InfoHub Logo

1. Java ءتىلى
مالىمەت: Java - كلاسستارعا نەگىزدەلگەن، وبەكتىگە باعىتتالعان ءتىل. بۇل ءتىل 1990 جىلدارى Sun Microsystems كومپانياسى تاراپىنان جاساقتالدى. Java وتە كوپ سۇرانىسقا يە. كورپوراتيۆتى پروگراممالىق جابدىقتاۋدىڭ ستاندارتى، ۋەب پروگراممالاۋ سالاسىندا دا قولدانىلادى. سونىمەن قاتار ويىن جازۋعا بولادى جانە Android وپەراسيالىق جۇيەسىنە ارنالىپ قوسىمشالار جازىلادى.
Java كروسسپلاتفورمالى ءتىل، بۇل دەگەنىمىز ءسىزدىڭ Java تىلىمەن جازعان پروگرامماڭىز windows، *nix(لينۋكس، Mac OS) جانە ت.ب جۇيەلەردە دە جۇمىس ىستەي الادى دەگەن ءسوز.
قايدان ۇيرەنە الامىن: Udemy، Lynda.com، Oracle.com، LearnJavaOnline.org.

 

2. س ءتىلى (سي)
مالىمەت: C - وتكەن عاسىردىڭ 70 جىلدارى جاساقتالعان جانە قازىرگى تاڭدا دا كەڭ قولدانىلاتىن، ۇلكەن سۇرانىسقا يە جالپى ماقساتتاعى پروگراممالىق ءتىل. 
س ءتىلى كوپتەگەن تىلدەردىڭ نەگىزى بولىپ سانالادى. بۇل ءتىل وپەراسيالىق جۇيەلەردى جازۋ ءۇشىن، باسقا دا تىلدەردى، مىسالى php، python، ruby تىلدەر وسى س تىلىندە جازىلعان.
قايدان ۇيرەنە الامىن: Lynda.com، CProgramming.com، Learn C The Hard Way.

 

3. س++ ءتىلى (س پليۋس-پليۋس)
مالىمەت: C++ - ورتا دارەجەلى، وبەكتىگە باعىتتالعان ءتىل. س++ نەگىزى C ءتىلىن جەتىلدىرىلۋ ماقساتىندا جاساقتالعان ءتىل. بۇل Firefox، Winamp جانە Adobe سياقتى ونىمدەردىڭ نەگىزگى ءتىلى. 
C++ ءتىلى جۇيەلىك پروگراممالاردى، قولدانبالى پروگراممالاردى، سەرۆەرلىك پروگراممالاردى جانە ۆيدەو ويىنداردى جاساۋعا قولدانىلادى. 
قايدان ۇيرەنە الامىن: Udemy، Lynda.com، CPlusPlus.com، LearnCpp.com، CProgramming.com.

 

4. C# ءتىلى (سي شارپ)
مالىمەت: C# - كوپ سالالى (كەز كەلگەن باعىتتا قولدانۋعا بولادى)، مۋلتي-پاراديگمالىق ءتىل. بۇل ءتىل C جانە C++ تىلدەرىنىڭ پرينسيپتەرىن ۇستانا وتىرىپ Microsoft تاراپىنان جاساقتالعان. 
بۇل ءتىل Microsoft (Windows) پلاتفورمالارىندا ورىندالادى.
قايدان ۇيرەنە الامىن: Udemy، Lynda.com، Microsoft Virtual Academy، TutorialsPoint.com.

 

5. Objective-C ءتىلى
مالىمەت: Objective-C - كوپ سالالى، وبەكتىگە باعىتتالعان پروگراممالاۋ ءتىلى. Apple وپەراسيالىق جۇيەسىندە قولدانادى.  iPhone (ايفون) تەلەفوندارىنا ءموبيلدى قوسىمشالار وسى تىلمەن جازىلادى.
قايدان ۇيرەنە الامىن: Udemy، Lynda.com، Mac Developer Library، Cocoa Dev Central، Mobile Tuts+.

