ساعادييەۆكە ۇستازداردان تالاپ حات
ءبىلىم جانە عىلىم ءمينيسترى
ەرلان ساعادييەۆ مىرزاعا
حابار ارناسىندا وتكەن «BILIM» باعدارلاماسىنا قاتىسقان ا. ساعيدۋللايەۆا بجعم وكىلىنە ارنايى ۇندەۋ حات تاپسىرعان بولاتىن.
ول جەردە بۇكىل قازاقستان مۇعالىمدەرىنىڭ پروبلەمالارى جازىلعان بولاتىن. وكىنىشكە وراي بجعم تاپسىرعان حاتقا تەك حات تاپسىرعان ا. ساعيدۋللايەۆاعا ءوزىنىڭ اۋدانىنىڭ عانا پروبلەماسىن سول اۋداننىڭ مەتوديستىنە جاۋاپ جازعىزىپ سول اۋداننىڭ كولەمىندە عانا جاۋاپ بەرگەن. جاۋاپ حات 2017 جىلعى 12 قاڭتار، جت-ۇج-1604-1/11-5 نومىرىمەن كەلگەن. تومەندەگى حات تا ءبىر اۋداننىڭ جاعدايى ەمەس، بۇكىل قازاقستان رەسپۋبليكاسىنىڭ ءار ايماعىنىڭ ۇستازدارىنان الەۋمەتتىك جەلى ارقىلى قول جينالىپ رەسپۋبليكا بويىنشا ورىن الىپ وتىرعان ماسەلەلەر جازىلىپ وتىر. قول جيناۋ ءالى دە جالعاسۋدا.
ءۇش ءتىلدى جاڭا رەفورما كىرگەلى مەكتەپتەردەگى ابىگەر كوبەيمەسە ازايعان جوق. جاڭارتىلعان باعدارلامانىڭ دا اڭگىمەسى ءبىر باسقا. بۇل جەردە شەشۋىن كۇتتىرمەيتىن ماسەلە وتە كوپ.
ءبىلىم جانە عىلىم مينيسترلىگىنەن وسى ماسەلەنى ءبىرىنشى كەزەكتە شەشۋىن سۇرايمىز!
1. كوپ مەكتەپتەردىڭ ماتەريالدىق بازاسى جاڭارتىلعان مازمۇنداعى ءبىلىم بەرۋگە سايكەس ەمەس. كومپيۋتەرلەر ەسكىرگەن، (كوپ جاعدايدا ەسكى كومپيۋتەرلەردى ەسەپتەگى كومپيۋتەرلەر سانى ازايىپ قالماس ءۇشىن وبلىستىق ءبىلىم باسقارمالارى ەسەپتەن شىعارتپاي ۇستاپ وتىر) ينتەرنەت جەلىسىنىڭ ءوزى بىرەۋ عانا. جىلدامدىعى تومەن، باسقا ءپان مۇعالىمدەرىنىڭ پايدالانۋىنا مۇمكىندىك جوق. مەكتەپتە ىستەن شىققان كومپيۋتەر، پرينتەر، پروەكتورلارعا قوسالقى بولشەكتەر ساتىپ الۋعا مۇمكىندىك جوق (جەرگىلىكتى بيۋدجەتتەن قارجىلاندىرادى، اقشا جەتپەيدى دەيدى).
2. جاڭارتىلعان باعدارلاما ءمۇعالىمنىڭ ساباققا تىڭعىلىقتى دايىندالۋدى، تاراتپا ماتەريالداردى كوپتەپ شىعارۋدى تالاپ ەتەدى. كەيبىر جەرلەردە كىتاپ جەتىسپەيدى. ول تۋرالى ايتىلسا، «كىتاپ رەسۋرس قانا» وقۋشىلار اقپاراتتى كەز – كەلگەن جەردەن، ينتەرنەتتەن الۋعا دا بولادى دەيدى. ءبىراق ينتەرنەتتىڭ ءتۇرى جوعارىداعىداي بولسا، باسقا قايدان الۋعا بولادى؟ مەكتەپتەرگە بيۋدجەتتەن قاعاز ت.ب كونسەلياريالىق تاۋارلارعا نەگە اقشا بولىنبەيدى؟ ورتا ەسەپپەن 1 مۇعالىمگە 1 جىلعا 18 قوراپ قاعاز كەتەدى. ءقازىر وكىنىشكە وراي بۇل سالماق مۇعالىمدەردىڭ موينىندا.
