InfoHub Logo

Ismet.kz سيفرلىق پلاتفورماسىنىڭ اياسىندا شاعىن جانە ورتا كاسىپكەرلىك ءۇشىن قولايلى جاعداي جاسالماق. اتاپ ايتار بولساق، كاسىپكەرلەر مەن تۇتىنۋشىلار بىر-بىرىمەن بايلانىسا الادى ءارى بيزنەس وكىلدەرىنىڭ جۇمىسىن جەڭىلدەتىلەدى. بارشامىز بىلەتىندەي، بيزنەسكە ارنالعان ورتالىقتاندىرىلعان الاڭ ەلىمىزدە جوقتىڭ قاسى. ال بۇل پلاتفورمادا قىزمەتتەردىڭ ءبارى ءبىر رەسۋرستا ورنالاستىرىلعان. ياعني، كاسىپكەرلەر ۋاقىتتارىن ۇنەمدەپ، ساپالى قىزمەتپەن قامتىلادى. تاۋارلارىن جارنامالاپ، سەرىكتەس تاۋىپ، ءوز ىستەرىن جۇرگىزە الادى.  

«قازاقتەلەكوم» اق بيزنەس-شەشىمدەر جانە ينفوكوممۋنيكاسيا دەپارتامەنتىنىڭ ديرەكتورى قۋات ساندالوۆتىڭ سوزىنشە، سيفرلىق پلاتفورمانىڭ باستى تاپسىرماسى — بۇل ەكوجۇيەلەردى قۇرۋ. بۇدان سوڭ شاعىن جانە ورتا كاسىپكەرلىك ءۇشىن اشىق سيفرلىق ديالوگ ورنايدى.

Ismet.kzء-تىڭ نەگىزگى ەرەكشەلىگى — بيزنەس قاۋىمداستىق ءۇشىن ۇلكەن ديالوگ ورناتا الۋى. ناتيجەسىندە، جاڭا نارىق كوزدەرى اشىلىپ، ساۋدا اياسى كەڭي تۇسەتىن بولادى. ال قىزمەتتەرىنە كەلەر بولساق، ەلەكتروندىق ساۋدا، زاڭ قىزمەتتەرى، ونلاين قۇجات اينالىمى، كەدەن پروسەدۋرالارى، كادرلىق ساۋالدار، سۋبسيديالاۋ، نەسيەلەۋ، اۋديت، بۇلتتى بۋحگالتەرلىك ەسەپ پەن اپپاراتتىق كاسسالىق ەسەپ جانە ت.ب.

اشىق سيفرلى پلاتفورما بيزنەستى تولىقتاي جوسپارلاۋعا، ونى تالداپ زەرتتەۋگە كومەك بەرەدى. ءبىر سوزبەن ايتار بولساق، كاسىپكەر ءۇشىن تاپتىرماس بيزنەس-كەڭەسشى ءارى مىقتى ساراپشى. سول تالداۋدىڭ ارقاسىندا كەز كەلگەن كاسىپكەر پروبلەمالاردى الدىن الا ءبىلىپ، ونىمەن كۇرەسە الادى. بۇل دەگەنىمىز، شىعىنداردى بولدىرمايدى، ءوسىمدى ارتتىرادى. تاعى ءبىر ارتىقشىلىعىنا كەلەتىن بولساق، ەلدەگى ەلەكتروندىق قىزمەت پەن ەلەكتروندى ساۋدانىڭ دامۋىنا ىقپال ەتەدى. ەلەكتروندى مەملەكەتتىك قىزمەت داميدى. باستىسى — شاعىن جانە ورتا كاسىپكەرلەردىڭ سانى ارتىپ، ولاردىڭ ءىسى وركەندەيدى. بۇنىڭ ناتيجەسى — ەكونوميكالىق جانە الەۋمەتتىك ءوسىم ارقىلى كورىنىس تابادى.
Ismet.kz جاڭادان كاسىپ باستاۋشىلار ءۇشىن ءوز ءىسىن قالاي اشۋعا بولاتىندىعى، بيزنەستىڭ قانداي تۇرىمەن اينالىسۋعا بولاتىنى جانە نارىقتاعى شاعىن جانە ورتا بيزنەستەگى كاسىپكەرلەردىڭ سۇرانىسى مەن ۇسىنىسى قانداي ەكەنى تۋرالى اقپارات بەرە الادى. پلاتفورمانىڭ باستى ەرەكشەلىكتەرىنە مەملەكەتتىك

قازىرگى تاڭدا اتالعان پلاتفورماعا 1700-دەن استام كومپانيا تىركەلگەن. ولار ەلىمىزدىڭ تۇكپىر-تۇرپىرىنەن جينالعان كاسىپورىندار. سولاردىڭ ەڭ ىرىلەرىنە توقتالار بولساق، العاشقى ورىندا 44،5 پايىزبەن الماتى وبلىسى تۇر. ودان كەيىن 13،4 پايىزبەن اقمولا وبلىسى اتالعان پلاتفورمادا بوي كورسەتۋدە. ال 11،5 پايىزدى تۇركىستان وبلىسىنىڭ بيزنەسمەندەرى الىپ وتىر. 

---