دايراباي (ءىىى نۇسقا)
كوبەن بايدىڭ قيانات-زورلىعىمەن تۇرمەگە تۇسكەن دايراباي ءبىر كۇنى ورايىن تاۋىپ، قاشىپ شىعادى عوي. سول بەتىندە، بوي تاسالاۋ ءۇشىن قورعالجىن كولىنىڭ قالىڭ قامىسىن پانالايدى. نۋ قامىسقا بويلاي ەنىپ، ارالاپ كەلە جاتىپ، ءبىر قاسقالداقتىڭ ۇياسىنا تاپ بولادى. ۇياعا ءۇڭىلىپ قاراسا، ەكى-ۇش سارى ۇرپەك بالاپان اۋزىن اشادى دەيدى. دايراباي وسىناۋ قورعانسىز تىرشىلىك يەسىن ەس كورىپ، سول جەردىڭ قۇراعىنا تىزە بۇگەدى. سۋىلداعان قامىس، شىرىلداعان بالاپان ءۇنى، شەت-شەگى جوق كەڭ دۇنيە، الدى-ارتىنىڭ ۇشىعى جەتكىزبەس ۋاقىت... بالاپاندار ءۇستىن كولەڭكە شالسا بولدى، شىرىلداپ اۋزىن اشادى. اناسىنان جەم كۇتەدى... ال كوكتە جالپىلداپ جاپالاق ۇشادى، جالتىلداپ تۇرىمتاي قالىقتايدى. قارايعاننىڭ بارىنەن قايىرىم كۇتكەن بالاپانداردىڭ كەز كەلگەن ساتتە جاپالاق پەن تۇرىمتايعا جەم بولۋى وڭاي...
سوندا بۇل بالاپاندار وسىناۋ جارىق جالعان، كەڭ دۇنيەگە نە ءۇشىن كەلدى؟! نە كوردى؟! نە تىندىردى؟! دايراباي ءوز ءومىرىن ۇياداعى سارى ۇرپەك بالاپاندارمەن سالعاستىرادى. پاناسىز بەيباق بالاپاندارعا مۇڭداسىنداي ەلجىرەپ قاراپ، جان دۇنيەسى قۇلازي تولعانادى...
كەيىن وسى كورىنىس، وسى ءبىر سەزىم دايرابايدىڭ ەسىنە قايتا-قايتا ورالىپ، اقىرى كۇي تىلىنە ءتۇسىپ ەدى دەيدى.
You Might Also Like
-
دايرابايدىڭ جاماعايىنى كوبەن دەگەن باي جالعىز ۇلىنا قانجىعالى جاعىنان قىز ايتتىرسا كەرەك. اتا سالتىندا قۇدا مەن قۇدانىڭ باستارى ساي كەلىپ، سوزدەرى جاراسقان سوڭ، بولاشاق كۇيەۋ بالا جون-جورالعىسىمەن ...
-
...دايراباي التاي رۋىنان سارمانتاي ەلىنەن ەكەنى راس، ول اسا مىقتى بالۋان جىگىت بولعان. ءارى ءانشى، ءارى دومبىراشى، ءبىراق وتە كەدەي بولعان. ونىڭ جاماعايىنى كوبەن دەگەن باي كىسى بولادى. ول ءارى ماقتانشاق...
