ەلىمىزدىڭ باس قالاسىندا 9000-عا جۋىق ادام سيفرلىق ساۋاتتىلىقتى ارتتىرۋ كۋرسىنان ءوتتى
استانا قالاسى بويىنشا سيفرلىق ساۋاتتىلىقتى ارتتىرۋ كۋرسىنان وتكەندەر سانى 8644-كە جەتتى. بۇل تۋرالى استانا قالاسى اكىمدىگى حابارلايدى.
سيفرلىق ساۋاتتىلىقتى ارتتىرۋ ماقساتىندا قالا بويىنشا جاز بويى 10150 ادامدى وقىتۋ كوزدەلگەن.
«كۋرستىقالا بويىنشا 19 مەكەمەدە جۇرگىزىلىپ جاتىر، وندا 30 ينفورماتيكا ماماندارى ءدارىس بەرۋدە. ءبىلىم الۋشىلارعا ءدارىس ەكى تىلدە، ساعات 10.00-نان 18.00-گە دەيىن وتكىزىلەدى. تىڭداۋشىلاردىڭ بارلىعى كۋرستان وتكەندىگى جونىندە سەرتيفيكاتپەن ماراپاتتالادى»، — دەپ اتالىپ ءوتتى اكىمدىكتە.
«سيفرلىق قازاقستان» باعدارلاماسى اياسىندا وتكىزىلىپ وتىرعان كۋرسقا قاتىستى ءبىلىم الۋشىلاردىڭ وي-پىكىرلەرى وڭدى. ولاردىڭ ايتۋى بويىنشا بۇل كۋرسقا قاتىسۋ بارىسىندا ءبىراز سيفرلىق بىلىكتىلىكتەرىن ارتتىرىپ، كوپتەگەن سايتتار مەن پورتالداردا جۇمىس جاساۋدى مەڭگەرگەن.
«جۇمىس ورىنىنان وسىنداي مۇمكىندىك بەرىپ، تەگىن كۋرسقا قاتىسۋدامىز. كۋرس تۋرالى ەستىگەندە جاس بولسام دا العاشقىلاردىڭ ءبىرى بولىپ جازىلدىم. كومپيۋتەردەن بەيحابار ەمەسپىن، الايدا ەسىمە تۇسىرسەم سوڭعى رەت ستۋدەنت كەزىمدە بۇدان 12 جىل بۇرىن عانا بەلسەندى قولدانعان ەكەنمىن. بۇگىنگى تاڭدا كۇندەلىكتى ينتەرنەت ارقىلى تاپسىرىس بەرۋدى جەتىك مەڭگەرۋدەمىن، Word-تا، Exel-دە جۇمىس جاساۋدىڭ قىر-سىرىمەن تانىسۋدامىن»، — دەيدى كۋرسقا قاتىسۋشىلاردىڭ ءبىرى.
ەسكە سالا كەتەلىك، 1 ماۋسىم مەن 31 تامىز ارالىعىندا قازاقستاننىڭ بارلىق ايماقتارىندا سيفرلىق ساۋاتتىلىقتى ارتتىرۋ ماقساتىندا تەگىن كۋرستار جۇمىسىن باستاپ كەتكەن بولاتىن. ءاربىر كۋرسقا قاتىسۋشى ءوزىنىڭ سيفرلىق بىلىكتىلىگىن 4 باعىت بويىنشا تەگىن ارتتىرا الادى. اتاپ ايتساق:
1. «بازالىق سيفرلى بىلىكتىلىك» بويىنشا پەرسونالدى كومپيۋتەردى جانە نوۋتبۋكتى، موبيلدىك قۇرىلعىلاردى، ينتەرنەت جەلىسىن، سونداي-اق، دەرەكتەردىڭ قاۋىپسىزدىگى مەن قورعالۋىن جەتىك ءبىلىپ شىعادى؛
2. «ەلەكتروندىق ۇكىمەت پەن ەلەكتروندىق مەملەكەتتىك قىزمەتتەر» بويىنشا ۇيدە وتىرىپ قاجەتتى مەملەكەتتىك قىزمەتتەردى ەلەكتروندى تۇردە الۋبىلىكتىلىگىن ارتتىرادى؛
3. «اشىق ۇكىمەت» بويىنشى بىلىكتىلىكتىڭ ءتورت ءتۇرلى كومپونەنتىن قولدانۋعا بولادى. ولار: اشىق دەرەكتەر، اشىق ءنورماتيۆتى-قۇقىقتىق اكتىلەر، اشىق ديالوگ پەن بيۋدجەتتەر؛
4. «ەلەكتروندىق ساۋدا» بلوگىندا ونلاين ساتىپ الۋ، ساتۋ ءتارىزدى بىلىكتىلىكتەرىن ارتتىرادى؛
سونداي-اق، كۋرس ەلىمىزدىڭ بارلىق ايماقتارىندا (اۋدان ورتالىقتارى، اۋىلدار) ءجۇرىپ جاتىر. قازاقستاننىڭ كەز كەلگەن ايماعى بويىنشا 1414 نومىرىنەن كۋرستىڭ وتەتىن ورنى مەن كۇنى تۋرالى اقپاراتتى بىلە الاسىزدار (قوڭىراۋ شالۋ تەگىن).
You Might Also Like
-
كەيبىر شەت ەلدەرگە ۇزاق ۋاقىتقا كەتۋگە قاشىقتىعى، ۇشۋ اقىسىنىڭ باعاسى، ول جاقتا تۇرعىن ءۇي جالداۋ مەن وقۋ اقىسىنىڭ قالتا كوتەرمەيتىندىگى كەدەرگى بولىپ جاتادى. الايدا كەي مەملەكەتتەردىڭ ۇكىمەتى جانە ...
