InfoHub Logo

ەگەر ءسىز يلون ماسك بولساڭىز، وندا سىزگە اپتا سايىن الپاۋىت كوپميللياردتىق ەكى كومپانيانى جانە ودان ءسال كىشىرەك ۇشەۋىن باسقارۋىڭىزعا تۋرا كەلەر ەدى، سونداي-اق مارس تۋرالى ارمانداۋمەن قاتار، بەس ۇلىڭىزدى كورۋگە ۋاقىت ىزدەپ، ال ءساتى ءتۇسىپ جاتسا - رومانتيكالىق كەشكى استىڭ قىزىعىنا بولەنەر ەدىڭىز. يلون ماسك ءوزىنىڭ جۇمىس اپتاسىن قالاي وتكىزەدى؟ SpaceX پەن Tesla باس ديرەكتورىنىڭ كۇنتىزبەلىك جوسپارى كوپتەگەن جىلدار بويى كوپشىلىكتى تاڭ قالدىرعان دۇنيەلەردىڭ ءبىرى بولىپ كەلدى. قالاي ءبىر عانا ادام وسىنشاما كوپ كاسىپورىنداردى ىسكە قوسىپ، ولاردى جۇمىس ىستەتۋگە مۇمكىندىك تابادى جانە مۇنىمەن قاتار ول مارستا زەينەتكەرلىككە كەتۋدى جوسپارلايدى، ءارى تۆيتتەردە Overwatch وينىنا دەمەۋ كورسەتۋگە ۋاقىتى بولادى؟

جۇمىس، جۇمىس، جۇمىس جانە ۇيقى

Tesla مەن SpaceX باسشىسى ۋاقىتىنىڭ باسىم بولىگىن ءوز كومپانيالارىن باسقارۋعا جۇمسايتىنى تاڭ قالاتىن جاعداي ەمەس. ماسكتىڭ ابدەن قالجىراتاتىن 100 ساعاتتىق جۇمىس اپتاسىن 80-90 ساعاتقا دەيىن قىسقارتقاندىعى تۋرالى حابارلانعان بولاتىن. وسىنداي جۇمىس ىرعاعىن ۇستاپ تۇرۋ ءۇشىن، ول كوفەينگە ارقا سۇيەپ الدى. جۇمىسىنىڭ ەڭ قىزعان شاعىندا ماسك كۇن سايىن 8 بانكا ديەتالى كولا جانە ۇلكەن شىناياقپەن بىرنەشە رەت كوفە ىشەتىن. «كوزىمنىڭ ناشار كورە باستاعانىن بايقاپ، مەنىڭ كادىمگىدەي مازام كەتتى»، «ءبىراق ەندى، كەڭسەمدە كوفەينسىز ديەتالىق كولا بار» - دەيدى ول.

الايدا ول ۇيقىدان باس تارتپادى. ۇيقىعا بولىنگەن ۋاقىتتى قىسقارتۋ كۇندەلىكتى بىتىرەتىن جۇمىس كولەمىنە كەرى اسەر ەتەتىن بايقادى. ماسك تاڭعى جەتىدە تۇرىپ، تۇنگى بىرلەردەن كەيىن ۇيىقتاۋدى وزىنە ادەت ەتىپ الدى. «مەن ءۇشىن ۇيقىنىڭ ەڭ جاقسى ۋاقىتتارى — 6، 6،5 ساعات» - دەگەن بولاتىن 2013 جىلى. «ۇيقى دەگەن – جاقسى نارسە. ەگەر ۇيقىم قانباعان بولسا، مەنىڭ كوڭىل-كۇيىم دە جابىرقاۋ بولاتىنىن بايقادىم».

ماسك ادەتتەگى ادامعا قاراعاندا ەكى ەسە ارتىق  جۇمىس ىستەيدى. اقش-تا 25-54 جاستاعى ادەتتەگى قىزمەتكەرلەر كۇنىنە 6،3 ساعات ەڭبەك ەتەدى. ال ماسك كۇنىنە 12 ساعات جۇمىس ىستەيدى. ءتىپتى بالالارمەن ۋاقىت وتكىزگەن كەزدىڭ وزىندە دە ەلەكتروندى پوشتامەن جۇمىسىن اتقارىپ جاتادى.

