InfoHub Logo

بيىل – ەل ەگەمەندىگىنە 26 جىل! بۇل كۇن اسىرەسە مەن ءۇشىن جانە تاۋەلسىزدىكتىڭ قۇرداستارى ءۇشىن ەرەكشە مەيرام. دۇنيەگە شىر ەتىپ كەلگەن كۇننەن باستاپ «تاۋەلسىز ەلدىڭ ۇرپاقتارى» دەگەن اتالى ءسوزدى ەستىپ ءوستىم. باتىر اتا-بابالارىمىزدىڭ تاۋەلسىزدىك پەن ازاتتىق جولىنداعى عاسىرلار بويعى كۇرەسىن تاريحتان وقىپ ءبىلدىم. قانشاما ءباھادۇر بابالارىمىز قانى مەن جانىن ازاتتىقتىڭ اق جولىنا سارپ ەتتى دەسەڭشى. قازاق حالقىنىڭ عاسىرلار بويى اڭساعان اسىل ارمانى ورىندالدى. تاۋەلسىزدىكتىڭ اق تاڭى اتتى! شيرەك عاسىردان استام تاريحى بار قازاق ەلى بۇگىندە قارقىندى دامىپ كەلەدى.

تاۋەلسىزدىكتىڭ قۇرداسى اتانۋ مەن ءۇشىن ۇلكەن مارتەبە، باقىت جانە ماقتانىش! مەن 1991 جىلعى ءبىرىنشى ماۋسىمدا  ماڭعىستاۋ وبلىسى بەينەۋ اۋدانى سارعا اۋىلىندا كوپبالالى وتباسىندا دۇنيەگە كەلدىم. ۇيدە جەتى قىز جانە ءبىر ۇل بولىپ وستىك. مەنەن كەيىن اۋلەتىمىزدە كوپتەن كۇتكەن  ءىنىم دۇنيەگە كەلدى. بۇگىندە ول قارا شاڭىراقتىڭ يەسى. اكەم جۇمىسشى، انام «باتىر انا». قازىرگى تاڭدا انام زەينەتكەرلىككە شىقتى. مەن 1997 جىلى سارعا اۋىلىنداعى ءا.جانكەلدين اتىنداعى ورتا مەكتەپتىڭ ءبىرىنشى سىنىبىنا باردىم. ءبىلىم ورداسىن 2008 جىلى جاقسى اياقتادىم. مەكتەپ قابىرعاسىندا جۇرگەندە ۇلاعاتتى ۇستازداردان ءتالىم الدىم. ارمانىم سول كىسىلەردەي بالا جانىنىڭ جاناشىرى، اقىلشىسى، باعبانى بولۋ ەدى. سول جىلى اقتاۋ قالاسىنداعى ماڭعىستاۋ گۋمانيتارلىق كوللەدجىنە وقۋعا ءتۇستىم. وندا «باستاۋىش ءبىلىم بەرۋ» ماماندىعى بويىنشا ءبىلىم الدىم. قاسيەتتى قارا شاڭىراقتا وقىپ ءجۇرىپ، قوعامدىق شارالارعا  بەلسەنە اتسالىستىم. قولىمنان كەلگەنشە قاسىمداعى دوستارىما كومەكتەستىم. وقۋ ورداسىن 2011 جىلى ابىرويمەن ءتامامدادىم. قولىما ديپلومىمدى الىپ، تۋعان اۋىلىما باردىم. العاش ەڭبەك جولىمدى «سارعا بوبەكجاي» بالاباقشاسىندا تاربيەشى بولىپ باستادىم. بالعىنداردىڭ بىلدىرلاعىن ءتاتتى تىلدەرىمەن قىلىقتارىن كورە ءجۇرىپ، جاقسى تاربيە بەرۋگە تىرىستىم. جامان نارسەدەن اۋلاق بولۋعا شاقىردىم. 2011-2015 جىلدارى ارالىعىندا اقتوبە قالاسىنداعى «ق.جۇبانوۆ» اتىنداعى مەملەكەتتىك ۋنيۆەرسيتەتىندە ەكى جىل وقىپ، جوعارعى ءبىلىم الدىم. بۇگىنگى تاڭدا ءا. جانكەلدين اتىنداعى ورتا مەكتەپتە دايىندىق سىنىبىنىڭ ءمۇعالىمى بولىپ قىزمەت ەتەمىن. جۇمىس جاساپ جاتىرعانىما ءۇش جىل بولدى. وسى ۋاقىت ارالىعىندا بىرنەشە مادەني شارالارعا قاتىسىپ، جۇلدەلى ورىنداردى يەلەندىم.

