عابيت مۇسىرەپوۆتىڭ تۋعانىنا 100 جىل
(ومىردەرەگى مەن شىعارمالارىنىڭ انىقتاماسى)
قۇراستىرۋشىلار: عالىم ءقادىرالى ۇلى، قايروللا مۇقانوۆ، سوسيال جۇمابايەۆ.
عابيت مۇسىرەپوۆتىڭ قوزى كورپەش — بايان سۇلۋ تۋىندىسى قازاق دراماتۋرگياسىنىڭ عانا ەمەس، بار قازاق ادەبيەتىنىڭ كوركەم شىعارما تۋعىزۋ جولىنداعى بيىك بەلەسىنىڭ ءبىرى.
مۇحتار اۋەزوۆ
مۇسىرەپوۆ بولسا قاشاندا تاڭداۋعا لايىق تۇلعا!
ءابدىجامىل نۇرپەيىسوۆ
عابيت مۇسىرەپوۆ — ارداقتى aت! مۇسىرەپوۆ تۋرالى مىڭ سوزدەن مۇسىرەپوۆ دەگەن ءبىر ءسوزدىڭ ماعىناسى الدەقايدا تەرەڭ، مازمۇنى الدەقايدا باي. دەمەك، مۇسىرەپوۆتى ماقتاۋدىڭ كەرەگى جوق. مۇسىرەپوۆپەن ماقتانۋ كەرەك!
زەينوللا قابدولوۆ
عابيت مۇسىرەپوۆ ءوزىن دە، وزگەنى دە قايتالامايدى.
تاكەن ءالىمقۇلوۆ
قازاق ءسوز زەرگەرلەرىنىڭ ىشىندە مۇسىرەپوۆتىڭ قايتالانباس جازۋشىلىق قولتاڭباسى ەرەكشە. ءستيلىنىڭ اسەمدىگى، دالدىگى، ءتىلىنىڭ نارلىلىگى، نازىك يۋمورى مەن اسا بايقامپازدىعى -بۇكىل ءبىر ۇرپاققا ۇلگى.
تاحاۋي احتانوۆ
مۇسىرەپوۆ قانداي جاڭا قۇبىلىستى، قانداي جاڭا ادامدى جازسىن مەيلى، ونىڭ تۇپ-توركىنىن حالىقتىڭ ءوز بويىنان تابادى؛ قانداي ورەلى پروبلەما كوتەرسىن مەيلى، حالىقتىڭ ءوز كوكىرەگىنەن ىزدەيدى.
ءابىش كەكىلبايەۆ
ونىڭ كىتاپتارى ناعىز دارىننىڭ قولتاڭباسىمەن جانە نازىك تالعامپازدىعىمەن ەرەكشەلەنەدى. ولار حالىق ومىرىنە، ينتەرناسيوناليزمگە شىنايى بويلاعان.
يۆان شۋحوۆ
ونىڭ كورىكتى سوزىندە وتتى، سەرپىندى رومانتيكا مەن عاجاپ رەاليزم ۇنەمى استارلاسىپ وتىرىپتى. سوندىقتان دا، ءبىز ونىڭ شىعارمالارىن قاشاندا ۇلكەن ولجاداي، قىمبات شاشۋداي قابىلداپ كەلەمىز .
ءابدىلدا تاجىبايەۆ
ءالى دە تالاي-تالاي زاماندار وتەدى. تالاي - تالاي تولقىندار كەزەكپەن اۋىسىپ، تالاي-تالاي ۇرپاقتار كەلەدى. سول كەزدە حالقىمىزدىڭ وسى ءبىر تۇستاعى بەل-بەلەسىنە ۇڭىلەر ادام بولسا، مۇسىرەپوۆ شىعارمالارىنا سوقپاي كەتە المايتىنى ايدان انىق-
سافۋان شايمەردەنوۆ
عابيت مۇسىرەپوۆ — ءبىزدىڭ سوۆەتتىك قازاق ادەبيەتىنىڭ تۋۋ، ءوسۋ، وركەندەۋ پروسەسىنىڭ بار كەزەڭىنە كۋا عانا بولىپ قويماي، ونىڭ بۇرىن بار، بۇرىن جوق سالالارىنىڭ ءبار- ءبارىسىن دامىتۋعا، باستاۋعا، تۋعىزۋعا قاتىناسقانىن، سونىڭ ەڭ كۇشتى قايراتكەرلەرىنىڭ ءبىرى، اۋەل باستان-اق سوعان اعا بولىپ تۋعان، باسشىسى بولىپ كەلە جاتقان كەمەل جازۋشى، كەڭ تىنىستى تالانت يەسى.
عافۋ قايىربەكوۆ
You Might Also Like
-
"كەشەگى وتكەن عابيدەن دوسقا: "ەندى ەكى جىل جۇرسەك جەتپەي مە؟! " دەگەنىم بار ەدى. سول مولشەرىم مولشەر بولدى. قوينى سۋىق قاسيەتتى قارا جەر قۇشاعىنا، مىنە، مەن دە كەتكەلى جاتىرمىن.