بەس جۇمىستىڭ بەسەۋىنە دە كەشىكپەۋ

ماسك ءوزىنىڭ جۇمىس ۋاقىتتارىنىڭ باسىم بولىگىن (90% عا جۋىق) Tesla مەن SpaceX كومپانيالارى اراسىندا وتكىزەدى. قالعان بولىگىن باسقا ءۇش كومپانيالاردا — ولاردىڭ بىرىندە ماسك تەڭ قۇرىلتايشى، ەكىنشىسىندە ينۆەستور بولسا، ۇشىنشىسىندە اتقارۋشى ديرەكتور قىزمەتىن ورىندايدى. 2013 جىلى ماسك ءوزىنىڭ اسا قاربالاس جۇمىس كەستەسىن بىلاي سيپاتتادى: دۇيسەنبى لوس-اندجەلەستە-تەگى SpaceX-تە، سارسەنبى مەن بەيسەنبىدە Tesla-دا جۇمىس جاساۋ ءۇشىن سەيسەنبىنىڭ تۇنىندە Bay Area-عا ۇشۋ، ال جۇما كۇنى SpaceX-كە قايتىپ ورالۋ. دەمالىس كۇندەردى SpaceX-تە جانە ءبىراز ۋاقىتىن Teslaدا وتكىزەدى.

وتباسىنا ارنالعان ۋاقىت

ماسكتىڭ قانشا ۋاقىتىن ۇيدە وتكىزەتىندىگى تۇسىنىكسىز، الايدا ونىڭ بەس ۇلى ءار ەكى اپتاداعى ءتورت كۇندى اكەلەرىمەن وتكىزەدى ەكەن. ۇلدار ماسكتىڭ كاليفورنيالىق فابريكالارىنا ءجيى بارىپ تۇرادى، ءتىپتى جىل سايىن پالاتكالارىن الىپ، دەمالىسقا دا شىعىپ ۇلگەرەدى. «مەن - اجەپتاۋىر جاقسى اكەمىن»، «بالالارىممەن جەتەرلىكتەي ۋاقىت وتكىزەمىن. قالا سىرتىنا شىقانىمدا دا وزىمەن بىرگە ەرتىپ الامىن» - دەيدى ماسك.

دەمالىس

كەزىندە ءبىر كۇنىڭ 10 ساعاتىن كىتاپ وقۋعا ارناعان ماسك، قازىرگى كەزدە دە دەمالا بىلەدى. ۆيدەويىندار —تۆيتتەر تاسپاسىندا ءجيى كەزدەسەتىن تاقىرىپ. «مەن كولىكتە مۋزىكا تىڭداعاندى ۇناتامىن» دەيدى ول ءوزىنىڭ باسقا دا كوڭىل بولەتىن دۇنيەلەرىن ەسكە العاندا. «سونىمەن قاتار فيلمدەر كورەمىن، ءبىراق قازىرگى كەزدە - سيرەكتەۋ. بالالارمەن اڭگىمە-دۇكەن قۇرىپ، دوستارمەن جۇزدەسىپ تۇرامىن، ءبارى سول ادەتتەگىدەي. كەيدە تۆيتتەردە قۇتىرىپ كەتەمىن. ءبىراق كوبىنە جۇمىستىڭ باسىندامىن».

جەتىستىك فورمۋلاسى

يلون ماسكتىڭ ءتارتىبى مەن جۇمىس بارىسى بەس نەگىزدەن تۇراتىن فورمۋلاعا سايادى. ونىڭ تابىسقا جەتۋ سىرى قيىن، بارىنە بىردەي كەلە بەرمەيدى، الايدا ماسكتىڭ ىزىمەن جۇرۋگە بەل شەشسەڭىز، قالاي بولسادا ءبىر جەردى تەسىپ شىعاسىز. فورمۋلا قاراپايىم — كۇنىنە 14-16 ساعات جۇمىس جاساۋ. ءبىراق ءىس جۇزىندە بۇل قيىن.

تومەندە وسى فورمۋلاعا ساي بولام دەگەندەردىڭ الدىنان شىعۋى مۇمكىن كەدەرگىلەر بىلدىرىلگەن.

