InfoHub Logo

«قازاقتەلەكوم» اق-نىڭ باستاماسىمەن بيىلعى جىلدىڭ تامىزىنان Ismet.kz دەپ اتالاتىن بيزنەسكە ارنالعان اشىق سيفرلى پلاتفورما ىسكە قوسىلدى. ول كاسىپكەرلەرگە سيفرلىق قىزمەتتەر مەن ونلاين مۇمكىندىكتەردى ۇسىنادى: بۋحگالتەرلىك ەسەپ جۇرگىزۋ، ەلەكتروندى شوت-فاكتۋرالار، ونلاين-كاسسالىق اپپارات، ونلاين-شارتتار، قويما ەسەبى، ونلاين قۇجات اينالىم، بايلانىس قۇرالدارىن ۇيىمداستىرۋ، ساتىلىمداردى اۆتوماتتاندىرۋ.

سيفرلىق پلاتفورما ۇسىنعان بارلىق ەلەكتروندىق قىزمەتتەر زاڭدى جانە ولار QR كودىمەن راستالادى. Ismet.kzء-تىڭ كومەگىمەن شاعىن جانە ورتا بيزنەس سۋبەكتىلەرى ءوز ونىمدەرىن ىلگەرىلەتە الادى. سونداي-اق، باسقا جەتكىزۋشىلەردەن تاۋارلار مەن قىزمەتتەردى ساتىپ الا الادى. پورتال ينتەرفەيسىنە كەلسەك، شوب يەلەرىنە جەكە كابينەت بەرىلەدى. بۇعان قوسا، سيفرلىق قىزمەتتەرگە، اقپاراتتىق قىزمەتتەرگە قول جەتكىزۋگە قوسىمشا كەرى بايلانىس فۋنكسياسى ۇسىنىلادى.

وسىنداي سيفرلىق پلاتفورمالار الەم ەلدەرىندە كەڭىنەن قولدانىستا. ونىڭ ارقاسىندا ولارداعى بيزنەس پروسەسس جاقسارعان ءارى دامىعان. سايكەسىنشە، ەكونوميكالىق الەۋەتتەرى ارتقان. ماسەلەن، ءۇندىستانداعى «اادحاار» اقپاراتتىق جۇيەسى كۇرمەۋى قيىن تۇيتكىلدەردىڭ ءتۇيىنىن شەشۋگە اتسالىسقان. ال M-Pesa دەگەن سيفرلىق پلاتفورما بولسا كەنيا جانە كوپتەگەن ەلدەرگە قارجى جانە بيزنەس سالاسى بويىنشا پايداسىن تيگىزۋدە. ياعني، بۇكىل پروسەستى اۆتوماتتاندىرىپ، قارجى سالاسىنا اۋقىمدى يننوۆاسيالار لەگىن اكەلۋدە. ناتيجەسىندە، مەملەكەتتىڭ دامۋىنا جاڭا سەرپىن بەرىپ، كومپانيالار جۇمىسىنىڭ تابىسى ارتۋدا.

نەگىزىنەن، الەمدەگى سيفرلىق ەكونوميكانىڭ دامۋىنا يننوۆاسيالار ىقپال ەتەدى. اسىرەسە، بيزنەس سالاسىنا يننوۆاسيالاردىڭ ەنۋى — كوپتەگەن وڭ وزگەرىستەر اكەلەدى. سول سەبەپتەن حالىقارالىق قاۋىمداستىقتار سيفرلىق پلاتفورمالار بويىنشا جۇمىس جاساۋدى ۇدەتە تۇسۋدە.
وسىنداي فورماتتىڭ ارقاسىندا كاسىپكەرلەر قاۋىمى بيزنەسىنە قاتىستى قىزمەتتەردى جەڭىل ءارى ساپالى الا الادى. مۇندا جاس بيزنەس باستاۋشى ءۇشىن دە ۇلكەن مۇمكىندىكتەر قاراستىرىلعان. ماسەلەن، ماركەتينگ بويىنشا تەگىن كومەكتەر السا بولادى. بۇل ءوز كەزەگىندە جاڭا تۇتىنۋشىلار لەگىن قالىپتاستىرىپ، كاسىبىنىڭ ىلگەرىلەۋىنە ىقپال ەتەدى. ارنايى وقىتۋ كۋرستارى دا قاراستىرىلعان. ناتيجەسىندە، كاسىپكەرلەردىڭ بيزنەس تۋرالى ءبىلىمى مەن بىلىكتىلىگى ارتا تۇسەدى. پلاتفورمانى كوممەرسيالىق پايدالانۋعا بەرۋ جۇمىستارى وسى جىلدىڭ سوڭىنا دەيىن ورىندالماق.

اتالعان اشىق الاڭ ارقىلى بيزنەستى ءتيىمدى باسقارۋعا بولادى. اتاپ ايتقاندا، تاسىمالداۋ سالاسىنداعى ەلەكتروندىق باقىلاۋدىڭ ارقاسىندا كوپ كەدەرگىلەردىڭ الدىن الۋعا بولادى. بۇل بويىنشا ونلاين تارتىپتە تاسىمالداۋشىنى تاڭداپ، جۇكتى قاداعالاپ، ونىڭ قاجەتتى جەرىگە جەتكىزىلۋىن تەكسەرىپ وتىرساڭىز بولادى.

وزدەرىڭىز بىلەتىندەي، شاعىن جانە ورتا بيزنەستى دامىتۋ — ق ر مەملەكەتتىك ساياساتىنداعى باسىم باعىتتاردىڭ ءبىرى. ونى ىلگەرىلەتۋ — ەكونوميكالىق الەۋەت پەن الەۋمەتتىك ءال-اۋقاتتىڭ ارتۋىنا ارقاۋ بولادى. سوندىقتان بۇل سالاعا جاڭاشىلدىقتار مەن سيفرلىق فورماتتىڭ كەلۋى — بۇل سالانى ودان ءارى دامىتىپ، كاسىپكەرلەر قاۋىمى ءۇشىن جايلى جاعداي جاسايدى.

وسى پلاتفورما ارقىلى «قازاقتەلەكوم» اق قىسقا مەرزىمدە B2B سەگمەنتتەن بار كليەنتتەردى كومپانيامەن قاعازسىز ءوزارا ارەكەتتەسۋ تەحنولوگيالارىنا اۋىستىرۋدى جوسپارلاپ وتىر.

---