ەكى بۇعى
ءبىر كۇنى تاۋدا جايىلىپ جۇرگەن ەكى بۇعى شوپكە تالاسىپ قالىپتى.
— مەن جەيمىن مۇنى، مەن بۇرىن كوردىم، — دەپتى ءبىرى.
— مەن جەيمىن، مەن بۇرىن كەلگەنمىن بۇل جەرگە، — دەپتى ەكىنشىسى.
ەكەۋى جانجالداسىپ، ءبىرىن-بىرى سۇزە باستاپتى. كەيىن شەگىنە ءتۇسىپ، سارتىلداتا كەپ مۇيىزدەسە ءسۇزىسىپتى. ازدان سوڭ، ءتىپتى قىزىق بولىپتى. بۇعىنىڭ ءمۇيىزىن بىلەسىڭدەر، تالدىڭ بۇتاعى سياقتى بولادى. ىلىنىسكەنشە ابدەن سۇزىسكەن كورىنەدى. ءبىر كەزدە مۇيىزدەرى ءىلىنىسىپ قالعان بۇعىلار بىرىنەن-بىرى اجىراي الماي ارلى-بەرلى تارتىسىپتى.
مۇنى ءوتىپ بارا جاتقان اڭشىلار كورىپ قالىپتى دا قۋانىپ، دەرەۋ كەلىپ بۇعىلاردى ارباسىنا سالىپ، ۇيلەرىنە قاراي جونەلە بەرىپتى.
You Might Also Like
-
ءبىر شال مەن كەمپىردىڭ جالعىز سيىرى بولىپتى. سول سيىردىڭ ءسۇتى ولاردىڭ قورەگى ەكەن. سوندىقتان سيىردىڭ بۇزاۋى سۇتكە جارىماي، ءولىپ كالا بەرىپتى.
-
ءبىر كۇنى سارشۇناق باقشاعا كىرەدى دە ءوسىپ تۇرعان كوكونىستىڭ اپتەر-تاپتەرىن شىعارىپ بۇلدىرەدى. باقشاشى ۇستاپ الىپتى دا سىلەيتە ساباپتى. سارىشۇناق ەسىنەن تانىپ قالىپتى. باقشاشى ونى ولدىگە ساناپ، قورشا...
