ساقالتاي
ساقالتاي — ءبىزدىڭ ەڭ ءىرى جىرتقىش قۇستارىمىزدىڭ ءبىرى (قاناتتارىنىڭ قۇلاشى 3 مەترگە دەيىن، سالماعى 7-10 كگ) باسقا ءىرى جىرتقىش قۇستاردان قاناتىنىڭ ۇشىندا ساۋساق سياقتى تاربيعان قاۋىرسىندارى بار جالپاق قاناتىمەن، ۇزىن سىنا ءتارىزدى قۇيرىعىمەن ەرەكشەلەنەدى. ەرەسەك قۇس اقشىل ءتۇستى جانە باسىنىڭ ەكى شەتىندەگى قارا قاۋىرسىندارىن الىستان كورۋگە بولادى، وسىنىسى ءۇشىن «ساقالتاي» دەپ اتالعان. باسقا جىرتقىش قۇستار سياقتى، ساقالتاي دا ءجيى قالىقتايدى. وسى ۇشقان قۇسقا جاقىن جەردە بولساڭىز، ونىڭ قاناتتارىنىڭ قاۋىرسىندارى ەرەشكە شۋ شىعارادى. بۇل قۇس تۋرالى نەشەتۇرلى اڭىز بار. سونىڭ ءبىرى — ول تىك قۇزدان ءىر تۇياقتى قاعىپ قۇلاتىپ، سونان كەيىن ءقۇل-تالقانى شىققان ولەكسەمەن قورەكتەنەدى. جانە دە ول قوزىلاردى ۇرلايدى دەيدى، سوندىقتان ونى «قوزى قۇماي» دەپ تە اتايدى. ءبىراق وسى ادەمى اڭىزدىڭ ەشقايسىسىنىڭ دا ءىس جۇزىندە دالەلى جوق.
ساقالتاي ەڭ بيىك تاۋدى مەكەندەيدى. قازاقستاندا جوڭعار الاتاۋى مەن تيان-شان، ءالپى بەلدەۋىندە تىرشىلىك ەتەدى. ۇياسىن قول جەتپەس قۇزدارعا سالادى. ءبىر شۇبار جۇمىرتقاسىن انالىعى مەن اتالىعى كەزەكتەسىپ، ەكى ايدا باسىپ شىعارادى. سودان كەيىن ۇيادا 4 اي بالاپانىن اسىرايدى. ساقالتاي — وتە سيرەك كەزدەسەتىن قۇس. قىزىل كىتاپتىڭ بار ءتۇرىنىڭ تىزىمىنە ەنگىزىلگەن.
وقۋعا كەڭەس بەرەمىز:
قۇستار الەمىنىڭ بيتبوكسەرى - ليراقۇيرىق(ۆيدەو)
You Might Also Like
-
سوڭعى جىلدارى كىشكەنتاي بالالاردىڭ تەلەفون، كومپيۋتەر ويىندارىنا تاۋەلدى ەكەندىگى بارىمىزگە ءمالىم. تاۋەلدىلىكتى بىلاي العاندا، بالا شىن ءومىردى قابىلداي المايتىن جاعدايعا دا جەتىپ جاتىر. ويىند...
-
يسلام ءدىنىنىڭ تاريحى ياعني پايدا بولۋى ارابيانىڭ جەرگىلىكتى تۇرعىندارىنا جاتاتىن ارابتار اراسىندا قالىپتاستى. سەميتتىك حالىقتاردان ءوربيتىن ولاردىڭ تاريحى يبراھيم پايعامبارعا دەيىن جالعاسادى. بۇل تەك...
