگىرەر.
جاڭا جىلى قازاق دەگەن ۇلى ەلدىڭ،
ناۋرىز اي شاتتىقپەنەن نۇر بەرەر.
گ ۇلى شىعىپ دالا جايناپ قۇلپىرعان،
دالام قانداي تاماشا ەدى ءان تۇڭعان.
بۋساپ جاتىر دالام بۇگىن تەرلەنە،
باۋرايىنان قارى كەتىپ قۇرسانعان.
التىن كۇنى شۋاق شاشىپ اسپاننان،
جاڭا جىلىم جىر دۋمانمەن باستالعان.
اق داستارحان جايىپ قازاق تورىنە،
اق نيەتپەن ۇلكەندەردەن باتا العان.
جاڭا جىلىم كەلىپ جەتتى اڭساعان،
باسقا ۇلتتارمەن تاتۋلىققا جار سالعان.
داستۇرىمەن ماقتانامىن ەلىمنىڭ،
«مەن قازاق!»- دەپ دۇنيەگە جار سالام.
قازاعىمنىڭ جاڭا جىلى كەلگەندە،
ەلىم مەنىڭ قۋانىشتا جۇرگەندە.
مەندەگى ولەڭ تاۋ سۋىنداي تاسيدى،
قازاعىمنىڭ شاتتىق ءجۇزىن كورگەندە.
ناۋرىز كەلدى ال تويلاڭدار، جاراڭدار،
كەلگەن مىنا مەرەكەگە قاراڭدار.
شاشۋ شاشىپ اق جاۋلىقتى اجەلەر،
تويدا بۇگىن ويناپ- كۇلىپ تاراڭدار!
* * *
ناۋرىز كوكتەم
ناۋرىز كوكتەم، ناۋرىز جىر،
انا مەيرىم، شۋاق نۇر.
جان يەسىن جاڭارتقان،
اققان بۇلاق، نازىك سىر.
ناۋرىز الەم، ناۋرىز قۇس،
سۇلۋ دالا، ساعىم ءتۇز.
سامعاي ۇشقان قارىلعاش،
اققۋ قازدار مامىق ءتوس.
ناۋرىز دالا، ناۋرىز گۇل،
تەنتەك سەزىم، ءۇنسىز ءتىل.
اق قايىڭنىڭ اياسىندا ايقاسقان،
بالۋان بىلەك، قىپشا بەل.
ناۋرىز جاۋىن، ناۋرىز ءسان،
اسەم اۋەن، سازدى ءان.
قىز بوزبالا قىدىرعان،
جاcىل جەلەك، كوك اسپان.
ناۋرىز سامال، ناۋرىز تاڭ،
قالىڭ ورمان ۇيقىسىنان ويانعان.
ساعىنىشپەن قاۋىشتىرعان جۇپتاردى،
جىلدىڭ باسى، ون ەكى ايدا توعىسقان.
You Might Also Like
-
بالالىق شاق تالدى اۋىلىندا ءوتتى. تابيعاتى شەبەرلىكپەن ۇيلەستىرىلگەن، جومارتتىقپەن بەرىلە سالىنعان تاڭعاجايىپ كورىكتى، جانعا جايلى اسەم جەردىڭ ءبىرى دەر ەدىم. تابيعات توسىندە سىلدىرلاپ اققان اقتۇما م...
