دەنەمىز ءبىز جايلى نە ايتا الادى؟
ءبارىمىز بىلەتىندەي، قارىم-قاتىناس قوعامدا ماڭىزدى رول اتقارادى. تەحنولوگيا سالاسىنداعى جەتىستىكتەر زاماناۋي ومىردەگى ادامداردىڭ قارىم-قاتىناسىن ءبىرشاما وزگەرتتى. ءبىز قوسىمشالاردىڭ ىسكە قوسىلۋى، شۇعىل اقپارات جىبەرۋ ءۇشىن QR كود ونلاين-گەنەراتورىن پايدالانۋ، تەلەفوندارىمىزداعى كارتا ناۆيگاسياسى، ميكروبلوگتار، تۆيتتەر مەن جەدەل سۋرەتتەر قالىپتى سانالاتىن كەزەڭدە ءومىر ءسۇرىپ جاتىرمىز. تەحنولوگيالىق الەمدەگى ابىر-دابىردىڭ ورتاسىندا ءجۇرىپ بەتپە-بەت جۇزدەسۋدىڭ قانشالىقتى ماڭىزدى ەكەنىن ۇمىتىپ كەتىپ جاتامىز.
دەنەمىز دە سويلەي الاتىنىن ءبىرىمىز بىلسەك، ءبىرىمىز بىلمەيمىز. ءسىزدىڭ دەنەڭىز ءسىز جايلى نە ايتا الادى؟ ال ءسىز باسقالار جايلى نە بىلە الاسىز؟ اداممەن سويلەسىپ تۇرعاندا الىناتىن اقپارات تومەندەگىدەي جىكتەلۋى مۇمكىن:
10% - ادامنىڭ ناقتى نە ايتىپ تۇرعانى
40% - دىبىستىڭ ەكپىنى مەن جىلدامدىعى
50% - دەنە ءتىلى.
باس:
1. باستى سالبىراتىپ تۇرۋ وزىنە سەنىمسىزدىكتى ءبىلدىرۋى مۇمكىن. ەگەر بىرەۋدى ماقتاعاندا ول باسىن تومەن تۇسىرسە، دەمەك مۇنداي ادام ۇيالشاق نەمەسە جاسقانشاق بولۋى ىقتيمال.
2. قۇلاعىن سيپالاۋ نەمەسە تارتقىلاۋ – بۇل يشارات سەنىمسىزدىكتى ءبىلدىرۋى مۇمكىن.
3. شىنايى كۇلكى ادامنىڭ بارلىق بەتىنە جايىلادى (كوزدەردەن بايقاۋعا بولادى).
4. وتىرىك كۇلكى ادەتتە تەك ەرىندى قوزعايدى.
5. ادامنىڭ باسىن ءبىر جاققا قيسايتۋى بىردەڭەگە نەمەسە بىرەۋگە قىزىعۋشىلىعىن ءبىلدىرۋى مۇمكىن.
6. باستى شەكتەن تىس ەڭكەيتە بەرۋ ۇناتۋدىڭ بەلگىسى بولۋى ابدەن ىقتيمال.
7. كوزدى جۇمۋ نەمەسە كەڭسىرىكتى شىمشۋ – بۇل كوبىنە جاعىمسىز باعالاۋدىڭ بەلگىسى.
8. تىڭداۋشى باسىن يزەپ وتىرسا، ادەتتە بۇل ونىڭ قىزىعۋشىلىعى بار ەكەنىنەن حاباردار بەرەدى.
9. الايدا شامادان تىس باس يزەۋ – تىڭداۋشىنىڭ قىزىعۋشىلىعى جوق، ءبىراق دورەكى كورىنگىسى كەلمەيتىنىن بىلدىرەدى.
10. ەگەر سويلەسۋ كەزىندە ءسىز مۇرىندى ۋقالاساڭىز، بۇل ءسىزدىڭ كۇماندى ەكەنىڭىزدەن نەمەسە يدەيادان باس تارتقىڭىز كەلەتىنىنەن حابار بەرەدى.
دەنەنىڭ جوعارعى بولىگى:
1. يىقتاردى تۇزۋلەۋ كۇش پەن باتىلدىقتى كورسەتۋى مۇمكىن.
2. قۇشاقتاۋ – سويلەسۋگە / بايلانىستا بولۋعا دايىن ەكەنىن ايتادى.
3. قولدارىن ايقاستىرۋ ارقىلى ادام ءوزى مەن باسقالار (نەمەسە سولاردىڭ اينالاسىنداعىلارمەن) اراسىندا بوگەۋ بار ەكەنىن ايتقىسى كەلەدى، سونىمەن قاتار نارازىلىقتىڭ بەلگىسى.
4. ساۋساقتى باعىتتاپ سويلەۋ اگرەسسيا نەمەسە ادۋىندىق رەتىندە قاراستىرىلۋى مۇمكىن.
5. مويىنعا جاناسۋ ارقىلى باسقانىڭ اڭگىمەسىن قىزىقتاپ تۇرعانىن جانە ابىرجىعانىن بىلدىرەدى.
6. قولداردى جوعارى جانە سىرتقا قاراي قوزعالتۋ قارىم-قاتىناستىڭ اشىق جانە پوزيتيۆتىك سارىندا ەكەنىن بىلدىرەدى.
7. ادامدى يتەرىپ تۇرعانداي، سىرتقا قاراي باعىتتالعان ساۋساقتار بەلگىسى توقتاتقىسى كەلەتىنىن جانە جاقىنداماۋدى سۇرايتىنىن ايتادى.
