InfoHub Logo

شاكىرت – مەنىڭ مارتەبەم.
مەن – باسپالداق، مەن ارقىلى
شارىقتاسىن ول اسپانداپ!

ومىردە مۇعالىمدىك ماماندىق يەلەرى ەرەكشە قۇرمەتپەن اتالادى. ۇستازىم، مەنىڭ ۇستازىم، وزىڭمەن وتكەن قىس-جازىم. قالدىرعان ءىزىڭ ماڭگىلىك، جادىمدا تۇرار جاڭعىرىپ! وسىناۋ ءاننىڭ جىر جولدارىندا اقىن بارشا ادامداردىڭ قولىنا العاش قالام ۇستاتىپ ءبىلىم مەن تاربيە بەرگەن ۇستازدارىنا ماڭگى ماحابباتىن، سۋىماس ىستىق ىقىلاسىن قالاي سىيعىزا بىلگەن دەسەڭىزشى!

شىنىدا، مۇعالىمدىك مەن ءۇشىن – ەڭ ارداقتى ەڭ قۇرمەتتى ماماندىق. مەنىڭ ومىرلىك ۇستازىم ءومىرىنىڭ 40 جىلىن پەداگوگيكا سالاسىنا جۇمساعان، ونەگەسى مەن تاربيەسى بىزگە تاعىلىم بولعان ءوزىمنىڭ اتام – ساۋرانبايەۆ بالتاباي ءبازىلداۋىت ۇلى. بالا كەزىمنەن اتامنىڭ ۇلاعاتتى ۇستازدىق جولىن قۋىپ، ءىزىن جالعاستارۋدى ارمانداپ، بۇگىنگى تاڭدا اتا جولىن جالعاستىرۋدا ءوز ءبىلىمىمدى جالعاستىرۋدامىن. مەن ءۇشىن اتامنىڭ ۇستازدىق جولىن دارىپتەپ ۇرپاققا ۇران ەتىپ قالدىرۋ، مۇعالىمدىك ماماندىقتىڭ قىر-سىرىن ءتۇسىنىپ، ونى اشۋ، جاس ۇرپاقتىڭ بويىنا سانالى تاربيە، ساپالى ءبىلىم بەرىپ ومىرمەن ۇشتاستىرۋ باستى ماقساتىم. اتام گەوگرافيا ءپانىن جەتىك مەڭگەرگەن سوۆەت وداعىنا ەڭبەگى سىڭگەن، قۇرمەتتى ازامات، مايتالمان مامان بولعان. وقۋشى كەزىمدە ماعان ارناپ جازعان ولەڭ جولدارىندا اتاقتى فۋتبولشىلار: د.مارادونا، پەلە سىندى  بولۋىما بەرگەن باتالارى قابىل بولدى دەسەم ارتىق ەمەس.

اتا جولىن قۋىپ دەنە شىنىقتىرۋ ءپانى مۇعالىمدىك ماماندىقتى تاڭدادىم. ءمۇعالىم ماماندىعى - بارلىق ماماندىقتىڭ اناسى. عالىم دا، شاحتەر دە، كەنشى دە، ءتىپتى ءبارى دە وسى ءمۇعالىمنىڭ سەپكەن داقىلدارىنىڭ ءدانى، جەمىسى دەۋگە بولادى، ال ءمۇعالىم - ءبىلىم بەرۋ سالاسىنىڭ نەگىزى، جانى جانە جۇرەگى دەپ ۇعىنۋ كەرەك. سەبەبى، رۋحان باي، ىزدەنىمپاز ادامگەرشىلىگى مول ادامدى قالىپتاستىرۋشى، قازىرگى زاماندا اقپاراتتاندىرۋشى دەيمىز. ۇستاز بەرگەن تاربيە مەن ءبىلىم ءاربىر جاننىڭ ومىرىنە جول سىلتەر شامشىراق بولىپ، باعىت-باعدار بولارى انىق.

مەن جاقسى قاسيەتتەردى بويىما سىڭىرگەن، جاقسىدان تالىم-تاربيە ۇيرەنگەن بالا جانىن ءتۇسىنىپ، ءوز ءپانىن سۇيە بىلەتىن زامان تالابىنا ساي جاڭاشىل ءمۇعالىم بولۋ ماقساتىندا قازىرگى تاڭدا وڭتۇستىك قازاقستان مەملەكەتتىك پەداگوگوكالىق ۋنيۆەرسيتەتىندە 3 كۋرسىندا  ءبىلىم الىپ، شىڭدالۋدامىن. ال، «ۇستازى جاقسىنىڭ ۇستامى جاقسى» دەگەندەي مەنىڭ ءبىلىم بەرەتىن بولاشاق شاكىرتتەرىم - قالىقتاپ ۇشار قىراندارى مەن ەرتەڭگى ەلدىڭ ەڭسەلى ءبىلىمدى ۇرپاقتارى بولارىنا سەنەمىن. قازىرگى زامان بولەك، تالاپ تەرەڭ، وقۋشىعا بەرىلەتىن ءبىلىم دە جاڭاشا، سان قىرلى. سوندىقتان، جاڭاشىلدىقتىڭ ءداۋىرىن كەشىن جۇرگەن وقۋشىنى تاربيەلەۋدە جاعا ۇردىسپەن ءجۇرۋ مۇعالىمدەرگە جۇكتەلىپ وتىرعان باستى مىندەت. مەنىڭ ويىمشا كەز-كەلگەن ادام ۇستاز بولا المايدى، سەبەبى ۇستازدىق ونەر-تاعىلىمى تەرەڭ ونەر. ال ونەرلى بولۋ كەز كەلگەن ادامعا قونا بەرمەيدى. ۇستاز ۇنەمى ىزدەنىس ۇستىندە بولۋى كەرەك. «ۇستاز بولۋ ءوز ۋاقىتىڭدى اياماي، وزگەنىڭ باقىتىن ايالاۋ» دەپ م.اۋەزوۆ ايتقانداي ۇنەمى ايانباي ەڭبەكتى تالاپ ەتەدى، ءومىردىڭ كىرپىشىن دۇرىس قالاۋدى، دۇرىس تاڭداۋدى ۇيرەتەدى. مەن ماماندىعىممەن ماقتانامىن. ىبىراي، ءال فارابي، اباي، مۇحتار سىندى ادامزاتتىڭ اسىلدارى  نەگىزىن قالاعان، بارلىق ماماندىقتىڭ بۇلاق كوزىن اشقان، ماماندىقتىڭ پاديشاسى-ۇستازدىق  ماماندىعىن تاڭداعانىما ەش وكىنبەيمىن.

قورىتىندلاي كەلە ءمۇعالىم ءباقىتى-بىلىمدى ۇرپاقتا، ابىرويلى ەڭبەكتە دەر ەدىم. «شاكىرتسىز - ۇستاز تۇل» دەمەكشى وقۋشىلار باردا، مەن دە بارمىن. مەنىڭ مارتەبەم – شاكىرت، ال مەن باسپالداقپىن، دەمەك شاكىرتىممەن بىرگە بولاشاقتىڭ ىرگە تاسىن قالاپ، ونىڭ  اسپانداپ شارىقتاۋىنا ءوز ۇلەسىمدى ايانباي قوسامىن، بۇل مەنىڭ ۇستازدىق ۇستانىمىم.

---