فيزيكا سالاسىنداعى نوبەل سىيلىعىنىڭ لاۋرەاتتارى جاريالاندى
5 قازاندا شۆەسيانىڭ كورولدىك عىلىم اكادەمياسى جانىنداعى نوبەل كوميتەتى فيزيكا سالاسىنداعى ءۇش عالىمعا «كۇردەلى فيزيكالىق جۇيەلەردى تۇسىنۋگە قوسقان ۇلەسى ءۇشىن» 2021 جىلعى نوبەل سىيلىعىن تابىستايتىنىن جاريالادى.
ستوكگولمدەگى ارنايى شارادا فيزيكادان نوبەل سىيلىعىنىڭ ءبىر بولىگى امەريكالىق عالىم سيۋكۋرو مانابە مەن كلاۋس حاسسەلمانگە «جەر كليماتىن فيزيكالىق مودەلدەۋ، وزگەرگىشتىكتى ساندىق باعالاۋ جانە جاھاندىق جىلىنۋدى سەنىمدى بولجاۋعا» قوسقان ۇلەسى ءۇشىن تابىس ەتىلدى. ال، قالعان بولىگى يتاليالىق عالىم دجوردجو پاريزيگە «اتومنان پلانەتارلىق ماسشتابقا دەيىنگى فيزيكالىق جۇيەلەردەگى تارتىپسىزدىك پەن اۋىتقۋلاردىڭ ءوزارا ارەكەتتەسۋىن اشقانى ءۇشىن» بەرىلدى.
ەسكە سالا كەتەيىك، 4 قازاننان باستاپ 2021 جىلعى نوبەل سىيلىعىنىڭ لاۋرەاتتارى جاريا ەتىلە باستادى. بيىل كوروناۆيرۋس پاندەمياسىنا بايلانىستى سىيلىق 10 جەلتوقسان كۇنى 10 ەلدە تابىستالادى. ماراپاتتاۋ ءراسىمى جىلدا ستوكگولمدە وتەتىن.
4 قازاندا مەديسينا بويىنشا 2021 جىلعى نوبەل سىيلىعىنىڭ لاۋرەاتتارى جاريالاندى.
You Might Also Like
-
ساعادات نۇرماعامبەتوۆ 1924 جىلى اقمولا وبلىسىنداعى الەكسەيەۆكا اۋدانىنىڭ «ترۋدوۆوە» سەلوسىندا شارۋا سەمياسىندا تۋعان. قازاق، كپسس مۇشەسى.
-
يسلام دىنىندەگى جيھاد ۇعىمى — يسلام ءدىنى تۋرالى ءسوز قوزعالعاندا، ويعا ورالاتىن ۇعىمداردىڭ ءبىرى. ونىڭ اياسى وتە اۋقىمدى بولعاندىقتان، ادامدار ونى تۇرلىشە ءتۇسىنىپ، ءمانىن سان-ساققا جۇگىرتەتىنى كو...