ءبىرىنشى كەدەرگى: بيولوگيالىق

تاۋلىكتىڭ باسىم بولىگىن جۇمىسقا جۇمساۋدان تۋىنداعان اۋرۋ، ۋاقىت وتە ەكسپونەنتتى تۇردە وسەدى. يلون ماسكتىڭ ءوزى مۇنى مويىندايدى، الايدا ول سول قارقىنمەن ەڭبەك ەتۋىن جالعاستىرىپ كەلەدى. قاراپايىم ادام ءۇشىن بۇل مۇلدەم مۇمكىن ەمەس دەۋگە بولمايدى، الايدا تىم قيىن. بۇل جاعدايدا ءسىز تەك فيزيكالىق مۇمكىندىكتەرىڭىزدى عانا ەمەس، دوستارىڭىز بەن وتباسىڭىزدان ۇزاق ۋاقىتقا الىستاعاننان پايدا بولعان كۇيزەلىسپەن كۇرەسكە تۇسەتىن سانا-سەزىم، ەموسيونالدى قابىلەتتەرىڭىزدى تەكسەرەسىز. ستارتاپتار الەمىندە: «ءساتتى ستارتاپتى ىسكە قوسقىڭ كەل مە؟ جۇمىس، ۇيقى، وتباسى، سپورت نەمەسە دوستار  — كەز كەلگەن ۇشەۋىن عانا تاڭدا»  — دەگەن ماقال بار.

وقۋعا كەڭەس بەرەمىز: سترەسس ساباعى

بيولوگيالىق تۇرعىدان بۇعان قول جەتكىزۋگە بولادى. مىسالى دوستارىڭىزبەن وتكىزگەن ۋاقىتتارىڭىزدى ويلاپ كورىڭىز، ولارمەن بولعاندا ءبىرشاما ۋاقىت ۇيىقتاماي جۇرە الاسىز، سوندا دا شارشامايسىز. ارينە بىرتىندەپ شارشاۋ دا كەلە باستايدى، الايدا ءسىز ونى جەڭىل وتكەرەسىز. ماسەلە بۇل ىسكە فيزيكالىق نەمەسە اقىل-وي قۋاتى جۇمسالماعاندىعىندا ەمەس، ماسەلە بۇل ءىستىڭ سىزگە ۇناۋىندا. كۇنىنە 16 ساعات جۇمىس جاساعىڭىز كەلمەگەننىڭ سەبەبى  — ءسىز بۇل جۇمىستى جاقسى كورمەيسىز.

يلون ءوزىنىڭ جۇمىسىن جاقسى كورەدى جانە ءوزىنىڭ ادىستەرىمەن قۋانا بولىسەدى:

- كورتيزولدى باسقارۋ تاجىريبەسى. دوستارىڭىزبەن بولعان ۋاقىتتا بويىڭىزعا سەروتونين تارالادى. ال جۇمىس ۋاقىتىندا ورگانيزمگە كورتيزول تارالادى. 16 ساعاتتىق جۇمىسقا بيولوگيالىق تۇردە بەيىمدەلگىڭىز كەلسە، بويعا تارالاتىن كورتيزولدى باقىلاۋعا الۋ كەرەك.

*سەروتونين — قان يممۋنيتەتىن قوزدىرۋشى مەدياتور.

*كورتيزول — سترەسس​ گورمونى.

- شەشىم ىزدەۋ. مۇنى جاساۋ قيىن، ءبىراق جولى بار. قانداي جاعداي بولماسىن، وعان ينجەنەرلىك پروبلەما تۇرعىسىنان قاراپ، ينجەنەرلىك شەشىمىن تابۋ قاجەت.

پروبلەمانى كەز كەلگەن ۋاقىتتا شەشۋ مەن سوڭعى ۋاقىتقا قالدىرۋ — ەكەۋى ەكى بولەك نارسە. ەكىنشى جاعدايدا كۇيزەلىسكە ءتۇسۋىڭىز، ۇرەيگە بوي الدىرۋىڭىز مۇمكىن.

ءاربىر تاپسىرمانى سارالاپ الىڭىز: كۇيزەلىسپەن ءتيىمدى تۇردە كۇرەسۋدى ۇيرەنىڭىز. ول ءۇشىن «ءاربىر تاپسىرمانى سارالاپ الىڭىز». قاراپايىم جاعدايدى ەلەستەتىپ كورىڭىز: ۇيدەن اۋە جايعا جول تارتتىڭىز دا، جول كەپتەلىسىنە ءتۇستىڭىز. اجەپتەۋىر مازاسىزدانا باستايسىز.  ال تاپسىرمانى سارالاعان بولساڭىز، بارلىعىن ەسەپكە الىپ، ۇيدەن ەرتەرەك شىعار ەدىڭىز دە ناقتى ۋاقىتىندا ۇلگەرەر ەدىڭىز. سترەسسكە دە تۇسپەيسىز.