3. ءقازىر بىزدە 5 كۇندىك وقۋ جۇيەسى. ءمۇعالىمنىڭ جۇمىس ساعاتى 18 ساعات. ءبىراق ءمۇعالىمنىڭ وقۋ-تاربيە جۇمىسىنا، جەكە ساباققا دايىندالۋعا كەتەتىن ۋاقىتى باقىلاۋعا كەلمەيتىندىكتەن قالعان ۋاقىتىنا اقشا تولەنبەيدى. ونىڭ ىشىنە پەدكەڭەستەر مەن وقۋ-تاربيە جۇمىسى بويىنشا جاسالاتىن جۇمىستار كىرەدى. وكىنىشكە وراي كوپ جەرلەردە مەكتەپ ديرەكتورلارى سەنبى كۇنى ءتۇرلى جينالىستار مەن ءىس شارالاردى قويىپ وتىر. سەنبى كۇنى مۇعالىمدەر ساباعىن دايىنداسا، جەكسەنبى كۇنى باسقالار سياقتى ءبىر كۇنىن وتباسىنا ارنايتىن ەدى. وسى ماسەلەنىڭ باسى شەشىپ بەرىڭىز.
4. مۇعالىمدەردى كوشە تازالاۋ، گازەتكە جازدىرۋ، ءۇي ارالاۋ، مەرەكە كۇندەرى كەزەكشىلىككە قويۋ، ت.ب جۇمىستار ءالى تيىلماي كەلەدى. ەرىكسىز ەڭبەككە سوتتىڭ شەشىمى، نە بولماسا سوعىس جاعدايىندا عانا جول بەرىلەدى. كونستيتۋسيا، ءبىلىم زاڭى بويىنشا ونداي ىس-ارەكەتتەرگە تيىم سالىنعان. مەرەكە كۇندەرى كەزەكشىلىك ەڭبەك كودەكسىنىڭ 86-بابى بويىنشا جۇمىسكەردىڭ كەلىسىمىنسىز دەمالىس جانە مەرەكە كۇندەرى جۇمىسقا تارتۋ 1) توتەنشە جاعدايلاردىڭ، دۇلەي ءزىلزالانىڭ نەمەسە وندىرىستىك اۆاريانىڭ الدىن الۋ نە ولاردىڭ زارداپتارىن دەرەۋ جويۋ ءۇشىن؛ 2) ەڭبەك قىزمەتىنە بايلانىستى جازاتايىم وقيعالاردىڭ، مۇلىكتىڭ جويىلۋىنىڭ نەمەسە ءبۇلىنۋىنىڭ الدىن الۋ جانە ولاردى تەرگەپ-تەكسەرۋ ءۇشىن؛ 3) تۇتاستاي ۇيىمنىڭ نەمەسە ونىڭ جەكەلەگەن بولىمشەلەرىنىڭ ودان ءارى قالىپتى جۇمىس ىستەۋى جەدەل ورىندالۋىنا بايلانىستى بولاتىن شۇعىل، كۇتپەگەن جۇمىستاردى ورىنداۋ ءۇشىن جول بەرىلەدى – دەلىنگەن. ءبىراق كوپ جاعدايدا مۇعالىمدەردى مەرەكە كۇندەرى كەزەكشىلىككە قويۋ جالعاسىپ كەلەدى. ءمۇعالىمنىڭ بەدەلىنە، قادىر-قاسيەتى مەن مارتەبەسىنە نۇقسان كەلتىرەتىن جۇمىس تۇرلەرى دوعارىلسىن. ءبىلىم باسقارمالارى مەن ءبىلىم بولىمدەرىنە وسى تۋرالى قاتاڭ ەسكەرتۋدى سۇرايمىز.
