بيۋدجەتتەن بولىنگەن 150 ملن تەڭگەگە قانداي شىعارمالار باسىلادى
ق ر مادەنيەت جانە سپورت مينيسترلىگى جانىنداعى ساراپتامالىق كەڭەس قوعامدىق ماڭىزى بار 56 شىعارمانى بەكىتتى. كەلەسى جىلدا اتالعان ەڭبەكتەردىڭ ءبارى باسىلىپ شىعادى.
«مەملەكەت اۆتورلارعا ءاربىر باسپا تاباق ءۇشىن 150 مىڭ تەڭگە قالاماقى تولەيدى. ماسەلەن، 20 باسپا تاباق بولاتىن ورتاشا كىتاپقا شامامەن 3 ملن تەڭگە بەرىلەدى. اۆتورلاردىڭ باسىم بولىگى - جاس جازۋشىلار. مەتر اعالارىمىزدان ەكى-ۇشەۋى عانا بار. سەبەبى ول كىسىلەر كەزىندە ءوز شىعارمالارىن جاريالاعان. ءبىز بولساق، وسى ۋاقىتقا دەيىن جارىق كورمەگەن شىعارمالارعا باسىمدىق بەرىپ وتىرمىز»، - دەيدى اكىمشىلىك دەپارتامەنتىنىڭ ديرەكتورى ەرەناي دارجىبايەۆ.
ونىڭ ايتۋىنشا، قوعامدىق ماڭىزى بار شىعارمالار 9 باعىت بويىنشا ىرىكتەلەدى. سونىڭ ىشىندە ەنسيكلوپەديالىق جانە انىقتامالىق، بالالار جانە جاسوسپىرىمدەر، مادەنيەت جانە ونەر، كوركەم-تانىمدىق، قوعامدىق، عىلىمي-كوپشىلىك جانە اۋدارما ادەبيەتتەر بار. بيىلعى كونكۋرستان وتكەن بارلىق شىعارمالارعا بيۋدجەتتەن 150 ملن تەڭگە ءبولىنىپ وتىر. ءاربىر كىتاپ 5 000 دانامەن باسىلىپ، رەسپۋبليكا بويىنشا بارلىق كىتاپحانالارعا تاراتىلادى.
سونىمەن، بيىلعى كونكۋرس بويىنشا باسپاعا بەرىلەتىن شىعارمالارعا جۇلدىز تويبەكتىڭ «كەۋدەمە كوكالا ۇيرەك كەلىپ قونسا» كىتابى، جولتاي الماشيەۆ - «بەسىك ۇشقان كۇن»، راپيلبەك نيازبەك - «ارعىماقتار دالاسى»، ايتۋار وتەگەنوۆ - «شەرقالا»، نۇرلان ورازالين - «كوكجال ءداۋىرى» - «ۆرەميا ۆولچيسا»، تالاس وماربەكوۆ - «قازاقتىڭ شىعۋ تەگى»، تىنىمباي نۇرماعامبەتوۆ - «رۋحتان جەردەن كەتەدى»، احمەت ءاشىروۆ - «باۋرچۋك ارت تەكين»، عالىمجان مەلدەشوۆ - «جۋرناليست جولعا شىعادى»، جانات ايتمۇحامبەت - «قىش تاقتايداعى سىنا جازۋ»، بيبىگۇل يمانعازينا - «تاۋقىمەت»، قۋانىش جيەنباي - «كۇزدىڭ جىلى جاڭبىرى»، قۋاندىق تۇمەنباي - «جاسىل جانىپ تۇرعاندا»، قۇلبەك ەرگوبەك - «بايانسىز»، ايبات كەپتەربايەۆ - «كوكتەمنىڭ ءمولدىر تامشىسى»، جانبولات اۋپباي - «تابيعات تەرەزەسى»، قاراشاش توقسانباي - «سىر-سىمبات»، تەلمان نۋراحۋنوۆ - «قانليق ءوستاڭ»، بامىش باحىتبەك - «ءسوز مايەگى»، تولىمبەك ىبىرايىم - «تاعدىر سىيى»، ەلەن ءالىمجان - «اناجار»، تورەگەلدى تۇياقباي - «ءتورت توعىس»، عالىم ءارىپ - «دىبىستار