- اشۋلانباڭىز، كۇيىپ-پىسپەڭىز: ەڭ ناتيجەلى ادامدار پروبلەماعا تاپ بولعاندا اشۋلانبايدى. ولار ونى تەز ارادا انىقتاپ، دۇرىس قورىتىندى شىعارىپ، شەشۋگە كىرىسەدى. ولاردىڭ كۇيزەلىسكە ءتۇسۋ دەڭگەيى تومەن قالپىندا قالادى، ولاي بولسا، مۇنداي ءادىس ادەتكە اينالادى.

- باسقالاردىڭ دا اشۋلانۋىنا، كۇيىپ-پىسۋىنە جول بەرمەڭىز: كوماندادا ءبىر ادام دۇرلىكسە، ول وزىمەن باسقالاردى دا ىلەستىرىپ الىپ كەتەدى. سترەسستىك جاعدايلاردا بايسالدى بولىپ قالۋ وتە ماڭىزدى. ەگەر فۋتبول كومانداسى بايسالدىلىعىن ساقتاي وتىرىپ، ءوز ارەكەتىن جاقسى ۇيلەستىرە السا، وندا ولار ماچتا از قۇراممەن دە جەڭىپ كەتە الادى. ەگەر ءبىر عانا ادام بارلىق كوماندانى ىرىتسە، ءسوزسىز جەڭىلىسكە ۇشىرايدى.

ۇزدىك كوماندالاردىڭ ۇزدىك ويىنشىلارى بايسالدىلىقتى ساقتاي وتىرىپ باسقالاردىڭ دا بايسالدىلى بولىپ قالۋىن قامتاماسسىز ەتەدى.

قىسقاسى: تارازىلاڭىز. ابىرجىماڭىز. ىسكە اسىرىڭىز. كۇيىپ-پىسپەڭىز.

يلون ماسكتىڭ ءوز فيرمالارىندا وتكىزەتىن ۋاقىتتارى.

ەكىنشى كەدەرگى: ەرگونوميكا

كۇنىنە 16 ساعات جۇمىس ىستەگەن كەزدە قاۋىپسىزدىك پەن ەرگونوميكادا دا، ءسوزسىز ساتسىزدىكتەر بولۋى مۇمكىن. يلون وسى ماسەلە بويىنشا ءوزىنىڭ ادىستەرىن اشپايدى، الايدى ولاردىڭ وندا بار ەكەندىگى بەلگىلى.

- كوبىرەك ءۇزىلىس جاساڭىز، قاجەتتى مولشەردە سۋ ءىشىڭىز، دۇرىس تاماقتانىڭىز، قولىڭىزعا تۇسكەننىڭ ءبارىن جەي بەرەمەڭىز.

- كۇنىنە ەڭ بولماعاندا 7 ساعات ۇيىقتاڭىز (يلوننىڭ ءوزى دە 6-6،5 ساعات ۇيىقتايتىن، الايدا كوبىرەك ۇيىقتاعىسى كەلەدى)، 15-30 مينۋتتى جاتتىعۋعا ارناڭىز.- وڭتايلى ارەكەتتەر جاساڭىز. مارافونداردى جاراسىمسىز اياق كيىممەن نەمەسە قاتە ادىممەن جۇگىرىپ ءوتۋ قيىن. الدىمەن سولاردى رەتتەپ الىڭىز، سودان كەيىن بارىسىن جوسپارلايسىز.

قىسقاسى: جاقسى كۇيدە بولىڭىز، دەمالىڭىز، جاتتىعۋ جاساڭىز.

ءۇشىنشى كەدەرگى: پسيحولوگيالىق 

بۇل كەدەرگى مىنانى بىلدىرەدى: وزىڭىزگە ۇناماعان جۇمىس الدىڭىزدان شىققاندا، جۇمىس جاساۋ وتە قيىن بولا باستايدى. بۇل كەدەرگىنى اينالىپ ءوتۋدىڭ ەشقانداي امالى جوق بولۋى مۇمكىن، ءبىراق جۇيەلى ءتاسىل پروبلەمانى دەر كەزىندە شەشۋگە كومەك بەرەدى.

يلوننىڭ فورمۋلاسى قاراپايىم: ءوز جۇمىسىڭدى جاقسى كور. ەگەر جۇمىس بارىسىنا كوڭىلىڭ تولماي، پروبلەمالارىڭنىڭ ۇشى-قيىرى كورىنبەسە، دەمەك بۇل جەردە بىردەڭە دۇرىس ەمەس جانە ونى وزگەرتۋ كەرەك.