5. BILIM-LAND، I-MEKTEP تۋرالى. بۇل جەكە سەرىكتەستىكتىڭ وقىتۋ قۇرالدارى وفلاين تۇرىندە مەكتەپتەرگە تاراتىلدى. كولەمى 500 گب. ءىشىنارا مەكتەپتەردە جەلى ارقىلى تاراتۋعا مۇمكىندىك جوق. ءار ءپاندى جەكە-جەكە شىعارسا. ونلاين كىرەتىن مەكتەپتەرگە پارول، لوگين تاراتىلعان. ءبىراق وسى جەكە سەرىكتەستىك وبلىستىق ءبىلىم باسقارمالارىنا كىرگەن-كىرمەگەن مەكتەپتەر تۋرالى اقپاراتتى جىبەرىپ رەيتينگ شىعارىپ وتىرادى. سول رەيتينگ ارقىلى ءبىلىم باسقارمالارى مەكتەپ مۇعالىمدەرىنە كىرمەگەنى ءۇشىن ەسكەرتۋ جاساپ كىرىپ ساباققا پايدالانۋىنا بۇيرىق بەرەدى. ءبىراق ول ءمۇعالىمنىڭ نەگە ونى پايدالانباي جۇرگەنىن تەكسەرگەندەر بولدى ما؟ جوق. بۇل تاعى دا ماتەريالدىق بازا كومپيۋتەر مەن ينتەرنەتكە كەلىپ تىرەلەدى. مەكتەپتىڭ ءار كابينەتىنە ينتەرنەتكە قولجەتىمدىلىك قاشان ورنايدى؟ وسى كومپانيانىڭ ەلەكتروندى وقۋلىعى باعدارلامامەن سايكەس ەمەس.
6. نزم باعدارلامالارى جاپپاي ورتا مەكتەپتەرگە دە تاراتىلۋدا. ورتا مەكتەپتەر نزم سياقتى وقۋشىلاردى، مۇعالىمدەردى كونكۋرسپەن قابىلدامايدى! وعان ەرەكشە دارىندى، تەستەن ناقتى ناتيجە جيناعان وقۋشىلار ىرىكتەلەدى. ماتەريالدىق بازانىڭ تەڭسىزدىگى جانە بار. وسى جاعداي نەگە ەسكەرىلمەيدى؟!
7. ەلەكتروندى كۇندەلىك تۋرالى. ەلەكتروندى كۇندەلىك تە جەكە مەنشىكتىڭ دۇنيەسى. رەسەيدەن كوشىرىلىپ الىنعان. رەسەيدە مۇعالىمدەرگە ونى تولتىرعانى ءۇشىن ارنايى اقشا تولەنەدى. بىزدە تولەنبەيدى. مۇعالىمدەر ءبىر كابينەتكە كەزەككە تۇرۋعا ءماجبۇر. تاعى دا ءىس ينتەرنەتكە كەلىپ تىرەلەدى. ماتەريالدىق بازاسى جەتىسپەيتىن مەكتەپكە تىقپالاۋدىڭ كەرەگى نە؟ ەلەكتروندى كۇندەلىككە قاتىستى قازاقستان مۇعالىمدەرى اراسىندا جۇرگىزىلگەن ساۋالناماعا 70 ءمۇعالىم قاتىسىپ، ناتيجەسىندە 33 ءمۇعالىم «تولتىرامىز، ماتەريالدىق بازا بار» دەسە 22 ءمۇعالىم «مەكتەپتە جاعداي جوق» دەپ، 14 ءمۇعالىم باسقا جەرگە بارىپ تولتىراتىنىن ايتقان. مينيسترلىك ەلەكتروندى كۇندەلىك تولتىرۋ تۋرالى بۇيرىق شىعاردى. ءبىراق ينتەرنەتى جوق جەرلەرگە، ناشار جەرلەر "تولتىرماي-اق" قويسىن دەپ ءسىز پارلامەنتتە ايتتىڭىز، ءبىراق ارنايى بۇيرىق شىعارعان جوقسىز. وسىعان جەكە بۇيرىق شىعارىلسىن، نە پيلوتتىق جوبا توقتاتىلسىن، قۇرعاق ءسوز ەش جەردە جۇرمەيدى. مەكتەپ جاعدايى كەلمەگەن سوڭ ەلەكتروندى كۇندەلىك تولتىرماعان مۇعالىمدەرگە ەسكەرتۋ، سوگىس بەرۋ، تۇسىنىك جازدىرۋعا تيىم سالىڭىز. ويتكەنى بۇل پيلوتتىق جوبا. ەلەكتروندى كۇندەلىك جەكەنىڭ قولىندا ەمەس بجعم قولىندا بولۋى كەرەك! ەلەكتروندى كۇندەلىكتى ۇب(نوبد) كىرىكتىرسىن، ول جەردە ءمۇعالىم، وقۋشى تۋرالى تولىق اقپارات بار.
