ەڭ باقىتتى قىزدار
ۇ.جولداسوۆ ورىندايتىن اندە ايتىلعانداي „بالانىڭ ءبارى باقىتتى بولۋى ءۇشىن جارالعان”. باقىتسىز ءومىردىڭ ءمانى جوق. الەمدە بارلىق پەندە وزىنشە باقىتتى. ال، بۇگىنگى قىزداردىڭ باقىتتى بولماۋعا حاقى جوق. نەگە؟ نەنىڭ ارقاسىندا قازاق قىزى باقىتقا قول جەتكىزدى؟
XXI عاسىر – عىلىم مەن تەحنولوگيانىڭ دامىعان زامانى. بۇرىنعىداي كىر جۋۋ، ءۇي تازالاۋ، تاماق ءپىسىرۋ دەگەن قيىندىقتار جوق. بۇل جۇمىستاردى ارنايى قۇرىلعىلار اتقارادى. كىر جۋاتىن ماشينە، شاڭسورعىش، ىدىس جۋاتىن ماشينە – ءاربىر ۇيدە بار جابدىق. زاماننىڭ العا جىلجىعانى – ادام ويىنىڭ دامىعانى. جاسالعان قۇرالدار – ايەل قاجەتتىلىكتەرىنىڭ ناتيجەسى. „Samsung”، „LG” كومپانيالارىنىڭ قۇرالدارى ادام ويىنىڭ جەمىسىندەي كورىنەدى.
قازاق حالقىندا قىز بالانى „9جاستا وتاۋ يەسى” دەپ جاتادى. بۇرىنعى كەزەڭ ادامدارى قىز بالانى ءوز ەركىنەن تىس جاستاي تۇرمىسقا بەرگەن، سۇيگەن ادامىمەن بىرگە بولۋىنا رۇقسات ەتپەگەن. مىسال رەتىندە „اباي جولى” ەپوپەياسىنداعى توعجان اتتى كەيىپكەردى قاراستىرۋعا بولادى. ول ابايدى سۇيەدى، الايدا ولاردىڭ قوسىلۋىنا „توعجاننىڭ باسىنداعى نوقتا مەن ابايدىڭ اياعىنداعى تۇساۋ” كەدەرگى بولادى. قازىرگى زاماندا مۇنداي قاتىگەزدىك جوق. قىزدىڭ ءوز سۇيگەنىنە قوسىلۋىنا جول اشىق. تەك اتا-اناسىنىڭ اق باتاسىن السا بولعانى.
الەمدە ءار ەر ادامنىڭ باسىنا 7 قىزدان كەلەدى. بۇل – دالەلدەنگەن كوزعاراس. دەمەك كەز كەلگەن ەركەككە بىرنەشە رەت شاڭىراق كوتەرۋگە مۇمكىندىك بار. ءتىپتى بۇل پىكىردى ءدىن دە قولدايدى. ءبىرىنشى ايەلى – بايبىشە، ال ودان كەيىنگىلەرى – توقالدار توبىنا جاتقىزىلادى. توقال الۋدى بۇرىنعى ادامدار قالىپتى ىس-ارەكەت دەپ ەسەپتەدى. بايلار بىر-بىرىنەن قالماۋ ءۇشىن توقال الدى. ءبىز ءومىر ءسۇرىپ جاتقان زاماندا مۇنداي ناداندىق جوق. بولماي-اق قويسىن.
ءبىلىم – تەڭىز. ونىڭ تۇڭعيىعىنا ەنىپ، بويلاي ءجۇزۋ – ءاربىر جاس جەتكىنشەكتىڭ مىندەتى. بۇل مۇمكىندىك بۇرىن ەر بالالاردا عانا بولدى. ءقازىر بارىمىزگە ورتاق. مىندەتتى 9 جىلدىق ءبىلىمدى بۇكىل جاستاردىڭ الۋعا قۇقىعى بار. ءقازىر ءبىلىم ەرلەرگە، ايەلدەرگە دەپ بولىنبەيدى. زاماننىڭ العا جىلجىپ، قىز بالالاردىڭ ءبىلىم الۋىنىڭ ناتيجەسىندە جاڭا اقىندار مەن جازۋشى ايەلدەر ومىرگە كەلۋدە. وعان دالەل – ف.وڭعارسىنوۆا، ا.احماتوۆا ت.ب. قىزدارعا ءبىلىم الۋعا رۇقساتتى ەرتە بەرگەندە تاريحتا قالعان ايەل ادامداردىڭ ەسىمدەرى كوبەيەر ما ەدى؟!
ايەل تەڭدىگى – بارلىق زاماننىڭ نەگىزگى قيىندىعى. نەبىر ايگىلى جازۋشىلارىمىز ايەلدەرگە تەڭدىك الىپ بەرەمىز دەپ جۇرگەندە دۇنيەدەن ءوتتى. مىسال رەتىندە م.دۋلاتوۆتىڭ „باقىتسىز جامال”، ج.ايماۋىتوۆتىڭ „اقبىلەك” روماندارىن الۋعا بولادى. ەكى پروزانىڭ دا نەگىزگى يدەياسى – ايەلگە تەڭدىك الىپ بەرۋ. ءقازىر بۇل قيىندىق ءوز شەشىمىن تاپتى. گەندەرلىك ساياسات قالىپتاستى. ايەل ادام ەر ادامنان كەم ەمەس دەگەن تۇجىرىم پايدا بولدى. ايەل ەر اداممەن تەڭ قۇقىققا يە بولدى.
تارازىعا سالىپ ويلانساق، ەر ادامدارعا قاراعاندا باقىتتى بولۋعا سەبەپتەرىمىز كوپ ەكەن. الايدا ءبىز وسى باقىتتارىمىزدى باعالاي المايتىن سەكىلدىمىز. ايتىلعان مۇمكىندىكتەردى باقىت دەپ سانامايتىندارىمىز قانشاما. „باعالاي بىلمەگەنگە ب ا ق قونبايدى”. بار باقتىڭ ءقادىرىن ءبىلىپ، باعاسىنا جەتسەك قانا باقىتقا جەتۋىمىزگە سەبەپ جانە سەبەپكەرلەر بۇدان دا كوبەيەر.
You Might Also Like
-
ۇلتتىق ءبىرىڭعاي تەستىلەۋ. وسى ءۇش اۋىز ءسوز ءاربىر 11-سىنىپ وقۋشىسىنىڭ بويىنا قورقىنىش، ساناسىنا ۇرەي ۇيالاتادى. 11 جىل بويى وقىعان ەڭبەگىم اقتالادى ما، تەستىلەۋدەن ءوزىم قالاعان ۇپايدى جيناي الامىن با ...
