InfoHub Logo

ەڭسەلى ەلىمىزدىڭ كەرەگەسى كەڭ، تەرەزەسى وزگە مەملەكەتتەرمەن تەڭ بولۋىنا بىردەن ءبىر سەبەپكەر- ەلباسى ن.ءا.نازاربايەۆ-  بۇگىندە الەم مويىنداعان سۇڭعىلا ساياساتكەر. كورەگەندى كوشباسشىمىزدىڭ مەملەكەتىمىزدىڭ بۇگىنى مەن بولاشاعى ءۇشىن اتقارعان ىستەرى عانا ەمەس، سونىمەن بىرگە عيبرات بەرەرلىك قاناتتى سوزدەرى دە بارشاعا ۇلگى بولارلىق. ەلباسىنىڭ  وتان، ەل تاعدىرى، تاۋەلسىزدىك، ۇلتتىق سانا جانە  ادامدىق اسىل قاسيەتتەر، ومىرلىك مۇرات جايىنداعى وي- تولعامدارىنىڭ قاي- قايسىسى  بولماسىن، تەرەڭ تاعىلىمعا، وسيەت-ونەگەگە  تولى. ولاي بولسا،  بيىك پاراسات يەسىنىڭ  قاناتتى سوزدەرى سىزگە دە وي سالارى ءسوزسىز. وقىپ كورىڭىز!

 ادام ماڭگى جاسامايدى، ماڭگى جاسايتىن- ونىڭ ءىسى.

 ماڭداي تەرمەن تۇزداماساڭ ءدامىڭدى،

جۇرەگىڭمەن تەربەمەسەڭ ءانىڭدى،

ءوزىڭ-داعى ۇعا الماساڭ ءمانىڭدى،

ءومىر ەمەس،

كوشىرمە ول- كادىمگى.

 مەن الدەبىر قيسىنداردان گورى اقىلعا قونىمدى قاراپايىم ىستەردى ارتىق سانايمىن.

 ادامنىڭ ءار ءىسى- جاساعان بارلىق جاقسىلىعى مەن جاماندىعى كەيىنگى ۇرپاقتار تاراپىنان ءادىل باعاسىن الماي قويمايدى.

 ادامدارعا اقىل-پاراسات ءوز ءومىرىن جاقسارتۋ ءۇشىن بەرىلگەن.

 ومىردە ناعىز تابىسقا – ادامدارعا جانە ءوز ەلىنە پايدا اكەلەتىندەر عانا قول جەتكىزەدى.

 ادام وقۋعا قابىلەتىن جوعالتقان كەزدەن باستاپ قارتايعاندىق بەل الادى.

 تۇلعا بولۋ دەگەنىمىز جاۋاپتى بولۋ دەگەندى بىلدىرەدى.ول ءۇشىن اعىنمەن مالتي بەرمەي، بەلسەندى بولۋ قاجەت.

 ادامدار يادرونىڭ قۋاتىن مەڭگەرۋدى ۇيرەندى، ءبىراق وزدەرىن باسقارۋدى ۇيرەنە المادى. ولار ادامعا دەگەن سەنىمىن جوعالتىپ، يادرولىق قۋاتقا سەنۋ سەنىمىنە يە بولدى.

 ادام ءوزىنىڭ قايدا بەت العاندىعىن انىق كورگەن كەزدە عانا بيىككە قاراي كۇش- جىگەرىمەن ۇمتىلادى.

 ادام الەمنىڭ جەتى كەرەمەتىنىڭ ءبارىنىڭ تاريحىن ءبىلىپ،  ءبىراق ەڭ ماڭىزدى ءارى ناعىز كەرەمەتتى: ءار الۋاندىققا تولى دۇنيەنى بىلە الماۋى مۇمكىن.

 ءوزى ەشنارسەگە جاۋاپ بەرمەيتىن ادامنىڭ باتىرسىنۋى، باتىلسىنۋى، وزگەنى سىناۋى وپ-وڭاي.  

 باق-داۋلەت، بارشا يگىلىك ادامنىڭ ءوز قولىمەن جاسالادى.

 ۇمتىلساڭ- ۇتارسىڭ.

 قازىرگى باسەكە زامانىندا قاجىر-قايراتىڭ، ىنتا- جىگەرىڭ، تىنىمسىز ىزدەنىسىڭ بولماسا، كوشتەن قالۋ وپ-وڭاي.

 بۇگىنگى زاماندا ءوزىنىڭ اسقاق ارمانىنا تەك جاڭاشا ويلايتىن، ەرىك-جىگەرى مول، وزىنە سەنىمدى ادامدار عانا قول جەتكىزە الادى.

 جاس ازامات ءوزىن ءاردايىم جان-جاقتى  جەتىلدىرىپ وتىرۋى ءتيىس.

 ادام كەشەگىسىمەن، قازىرگىسىمەن جانە كەلەشەگىمەن ءومىر سۇرەدى. قازىرگى ءسات تەز وتەدى، تەز كەشەگىگە، وتكەنگە اينالادى.ياعني، ءبىز ءومىر بويى كەلەشەككە ۇمتىلۋمەن عۇمىر كەشەمىز.

 ادامزات بالاسى جۇزدەگەن مىڭ شاقىرىم قاشىقتىقتاعى ايدىڭ بەتىن زەرتتەدى، الايدا اياقاستى دەرلىك جەردە جاتقان تەڭىز ءتۇبىنىڭ وننان ءبىر پايىزى دا زەرتتەلە قويعان جوق.

 جاڭا بۋىن وزگەرىستەردەن قايمىقپاي، كەرىسىنشە، ءورشىل، سەرپىندى جوبالاردى ۇسىنۋى ءتيىس.

 وزگەنىڭ ورىنە شىعۋ ءۇشىن ءوزىڭ دە مەيمانىڭا تورىڭنەن ورىن بەر.

 كەز كەلگەن  ماسەلەنىڭ ءتۇپ تامىرىنا كوز جىبەرگەن ءجون. قۇداي بىزگە از سويلەپ، ءوزىمىز سياقتىلاردى كوبىرەك تىڭداپ جانە ءتۇسىنۋ ءۇشىن ءبىر اۋىز بەن ەكى قۇلاق بەردى.دەمەك، الۋاندىلىق-جەر دەپ اتالاتىن پلانەتاداعى ەڭ باستى فەنومەن.

 تەك دۇرىس ۇستانىم تابۋ، الەمنەن نەنى الاتىنىڭدى جانە وعان نەنى بەرەتىنىڭدى ايقىن ءتۇسىنۋ عانا تۇراقتى دامۋ مەن  وزگە الەممەن ۇيلەسىمدى قاتار ءومىر ءسۇرۋدىڭ كەپىلى بولا الادى.

 كاسىپقوي بولۋ دەگەن ءسوز- ءوزىڭ شىنىمەن دە اينالىسقىڭ كەلگەن ومىرلىك ءىستى تاڭداي ءبىلۋ.جانە ونىڭ ءوزىن جاقسى تۇرعىدا جۇزەگە اسىرۋ قاجەت.

---