8. ماتەريالدىق بازا بويىنشا 102 مۇعالىمنەن قازاقستان بويىنشا ساۋالناما الىنعان. ونىڭ ىشىندە 59 ءمۇعالىم ءوزىنىڭ جەكەمەنشىك كومپيۋتەرى، پرينتەرىمەن جۇمىس جاسايمىز دەسە، 18 ءمۇعالىم «كەز كەلگەن جەردەن اقشاعا شىعارامىز دەيدى. 12 ءمۇعالىمنىڭ جەكە كابينەتىندە كومپيۋتەر، ينتەراكتيۆتى تاقتا، جەكە پرينتەرى بار. كابينەتىندە ەشتەڭەسى جوق-3، بارلىق كەرەك جاراقتى مەكتەپ اپەرەدى دەپ – 2، اتا-انالار قامتاماسىز ەتەدى دەپ 1 ءمۇعالىم جاۋاپ بەرگەن. وسى ورايدا ەڭ ءبىرىنشى رەفورما باعدارلاما مەن سوزبەن ەمەس، الدىمەن مەكتەپتىڭ ماتەريالدىق بازاسىنا رەفورما كەرەك ەكەنىن دە كورسەتىپ وتىر. مەكتەپتەردىڭ ماتەريالدىق بازاسىن قاشان جەتىلدىرەسىزدەر؟ مەكتەپتەرگە ساپاسىز تەحنيكالار اكەلۋ قاشان توقتايدى؟
9. قازىرگى كەزدە اكت دەگەن سىلتاۋمەن مەكتەپتەگى ينفورماتيكا ءپانى مۇعالىمدەرىنە كوپ جۇمىس مىندەتتەلىپ وتىر. BILIM-LAND كومپانياسىمەن جۇمىس، ەلەكتروندى كۇندەلىكتى ادمينيستراسيا جاساۋ، جىلدا تولتىرىلاتىن ۇب (نوبد) بارلىعى كوپ جەرلەردە «قوعامدىق» جۇمىس رەتىندە موينىنا «ىلىنگەن». جەكە شتاتتار نەگە بەرىلمەيدى؟
10. مۇعالىمدەردىڭ زەينەت جاسى قايتادان قارالسا، ايەلدەرگە 27، ەرلەرگە 30 جىل جۇمىس وتىلىمەن. قازىرگى كەزدە ءمۇعالىمنىڭ جۇمىسى اۋىرلادى.
ءبىلىم سالاسىنا كەلگەن جاستارعا جاعداي جاسالىنسىن.
11. ۇشتىلدىلىككە بايلانىستى ەندى قازاق مەكتەپتەرىندە دۇنيەجۇزى تاريحى كەلەسى وقۋ جىلىنان باستاپ ورىس تىلىندە وقىتىلادى دەيدى. انا تىلىندە وقىتىلسىن. ءۇش تىلدىلىك رەفورما باستالعاندا بجعم اعىلشىن تىلىندە تەك 10-11 سىنىپتار عانا وقىتىلادى دەگەن. ونىڭ ءوزى وقۋشىلار قالاسا عانا دەگەن. ءبىراق بۇل «ءوزى قالاسا» دەگەن پۋنكت اۋىزبەن عانا ايتىلعاندىقتان ەش جەرگە جارامسىز. ناقتى بۇيرىعىن شىعارساڭىز.
12. "پەداگوگ قىزمەتكەرلەر مەن ولارعا تەڭەستىرىلگەن تۇلعالاردىڭ لاۋازىمدارىنىڭ ۇلگىلىك بىلىكتىلىك سيپاتتامالارىن بەكىتۋ تۋرالى" قازاقستان رەسپۋبليكاسى ءبىلىم جانە عىلىم ءمينيسترىنىڭ 2009 جىلعى 13 شىلدەدەگى № 338 شىققان. وسى ورايدا مەكتەپ مۇعالىمدەرى ءوزىنىڭ مىندەتىن بىلمەگەندىكتەن باسقا دا قوسىمشا جۇمىستاردى اتقارىپ ءجۇر. وسى زاڭدى سىزدەر تاراپىنان ءتۇسىندىرۋ جۇمىستارى جۇرگىزىلسىن.
