دايراباي (V نۇسقا)
...دايراباي التاي رۋىنان سارمانتاي ەلىنەن ەكەنى راس، ول اسا مىقتى بالۋان جىگىت بولعان. ءارى ءانشى، ءارى دومبىراشى، ءبىراق وتە كەدەي بولعان. ونىڭ جاماعايىنى كوبەن دەگەن باي كىسى بولادى. ول ءارى ماقتانشاق، اتقۇمار ساراڭ دا بولادى. دايرابايدىڭ جالعىز بيەسىنەن تۋعان قارا كوك بەستىسى اسا جۇيرىك بولادى. ونى كوبەن تولىق قۇنىن بەرمەي الىپ بايگەگە قوسادى. كوك بەستى الدىنا جىلقى سالماعان جۇيرىك بولىپ، بۇكىل ارقا ەلىن اداقتاعانداي، ۇزدىك اتى شىققان جۇيرىك بولادى. ارقادا ءبىر ۇلكەن اس بولىپ، كوك ات بايگە الادى. سول جولى دايراباي باس بالۋانعا ءتۇسىپ جىعادى. بار بايگەنى كوبەن جيىپ الادى. دايرابايعا تۇك بەرمەيدى دە، دايراباي الىس ءبىر ەلدە ناعاشىسى بار ەكەن، سوعان بارامىن دەپ كوبەننەن ات سۇرايدى. كوبەن بەرمەيدى، سوعان وكپەلەپ دايراباي ءبىر كۇنى كوك اتتى ۇرلاپ الىپ شولگە قاشادى.
التاي ىشىنەن شىعىپ قاراكەسەك ىشىندە كارسون، كەرنەي اۋىلدارىنا كەلەدى. سوندا بىرنەشە كۇن جاتىپ، اسا ءبىر جاقسى كۇي تارتادى. بۇل كۇي ەر جىگىت ەلىمەن، تۋىسى وسكەن جەرىمەن قوشتاسۋىنداي وتە مۇڭدى دا، ورشەلەنگەن ەرلىكتە تۇيدەكتەلىپ ايتىلىپ جاتقانداي بولادى.
You Might Also Like
-
كوبەن بايدىڭ قيانات-زورلىعىمەن تۇرمەگە تۇسكەن دايراباي ءبىر كۇنى ورايىن تاۋىپ، قاشىپ شىعادى عوي. سول بەتىندە، بوي تاسالاۋ ءۇشىن قورعالجىن كولىنىڭ قالىڭ قامىسىن پانالايدى. نۋ قامىسقا بويلاي ەنىپ، ارال...
-
وتكەن XIX عاسىردىڭ سوڭعى جىلدارى بولسا كەرەك، ارعىن، نايمان، كەرەي، ۋاق ەلدەرىنە ساۋىن ايتقان تورە مامىربەك ۇكىرداي ۇلى تۇرىسبەككە جانە كوزىنىڭ تىرىسىندە ءوزىنىڭ اسىن قوسىپ بەرىپ، مايلىنىڭ قوڭىروبا س...
