ەڭسەلى ەل - ەلباسىمەن كورىكتى!
قازاقستان رەسپۋبليكاسىنىڭ تۇڭعىش پرەزيدەنتى كۇنىنە وراي 2020 جىلدىڭ 21 قاراشاسىندا ساعات 11.00 -دە ءال-فارابي اتىنداعى قازاق ۇلتتىق ۋنيۆەرسيتەتى تاريح، ارحەولوگيا جانە ەتنولوگيا فاكۋلتەتىنىڭ ستۋدەنتتەرىمەن(ۇيىمداستىرۋشى ت.ع.ك.، دوسەنت گ.ب. قوزعامبايەۆا) ونلاين فورماتىندا ەلباسىنىڭ سىنىپتاسى – قاراساي اۋداندىق ارداگەرلەر كەڭەسىنىڭ ءتوراعاسى ەدىگە يسات ۇلى جۇنىسبەكوۆ اعامىزبەن كەزدەسۋ ءوتتى.
2012 جىلى 1 جەلتوقسان قازاقستاندا العاش رەت – تۇڭعىش پرەزيدەنت كۇنى مەملەكەتتىك مەرەكە رەتىندە اتالىپ ءوتىپ، بۇل بارشامىز ءۇشىن قۋانىشتى وقيعا بولدى. ەلباسىنا دەگەن ەل قۇرمەتىن ايرىقشا ايعاقتاۋعا ارنالعان بۇل مەرەكەنىڭ داستۇرلىك ءىس - شاراعا اينالۋدا ورنى ەرەكشە. وسى ءىس-شارا اياسىندا، الماتى قالاسى اكىمدىگىنىڭ تاپسىرىسىمەن قازاقستان رەسپۋبليكاسى ۇلتتىق پەداگوگيكالىق اكادەمياسى مەن قازاق ۇلتتىق ۋنيۆەرسيتەتىنىڭ تاريح فاكۋلتەتى بىرلەسە وتىرىپ، قاراساي اۋدانىنىڭ قۇرمەتتى ازاماتى، قاراساي اۋداندىق ارداگەرلەر كەڭەسىنىڭ ءتوراعاسى، ەلباسىنىڭ سىنىپتاسى، دوسى ەدىگە يسات ۇلى جۇنىسبەكوۆ اعامىزبەن كەزدەسۋ ءوتتى. ءىس-شارا بارىسىندا ەدىگە اعامىز: "مەكتەپتە بىرگە وقىعان سىنىپتاستارى اراسىندا نۇرەكەڭ جاستايىنان دارالانىپ تۇراتىن، ەرەكشە بولدى، ول بىزدەن گورى الدەقايدا اقىلدى، سول ۋاقىتتىڭ وزىندە-اق بارلىق جاعىنان بيىك بولدى. بالا كەزىمىزدە بىر-بىرىمىزبەن توبەلەسىپ تە قالاتىن ۋاقىتتار بولدى. ال، نۇرەكەڭ ەشكىممەن ارازداسپايتىن، ەشكىمنەن ءبولىنىپ كەتپەيتىن جانە ساباق ۇلگەرىمى دە وتە جاقسى بولدى. ول مەكتەپ قابىرعاسىندا وقىپ جۇرگەن كەزدىڭ وزىندە-اق ونىڭ بويىنان كوشباسشىلىق جانە ۇيىمداستىرۋشىلىق قابىلەتى دارالانىپ تۇراتىن. قازاقستان رەسپۋبليكاسىنىڭ تۇڭعىش پرەزيدەنتى، ەلباسى - ن.ءا. نازاربايەۆتى ءبارىمىز دە ەڭ الدىمەن تاۋەلسىز ەلىمىزدىڭ باسىندا تۇرعان تۇعىرى بيىك تۇلعا رەتىندە بىلەمىز. رەسپۋبليكامىزدا ەلباسىمىز جەمىستى جەتەكشىلىك ەتكەن ۋاقىتتا قازاقستاندى بيىككە كوتەرىپ، دۇنيەجۇزىنە تانىتتى، وركەندەتتى، الەمدەگى مارتەبەسىن بيىكتەتىپ، ابىرويىن ارتتىردى. سارىارقانىڭ سايىن دالاسىنىڭ تورىنە اپارىپ ورنىقتىرعان ەلوردامىز، باس قالامىز - نۇر-سۇلتان قالاسىن تۇرعىزدى. ءبىزدىڭ اسا قىمباتتى ەلباسىمىزدىڭ تۋعان حالقى ءۇشىن ىستەگەن ىستەرى ەرەن، اتقارعان جۇمىستارى وراسان. تۇڭعىش پرەزيدەنتىمىزدىڭ الداعى ۋاقىتتا دا تۋعان ەلى ءۇشىن ايانباي ەڭبەك ەتە بەرەتىنى انىق»،- دەپ ءسوزىن قورىتىندىلادى. ءىس-شارا بارىسىندا ەدىگە اعامىز ەلباسىمەن بىرگە مەكتەپتە وقىعان، جاستىق شاق جىلدارى، ەڭبەك ەتكەن جولىن ستۋدەنتتەرگە اڭگىمەلەپ بەردى. ستۋدەنتتەر تاراپىنان قويىلعان سۇراقتارعا جاۋاپ بەردى.
ەدىگە يسات ۇلى ستۋدەنتتەرىمىزگە جاقسى وقىپ، ءبىلىم الۋعا بۇگىندە بارلىق جاعداي جاسالعانى تۋرالى ايتىپ، ساتتىلىك تىلەدى. كەزدەسۋدىڭ ۇلكەن تاربيەلىك ءمانى بولدى. ەلباسىنىڭ ەڭبەك جانە ءومىر جولىمەن تانىسقان ستۋدەنتتەر رۋحاني ازىق الىپ، ۇلكەن اسەرگە بولەندى.
ءال-فارابي اتىنداعى قازۇۋ قازاقستان تاريحى كافەدراسىنىڭ دوسەنتى، ت.ع.ك.، قوزعامبايەۆا گۇلنار بەستىباي قىزى
1 كۋرس ستۋدەنتى: نامازباي باقبەرگەن
You Might Also Like
-
قۇلجادا بالقاشقا ەرىپ «جۇڭگو بازاردى» ەكى اينالىپ شىققاندا مۇراتتىڭ ويىنا كەنەتتەن «نۇرلى بولاشاق» دەگەن ءسوز ساپ ەتە ءتۇستى. ول ارى ويلاندى، بەرى ويلاندى. سوندا دا وسى ءسوزدىڭ...
-
قانشايىمنىڭ قالاعا كەلگەنىنە التى اي. بالاسىن اۋىلداعى شەشەسىنىڭ قولىنا قالدىرىپ جۇمىسقا كىردى. شەشەسى الپىستان اسقان اق شاشتى جاسىندا مىنەزى ادۋىندى بولعان سوزشەڭ ادام.