13. باستاۋىش سىنىپ وقۋلىقتارىنىڭ كولەمى ۇلكەن. ارىپتەردىڭ ۇلكەن بولعانى دۇرىس شىعار ءبىراقتا كىتاپتى ۇلكەيتۋ دۇرىس ەمەس. سومكەنى كوتەرەگەندە بالانىڭ بەلى قايىسىپ كەتەدى. كوپتەگەن اتا-انالار باستاۋىشتا وقيتىن بالالارىنىڭ سومكەلەرىن كوتەرىپ جۇرۋگە ءماجبۇر بولۋدا. كىتاپتاردى قاتەلىكسىز شىعارۋ كەرەك.
قۇرمەتپەن:
قازاقستاننىڭ ءار
ايماعىنىڭ مۇعالىمدەرى
مەيىرجان تەمىربەك
ايمان ساعيدۋللا
كۋرماشيەۆا مايرا
دوسبول كىستاۋبايەۆ
ساۋلە سۋلەيمەنوۆا
ايگۇل توڭكەر قىزى
گۋلنار كارابالينا
Gulzira Mindetbay
تاحمينا بالتابايەۆا
كالدىگۋل ەرالييەۆا
Marat Nuretdinov
جۋماگۋل بەكمۋراتوۆا
حايسا ەجەنحان
Janar Guzel
الماگۋل مەيربەكوۆا
مايرا جانابايەۆا
داريگا وندىبايەۆا
سابيرا شالكاروۆا
Bahira Cadas
گۋلجيان يسماگۋلوۆا
ناز گۋل تولەۋبەك
ساحابا بايانبەك
بالزيرا يبرايەۆا
باحىتگۋل ەديلحان
Bagdat Kuanyshuly
Meruyert Dosbolova
ساحابا بايانبەك
نازەركە اقجىگىت
اكگۋل جۋحان
Rayhan Kenzhegalieva
سۋلۋشاش بۋحابايەۆا
سۆەتا الپامىسوۆا
گاۋحاريا تاڭىربەرگەنوۆنا
Zhanar Zhumataeva
داريگا وندىبايەۆا
گۋلسارا تورەحان
Saltanat Moldabekova
Abzal Almukhan
اقمارال شوقپاروۆا
Zaure Ibragimova
گۋلنۋر تيۋلياپوۆا
گۋلسارا سەيدالييەۆا
باكىت المۆشوۆا
كامشات شانشاروۆا
بيبيگال جانسەيتوۆا
گاليما تالكانبايەۆا
گۋلجانات ابىلايەۆا
اكتولكىن سەريكبايەۆا
ايگۋل كادىروۆا
جاكوني ەريكو
انار زەينولدا
ايگۋل سۆانكۋلوۆا
Saule Izykulova
ۋكتام مومينوۆ
شىنار سۋلتانبەكوۆا
ەدىل پشاتايەۆ
كۋرباناي ابديكادير
گۋلجاميلا ازبايەۆا
Oralhan Abay
التانگۋل سۋيەنيش
ايگەريم ۋتەبايەۆا
اينا سۋلتانبەكوۆا
سانيمگۋل باليجانوۆا
اسان يماشيەۆ
مارات ماميتوۆ
Kuralay Smailova
گۋلميرا تۋلپايسوۆا
Kuralay Smailova
ساندۋگاش نۋرماگامبەتوۆا
رىمگۋل شالبايەۆا
سالامات كالي جۋنسوۆ
گۋلزارا سەريكپايەۆا
مارەش سەرتايەۆا
توحتاحان ۋركينبايەۆا
Zhakaev Mykametzhan
ەرلان تولەۋبەك
Abdikhan Kudaybergenov
دينارا بايۋزاكوۆا
Marat Nuretdinov
حيسا حوساي
پەريزات ۋلىكبەكوۆنا
Medet Naurzbaev
Omarbek Beysaly
اقشولپان مۇسىركەگەنوۆا
ايجامال ساكتاگانوۆا
لياززات ورىنبەكوۆا
ساليما مۋكانوۆا
Bayan Sabden
Almagul Mustafa
جادىرا نۋرلانوۆنا
دەرەككوزى: Abai.kz
You Might Also Like
-
جەردەگى وزگەشە ويىقتارعا نازار سالىڭىزشى، بۇلار نە دەپ ويلايسىز؟ اڭگىمەنى بۇل جىرىقتاردىڭ قاشان پايدا بولعانىنان باستاساق. ولار 3000 جىل بۇرىن - پارسىلاردىڭ گرەكتەرمەن سوعىسىنان بۇرىن سالىنعان. بۇل...
