دامەتكەننىڭ زارى
(شوكەن ۇلى قۇسايىننىڭ ەستەلىگىنەن)
دامەتكەن دالابايدىڭ شەشەسى. دالاباي جالعىز. ءوزى جارلى كەمپىر. دامەتكەننىڭ ەكى كوزى جوق، سۋ قاراڭعى كەمپىر. ول دالابايىن قاپسىرا قۇشاقتاپ، شىرقىراعاندا جەر باسىپ تۇرا المادىق. سونداعى دامەتكەننىڭ زارىنان. ءار جەرىندە قۇلاعىمدا قالعانىن ەلگە قايتا قوسىلعانشا ويىمنان شىعارمادىم. ءبىراق اندا-سانداعى ءبىر بولىكتەرىن عانا ۇعىپ قاپپىن.
دالا جانىم، جالعىزىم،
سۋ بويىندا جالبىزىم.
ماڭدايداعى قۇندىزىم،
اسپانداعى جۇلدىزىم.
ءجۇزىڭدى كورىپ قالۋعا
اشىلسىنشى سۇم كوزىم!..
دەپ تىرجيعان قاباعىن جوعارى-تومەن كوتەرگەندە ساۋلەسى جوق تۇڭعيىق قارا كوزىنەن تامشىلاپ جاس شىعادى.
جالعىزىم، جانىم دالاجان،
تىم بولماسا ەكەۋ بوپ،
ارتىڭنان بىرەۋ ەرسەشى،
تەنتەكشىل، تەرىس قۋ قۇداي،
زورلىقشىلدى كورسەشى.
تىم بولماسا جار بولىپ،
جارق ەتىپ كوزىم اشىلىپ،
دالاشتىڭ ءجۇزىن كورسەمشى،
سىلق ەتىپ، ءسۇيىپ ولسەمشى.
ءتىرى كۇيىك تارتقىزباي
قولىڭنان مەنى كەمسەڭشى.
مەيىرىم قانا سۇيەيىن،
كەلسەڭشى، ساۋلەم، كەلسەڭشى!.. —
دەپ وڭدى-تەرىس كەتىپ تۇرعان دالابايىنىڭ بەتىن تارامىس قارا قولىمەن سيپالاپ تاۋىپ الادى...
You Might Also Like
-
(جاركەنت ويازى، تۇزكول بولىسى، الامان اۋىلىنىڭ البانى)
-
جۇكتى ايەلدەردى مازالايتىن كوپ جاعدايلاردىڭ ءبىرى ىشەكتىڭ فيزيولوگيالىق تۇرعىدا قيدان وزىندىگىنەن تازارۋىنىڭ كەشەۋىلدەۋى بولىپ تابىلادى. بۇل جاعداي جۇكتى ايەلدەردىڭ ۇشتەن ەكى بولىگىندە، بوسانعاننان ...