 

 

6. PHP ءتىلى
مالىمەت: PHP (Hypertext Processor) - سەرۆەردە ورىندالاتىن سكريپتتىك ءتىل، ديناميكالىق ۋەب سايتتار جاساۋعا ارنالعان ءتىل. ۋەب سايت جاساقتاۋشىلار اراسىندا كەڭىنەن تانىلعان ءتىل. 
PHP تىلىندە 200 ميلليوننان اسقان سايتتار جازىلعان. مۇنىڭ ىشىندە مىناداي الىپ سايتتار دا بار: Wordpress، Digg جانە Facebook.
قايدان ۇيرەنە الامىن: Udemy، Codecademy، Lynda.com، Treehouse، Zend Developer Zone، PHP.net.

 

 

7. Python ءتىلى (پيتون)
مالىمەت: پيتون - جوعارى دەڭگەيلى، سەرۆەردە ورىندالاتىن سكريپت ءتىلى. بۇل ءتىلدى كوبىنەسە ۋەب سايتتار جانە ءموبيلدى قوسىمشالار جاساۋعا قولدانادى.
بۇل ءتىل پروگراممالاۋ تىلدەرىن ەندى ۇيرەنىپ جۇرگەندەر ءۇشىن كەرەمەت ءتىل، ياعني ۇيرەنۋ قاتتى قيىن ەمەس. بۇل تىلدە Instagram، Pinterest جانە Rdio سياقتى الىپ سايتتار جازىلعان.
سونىمەن قاتار بۇل تىلدە جازىلعان Django دەپ اتالاتىن فرەيمۋورك بار. بۇل فرەيمۋوركتى Google، Yahoo، NASA قولدانادى.
قايدان ۇيرەنە الامىن: Udemy، Codecademy، Lynda.com، LearnPython.org، Python.org.

 

 

8. Ruby ءتىلى
مالىمەت: Ruby - ديناميكالىق، وبەكتىگە باعىتتالعان سكريپت ءتىلى. كوبىنەسە ۋەب سايتتار جانە ءموبيلدى قوسىمشالار جاساۋ ءۇشىن قولدانىلادى. رۋبي ءتىلى قاراپايىم، جازۋعا وڭاي ەتىپ جاسالعان. 
بۇل تىلدە جازىلعان Ruby on Rails دەپ اتالاتىن كەرەمەت فرەيمۋورك بار. بۇل ءتىل Scribd، GitHub، Groupon جانە Shopify سياقتى ۇلكەن سايتتاردا قولدانىلادى. رۋبي دا پيتون سياقتى ۇيرەنۋگە وڭاي ءتىل.
قايدان ۇيرەنە الامىن: Codecademy، Code School، TryRuby.org، RubyMonk.

 

 

9. JavaScript ءتىلى
مالىمەت: JavaScript ۋەب سالاسىندا، كليەنتتە (براۋزەردە) جانە سەرۆەردە ورىندالاتىن سكريپت ءتىلى. Netscape كومپانياسى تاراپىنان جاساقتالعان جانە C ءتىلىنىڭ سينتاكسيستەرى قولدانىلعان.
بۇل ءتىل كوبىنەسە ۋەب سايتتاردى ينتەراكتيۆتەندىرۋ ءۇشىن، انيماسيالار قوسۋ ءۇشىن، ياعني ۋەب سايتتى جانداندىرۋ ءۇشىن قولدانىلادى. سونىمەن قاتار بۇل تىلدە ويىندار جازىلادى جانە دەسكتوپتىق پروگراممالار دا جازىلادى.
قايدان ۇيرەنە الامىن: Codecademy، Lynda.com، Code School، Treehouse، Learn-JS.org.

 

 

10. SQL ءتىلى
مالىمەت: Structured Query Language (SQL) - جۇيەلەنگەن سۇرانىس ءتىلى، بۇل ءتىل دەرەكتەر قورىنان مالىمەتتەردى سۇرانىس ارقىلى الۋ ءۇشىن قولدانىلادى.
تيىسىنشە دەرەكتەر قورىن باسقارۋ جۇيەلەرىندە قولدانىلادى. SQL ءتىلى 1980 جىلى ANSI (American National Standards) جانە ISO (International Organization for Standardization) تاراپىنان ستاندارتتالعان.
قايدان ۇيرەنە الامىن: Lynda.com، SQLCourse.com، TutorialsPoint.com، SQLZoo.net.

---