8. ەگەر ساۋساقتار ايقاسىپ تۇرسا نەمەسە ساۋساقتاردىڭ ۇشى بىر-بىرىنە ءتيىپ تۇرسا، بۇل ادامنىڭ ويلانىپ جانە باعالاپ وتىرعانىن بىلدىرەدى.
دەنەنىڭ تومەنگى جاعى:
1. قولدارىڭىزدى جامباسىڭىزعا قويۋ ارقىلى ءسىز قۇلشىنىس پەن دايىندىقتى (ال كەيدە اگرەسسيانى) كورسەتە الاسىز.
2. جامباستى العا شىعارىپ، ال دەنەنى ارتقا قاراي قايىرۋ – كۇشىنىڭ بار ەكەنىن كورسەتكىسى كەلەدى.
3. اياقتار بىر-بىرىنەن الشاقتا ورنالاسقان بولسا – بيلىك پەن باسىمدىققا يە ەكەنىن كورسەتۋ.
4. ادام اياقتارىن ايقارا اشىپ وتىرسا، دەمەك ول وسى ورتادا ءوزىن ءقاۋىپسىز سەزىنەدى دەگەن ءسوز.
5. ايقاسقان اياقتار اياق بۇلشىق ەتتەرىنىڭ قانشالىقتى قاتايىپ تۇرعانىنا بايلانىستى بوساڭدىق، ىڭعايلىلىق نەمەسە قورعانۋ ۇستانىمىن بىلدىرەدى.
6. وزىنە سەنىمدى جانە قارىمدى ادامنىڭ توبىعى ەكىنشى اياعىنىڭ ۇستىندە ورنالاسىپ، ۇستىڭگى اياعى سىرتقا قاراپ تۇرادى.
7. ەگەر اياقتارىڭىزدى ايقاستىرىپ وتىرساڭىز، زەرىگىپ وتىرعانىڭىزدى نەمەسە شىدامىڭىز تاۋسىلىپ بارا جاتقانىنان حابار بەرەدى.
كوزدەر:
1. كوزىن تومەنگە ءتۇسىرىپ تۇرسا، بۇل قورقىنىش، ايىپتى سەزىنۋ نەمەسە باعىنۋ سەزىمدەرىنەن حابار بەرۋى مۇمكىن.
2. قاباعىن ءتۇسىرىپ، كوزىن سىعىرايتۋ ءمان-جايدى تۇسىنۋگە تىرىسۋ دەگەندى بىلدىرەدى.
3. كوزدى جالتارتۋ سويلەسىپ تۇرعان ادامعا سەنىمسىز ەكەنىڭىزدى نەمەسە تۇسىنبەي تۇرعانىڭىزدى ءبىلدىرۋى مۇمكىن.
4. ءجيى جىپىلىقتاۋ قوبالجۋدىڭ بەلگىسى.
5. ەگەر ءسىز بىرەۋدىڭ كوزىنە تىكە قاراساڭىز، وزىڭىزگە سەنىمدىلىكتى كورسەتەسىز.
6. كوزدەرىن باقىرايتۋ بىردەڭەگە نەمەسە ادامعا ۇلكەن قىزىعۋشىلىقتى بىلدىرەدى.
7. ەگەر اڭگىمەلەسۋ بارىسىندا ايتىلعان سىنعا نارازى بولساڭىز، ءسىز كوزىڭىزدى لەزدە باسقا جاققا بۇراسىز.
8. بىردەڭەنى ەسىنە تۇسىرگىسى كەلەتىن ادام، ادەتتە جوعارى جانە وڭ جاعىنا قارايدى.
9. جوعارى قاراۋ ياعني بىردەڭەنى ويلاۋ.
وقيعالار شەكاراسى
سىزبەن مىناداي جاعداي بولدى ما: بولمەگە قانداي دا ءبىر ماقساتپەن كىرەسىز (مىسالى، بىردەڭەنى الۋ ءۇشىن)، ال كەيىن نە ءۇشىن كەلگەنىڭىزدى ۇمىتىپ قالاسىز؟ جانە قايتا اينالىپ كەلمەيىنشە ەسىڭىزگە تۇسىرە المايسىز. سويتسە، مۇنداي ءبىر ساتتىك ەستەن اداسۋدىڭ سەبەبى ەسىكتە ەكەن.
نوتر-دام (اقش) ۋنيۆەرسيتەتىنىڭ پسيحولوگتارى انىقتاعانداي، ەسىك تەسىگىنەن وتكەندە سانامىزدا «وقيعالار شەكاراسى» مەحانيزمى ىسكە قوسىلادى. سانامىز ويلار جيىنتىعى مەن ەستەلىكتەردى بىر-بىرىنەن بولەك قاراستىرادى – كينو ەپيزودتارى سياقتى. ءسىزدىڭ ميىڭىز الدىڭعى بولمەدەگى ويلارىڭىزدى اۆتوماتتى تۇردە «ارحيۆكە جىبەرەدى» دە، جاڭا اسەرلەرگە كەڭىستىكتى تازارتادى. مۇنداي «وقيعالار شەكاراسى» باستاپقىدا ءبىزدىڭ باسىمىزداعى اقپاراتتاردى رەتتەۋ ءۇشىن پايدا بولعان، ويتكەنى ءبىز ءاردايىم قوزعالىستا بولامىز جانە جاڭا تاپسىرمالارعا كىرىسىپ كەتەمىز. ال ەستەن اداسىپ قالۋ – بار-جوعى جاناما اسەر.
You Might Also Like