- جۇمىسىڭدى وزىڭە ۇنامدى ەت: ەگەر جۇمىس جاعىمدى بولسا، ونى ۋاقىتىنا قاراماي شەكسىز ورىنداي بەرەر ەدىڭىز. كەز كەلگەنىمىز وزىنە ۇناعانىن ساعاتتاپ وتىرىپ جاساي بەرەدى — كينو كورۋ، سۋرەت سالۋ، دۇكەن ارالاۋ، ت.س.س...

- اۆتوماتتاندىر: جۇمىسىڭىز كوڭىلدى بولا ءتۇسۋى ءۇشىن، كوڭىلگە قونباعان ىستەردى جەڭىلدەتىپ، بۇل جۇمىستى كومپيۋتەرلىك باعدارلاماعا تاپسىرىڭىز.

- ۇيرەت جانە وكىلەتتىكتەردى تابىستا: كوبىنە تاپسىرمالار جينالىپ قالادى، الايدا كەيبىر ادامدار جەكەلەگەن مىندەتتەردى جاقسىراق شەشە الادى، سوندىقتان توپتا سىزگە قيىن بولعان ىستەردى ءوزىنىڭ موينىنا الاتىن ادام مىندەتتى تۇردە تابىلادى. تاپسىرمالاردى ءبولىپ، مىندەتتەمەلەرمەن الماسۋ - كوڭىلدى، ءارى پايدالى.

وزىڭە ءوزىڭ جاۋاپ بەرەسىڭ: باسشىڭ سەنىڭ جۇمىسىڭدى جاسامايدى. ارينە، ەگەر قالاسا جاساۋى دا مۇمكىن، ءبىراق جەمە-جەمگە كەلگەندە، سەن ءوز ماسەلەڭدى ءوزىڭ شەشىپ، ولارمەن ءوزىڭ كۇرەسۋگە ءتيىسسىڭ.

قىسقاسى: ءوز جۇمىسىڭدى جاقسى كور جانە ونى ءوزىڭ ءۇشىن ىڭعايىل ەتىپ جاسا

ءتورتىنشى كەدەرگى: زەرىگۋ

قانداي جۇمىس جاساپ جاتقانىڭىزعا جانە ونىڭ سىزگە قانشالىقتى ۇناۋىنا قاراماستان، تەك كۇردەلى تاپسىرمالاردى عانا ورىنداپ جاتساڭىز، ول ءسىزدى كەلەشكە ءبىر كۇنى جالىقتىرىپ جىبەرەرى ءسوزسىز.

يلون فورمۋلاسى: ءاردايىم سيگنال مەن گۇرىلدى اجىراتا ءبىل.

سيگنال مەن گۇرىل: سيگنال — ​نەگىزگى ماسەلە. گۇرىل — نەگىزگى ماسەلەنىڭ جەتەگىندە بولعان ۇنەمى شەشۋدى تالاپ ەتىپ تۇراتىن باسقا مىندەتتەمەلەر.

قىسقاسى: نازارىڭىزدى سيگنالعا شوعىرلاڭىز دا، گۇرىلدى تەز شەشىپ قۇتىلىڭىز.

بەسىنشى كەدەرگى: ءتۇپ-تامىرىنا دەيىن تالداۋ

شىندىق مىنادا، ادامداردىڭ باسىم بولىگى نۇسقاۋلىقتى تەرەڭىرەك زەرتتەمەيدى دە قيىندىقتارمەن بەتپە-بەت كەلەدى. ال ەڭ اقىلدىلار نۇسقاۋلىقتاردى ەگجەي-تەگجەيلى زەرتتەپ قانا قويماي، ولار ونى قۇراستىرادى. ءدال سول ادامدار پروبلەمانى قالاي شەشۋ كەرەك جانە ونىڭ ەڭ دۇرىس شەشۋ جولدارىن انىقتايدى. سوندىقتان ولار يلون ماسك سياقتى بولا باستايدى.

قىسقاسى: ۇنەمى ۇيرەنىڭىز، تەرەڭ ماعىنالى سۇراقتار قويىڭىز جانە دۇرىس شەشىمدەر ىزدەۋدە ايانباي ەڭبەك ەتىڭىزدەر.

---