ءدىرىلى»، قاپەز قوجاحمەتوۆ - «قالامگەر اۋلەتى»، نۇرجان قۋانتايەۆ - «جۇسىپبەك ايماۋىت ۇلىنىڭ كوسەمسوزى»، اراسانباي ەستەنوۆ - «كونە كەنتتەر كۇمبىرى»، بەيبىت قويشىبايەۆ - «تاريح جانە تۇلعا»، زاريا جۇمانوۆا - «اقبوتا»، تۇرسىن جۇرتباي - «جولى بولعان جولاۋشى»، دانەش احمەت - «بۇلدىرگەن قالىڭ شىققان»، نۇرلىتاي ۇركىمبايەۆا - «مەن سىرلاسامىن»، بولات ۇسەنبايەۆ - «كۇرەڭ كۇز»، زياز تولەۋوۆا - «قۇلاعان ءۇيدىڭ قۇپياسى»، ەلدوس توقتارباي - «جارىق ساۋلە»، نۇرعالي ورازوۆ - «اپپاق بۇلت»، اقىلبەك شاياحمەت - «سەنىم»، سەرىكباي بايحونوۆ - «التاي اسۋ»، جانات احمادييەۆ - «قازىمبەت قازى»، تورەحان مايباس - «مىڭقىش»، جۇسىپبەك قورعاسبەك - «مەحنات ءھام حيكمەت»، تۇرلىبەك مامەسەيىت - «مەست بەركۋتا»، ەسمۇحان وبايەۆ - «ءبارى..ءبارى...ەسىمدە»، سەرىك ەركىمبەكوۆ - «وركەستروۆكا وپەرى م.تۋلەبايەۆا «قوزى كورپەش - بايان سۇلۋ»، اباي قۇلبايەۆ - «لەگەندا ستەپەي»، امانكەلدى مۇقان - «تەاتردا تۋعان تولعامدار»، قۋاندىق شاماحاي - «نايزاعايلى جىلدار جاڭعىرىعى»، امانگەلدى مىرزابەك - «الەم ادەبيەتىنىڭ اڭگىمەلەرى»، گۇلفايراز دالباعاي - «سازسىرناي اسپابىنا ارنالعان حرەستوماتيا»، لياززات سپانقۇلوۆا - «ەكونوميكالىق ەتيۋدتەر»، كامەل جۇنىستەگى - «ۆەليكيي سىن ستەپي ەديگە»، بولات بوداۋباي - «تاينا ستاروي تەترادي»، دانداي ىسقاق ۇلى - «ءتىل ەپوپەياسى نەمەسە رۋحاني جاڭعىرۋداعى قازاق ءتىلىنىڭ تاريحي ميسسياسى»، كارل بايپاقوۆ، دميتريي ۆوياكين جانە مەيرام سەيتقالييەۆ - «جەتىتوبە: كۋرگانى ساكسكوي زناتي ۆ دولينە تالاس»، الەكساندر گاركاۆەس - «ۆەليكايا ستەپ ۆ انتيچنىح ي ۆيزانتييسكيح يستوچنيكاح» جانە «Codex Cumanicus» ەندى.
ايتا كەتەيىك، كەلەسى كونكۋرس 2018 جىلى اقپان ايىندا باستالادى. سول كەزدە رەسپۋبليكالىق اقپارات قۇرالدارى ارقىلى حابارلاندىرۋلار بەرىلەدى.
قازاقپارات
You Might Also Like
-
ماقساتى: مەكتەپكە دەيىنگى بالالاردىڭ منەموكەستە ارقىلى بالالاردىڭ سوزدىك قورىن دامىتۋ،ەستە ساقتاۋ قابىلەتىن ارتتىرۋ، كوركەم ادەبيەتتىڭ مازمۇنىن ءتۇسىنىپ سۇراقتارعا تولىق جاۋاپ بەرۋگە ۇيرەتۋ.
-
بيىل – ەل ەگەمەندىگىنە 26 جىل! بۇل كۇن اسىرەسە مەن ءۇشىن جانە تاۋەلسىزدىكتىڭ قۇرداستارى ءۇشىن ەرەكشە مەيرام. دۇنيەگە شىر ەتىپ كەلگەن كۇننەن باستاپ «تاۋەلسىز ەلدىڭ ۇرپاقتارى» دەگەن ا...