•    «بىلىكتى جاس مامان» مەكتەپىشىلىك بايقاۋدا 2 ورىن الدىم.  2017ج.
•    مەكتەپىشىلىك «قارىشتا جاس مامان قارىشتا، داڭقىڭ جەتسىن الىسقا» تاقىرىبىندا جاس ماماندار سەمينارىندا «ەڭ قىزىقتى اشىق ساباق» نوميناسياسى بويىنشا ديپلوممەن ماراپاتتالدىم.
•    «بابالار ەرلىگى – ۇرپاققا ونەگە» تاقىرىبىنداعى وقۋشىلاردىڭ سىرتتاي پلاكاتتىق سۋرەتتەرى مەن فوتوبايقاۋلارىنىڭ اۋداندىق كەزەڭىندە «بەيبىتشىلىك جاساسىن» نوميناسياسى بويىنشا جەتەكشىلىك ەتكەنىم ءۇشىن 3 دارەجەلى ديپلوممەن ماراپاتتالدىم. 2015ج.    
•    قازاقستان رەسپۋبليكاسى بويىنشا ءبىلىم بەرۋ مەكەمەلەرىنىڭ قاتىسۋشىلارى اراسىندا «ماتەماتيكا، مەكتەپالدى دايارلىق» ءپانى بويىنشا ۇيىمداستىرىلعان رەسپۋبليكالىق وليمپيادا جۇلدەگەرلەرىن دايارلاعانىم ءۇشىن «العىس حاتپەن» ماراپاتتالدىم. 2017 جىل.
•    بالاباقشاىشىلىك «ال، قانەكەي، انالار» اتتى بايقاۋىندا 1 ورىن يەلەندىم.
•    ۇلىستىڭ ۇلى كۇنى – ناۋرىز مەرەكەسىنە وراي ۇيىمداستىرىلعان «پاي-پاي، قازاقتىڭ كەلىندەرى-اي» اتتى سايىستا 1 ورىن العانىم ءۇشىن ديپلوممەن ماراپاتتالدىم. 2017 جىل
•    18 – مامىر حالىقارالىق مۇراجاي كۇنى جانە 21 – مامىر مادەنيەت كۇنىنە ارناپ ۇيىمداستىرىلعان «ەل ءىشى - ونەر كەنىشى» اتتى كورمەگە بەلسەنە اتسالىسقانىم ءۇشىن ديپلوممەن ماراپاتتالدىم.

