InfoHub Logo

قازاقستاننىڭ مەملەكەتتىك ساياساتىنداعى باسىم باعىتتاردىڭ ءبىرى — شاعىن جانە ورتا كاسىپكەرلىكتى دامىتۋ. ونى ىلگەرىلەتۋ — ەكونوميكالىق الەۋەت پەن الەۋمەتتىك ءال-اۋقاتتىڭ ارتۋىنا ارقاۋ بولادى. ياعني، ەل تۇرعىندارىنىڭ جاعدايى جاقسارىپ، تۇرمىس ساپاسى وسەدى. ەلدەگى جۇمىسسىزدىقتى جوياتىن دا ءدال وسى شاعىن جانە ورتا كاسىپكەرلىك. نەگە دەسەڭىز، ەكونوميكانى تۇراقتاندىرۋشى ءارى شەشۋشى فاكتور وسى باعىت سانالادى. وسىعان بايلانىستى، ەلىمىزدە كەشەندى جۇمىستار لەگى جاسالىپ جاتىر. سونداي ىستەردىڭ ءبىرى — شاعىن جانە ورتا كاسىپكەرلىككە ارنالعان سيفرلىق پلاتفورما (Ismet.kz). كاسىپكەرلەردىڭ جۇمىسىن جەڭىلدەتۋگە باعىتتالعان ءىستى «قازاقتەلەكوم» اق باستاعان بولاتىن.

«ءبىز شاعىن جانە ورتا بيزنەستەگى بىرنەشە ماسەلەلەرگە نازار اۋداردىق. ولاردىڭ ءبىرى — پروسەستى اۆتوماتتاندىرۋدىڭ تومەن دەڭگەيى بولىپ وتىر. ال Ismet.kzء-تىڭ الەۋەتى وتە جوعارى. ءبىزدىڭ پلاتفورما ارقىلى قولدانۋشىلار مەن جەتكىزۋشىلەردى ەلەكتروندى كوممەرسياعا تارتقىمىز كەلەدى. ول بارلىق جاعىنان ىڭعايلى، مۇنداي جايلى الاڭ ءالى ويلاپ تابىلعان جوق»، — دەيدى «قازاقتەلەكوم» اق بيزنەس-شەشىمدەر جانە ينفوكوممۋنيكاسيا دەپارتامەنتىنىڭ ديرەكتورى قۋات ساندالوۆ.

بۇل جۇيەنىڭ باستى ارتىقشىلىعى — ۋاقىتتى ۇنەمدەۋى ءارى قولمەن جاسالاتىن جۇمىستاردى بولدىرماي، پايدا اكەلۋى. مۇنداعى بارلىق وپەراسيالار تاپسىرىس بويىنشا كومپيۋتەر نەمەسە سمارتفون ارقىلى جۇرگىزىلەدى. ەلەكتروندى سيفرلىق قولتاڭبامەن راستالادى. اتالعان پلاتفورما 2018 جىلدىڭ تامىزىنان باستاپ ىسكە قوسىلعان بولاتىن.

Ismet.kzء-تىڭ ەرەكشەلىگى بيزنەس قاۋىمداستىق ءۇشىن ۇلكەن ديالوگ ورناتا الۋىندا بولىپ وتىر. ناتيجەسىندە، قاجەتتى جاڭا نارىق كوزدەرى اشىلاتىن بولادى.

«ءبىزدىڭ ەسەبىمىزشە، سيفرلىق پلاتفورمانىڭ باستى تاپسىرماسى — بۇل ەكوجۇيەلەردى قۇرۋ. ءبىراق بىزگە كەدەرگىلەردى جويۋعا تۋرا كەلەدى. ارتىنشا شاعىن جانە ورتا كاسىپكەرلىك ءۇشىن سيفرلىق قاتىناس جاسالادى. بۇل وتە قيىن مىندەت سانالادى»، — دەدى ق. ساندالوۆ.
بولاشاقتا 250 قىزمەت ءتۇرىن ۇسىنۋدى كوزدەپ وتىرعان بۇل جوبا بۇگىندە مىناداي قىزمەتتەردى كورسەتۋدە: ماركەتينگ (تەگىن جۇرگىزىلەدى)، ەلەكتروندىق ساۋدا، زاڭدىق قىزمەتتەر، ونلاين قۇجات اينالىمدار، كەدەن پروسەدۋرالارى، كادرلىق ماسەلەلەر، سۋبسيديالاۋ، نەسيە الۋ، اۋديت، ۇلتتىق بۋحگالتەرلىك ەسەپ پەن اپپاراتتىق كاسسالىق ەسەپ جانە ت.ب.

Ismet.kz بيزنەستى بۇگە-شۇگەسىنە دەيىن جوسپارلاۋعا، ونى تالداپ زەرتتەۋگە كومەك بەرەدى. ءبىر سوزبەن ايتار بولساق، كاسىپكەر ءۇشىن تاپتىرماس بيزنەس-كەڭەسشى. ولاي دەيتىن سەبەبىمىز، بيزنەس بويىنشا تۋىندايتىن كەز كەلگەن ماسەلەگە توتەپ بەرە الادى. ياعني، قازىرگى شىندىقتارعا جاۋاپ بەرۋگە قاۋقارى بار. بۇدان بولەك، ونىڭ اۋقىمى مەن اياسى وتە كەڭ. پايداسى دا وراسان. ياعني، ەلدەگى ەلەكتروندىق قىزمەت پەن ەلەكتروندى ساۋدانىڭ دامۋىنا ىقپال ەتەدى. ەلەكتروندى مەملەكەتتىك قىزمەت داميدى. باستىسى — شاعىن جانە ورتا كاسىپكەرلەردىڭ سانى ارتىپ، ولاردىڭ ءىسى وركەندەيدى. بۇنىڭ ناتيجەسى — ەكونوميكالىق جانە الەۋمەتتىك ءوسىم ارقىلى كورىنىس تابادى.

---