مەن ءۇشىن وتانىما از دا بولسا پايدامدى تيگىزىپ، ەلىمنىڭ بولاشاعى ءۇشىن ەڭبەك ەتۋدەن اسقان ابىروي جوق. سارعا اۋىلىنداعى ءا.جانكەلدين اتىنداعى ءبىلىم شاڭىراعىندا وزىمدە ون ءبىر جىل بويى وقىدىم. ءقازىر دە سول ۇلاعاتتى ۇستازدارىم بىلمەگەنىمدى ۇيرەتەدى. ۇجىم وتە ۇيىمشىل. ادام - بالا كەزىنەن باستاپ قالىپتاسادى. وسى كەزدەن باستاپ بالانىڭ بولاشاق تۇلعا، ءوز ەلىنىڭ ازاماتى رەتىندە نەگىزى قالانا باستايدى. ەلدىڭ بولاشاعى ءبىلىمدى جاستاردىڭ قولىندا ەكەنى انىق. بۇگىنگى جاس - ەرتەڭگى مامان. سوندىقتان شاكىرتتەرىمە ساپالى ءبىلىم بەرۋگە تىرىسامىن. ءار ساباقتى  بالعىندارعا تۇسىنىكتى ەتىپ، ولاردىڭ ءبىلىم الۋعا دەگەن ىنتاسىن وياتۋ ءۇشىن كوپ ىزدەنەمىن. ناتيجەسىندە بالالارىم ءتۇرلى بايقاۋلاردا جۇلدەلى ورىن الىپ تا ءجۇر. مەن ءاربىر بالا ناعىز تالانت يەسى دەر ەدىم. ولارعا تاۋەلسىز ەلىمىزدە ساپالى ءبىلىم الۋعا بارلىق جاعداي جاسالعان. مەن بولاشاق جاستارعا سەنەمىن. ەندىگى الدىمدا تۇرعان ماقساتتاردىڭ ءبىرى – وتانعا، ءوز حالقىما دەگەن سۇيىسپەنشىلىگى مول – جاس ۇرپاقتى تاربيەلەۋ دەپ ەسەپتەيمىن.

بۇگىندە ءتاۋبا، تاريحىمىزدى تۇگەندەپ، شەكارامىزدى بەكىتتىك. ەلىمىز قارىشتاپ دامىپ كەلەدى. تۋعان توپىراعىم سارعا اۋىلىنىڭ بۇگىنگى كەلبەتى وسىنىڭ كورىنىسى. ءبىزدىڭ ەندىگى ماقساتىمىز – تاۋەلسىزدىگىمىزدى ودان ءارى نىعايتىپ، ماڭگىلىك ەلىمىزدى كوزدىڭ قاراشىعىنداي ساقتاۋىمىز كەرەك. ۇلكەن اۋلەتكە كەلىن بولىپ تۇسكەنىمە التى جىل بولدى. مەنىڭ اتا-ەنەمدە ۇلاعاتتى ۇستازدار. بۇگىندە قۇرمەت دەمالىسىندا، نەمەرەلەرىنىڭ مەيىرىمىنە شومىلىپ وتىر. اللاعا شۇكىر بۇگىندە يناباتتى كەلىن، ارداقتى جار، ءۇش بالانىڭ اياۋلى اناسىمىن. سونىمەن قاتار «ماڭگىلىك ەلدىڭ» ىرگەسىن قالار بالاپان جەتكىنشەكتەرگە ساپالى تاربيە، سانالى بىلىممەن سۋسىنداتىپ، ۇلاعاتتى ۇستازعا اينالۋ - ومىرلىك ۇستانىمىم.

تاۋەلسىزدىكتىڭ قۇرداسى بولۋ دا ءبىر باقىت. وتانىمىزدىڭ داڭقىن اسىرۋ - ءبىزدىڭ مىندەتىمىز. تاۋەلسىزدىكتىڭ اق تاڭىندا تۋىپ وسكەن بىزدەر ءۇشىن بۇل ۇلكەن قۋانىش، ۇلى مەرەكە. ءيا، تاۋەلسىزدىگىمىزدىڭ تۇعىرى بيىك، حالقىمىزدىڭ ابىروي-بەدەلى اسقاقتاي بەرسىن دەمەكپىن.

قارمىسوۆا ايزادا شىراقباي قىزى
ماڭعىستاۋ وبلىسى، بەينەۋ اۋدانى، سارعا اۋىلى ءالىبي جانكەلدين اتىنداعى
ورتا مەكتەبىنىڭ باستاۋىش سىنىپ ءمۇعالىمى

---