گۇرجى پاديشاسى – گۋراندۋحت
XII عاسىردا گۇرجىستان پاتشاسى IV ءداۋىت سەلجۇق تۇرىكتەرى مەن پارسىلار شاپقىنشىلىعىنا، گۇرجىستاننىڭ بىرىگۋىنە قارسى ىشكى جاۋلار ارەكەتتەرىنە باتىل تۇردە تويتارىس بەردى. ەڭ قاتەرلىسى ىشكى جاۋلار ەدى. ويتكەنى «قورقىت اتا كىتابىندا» ايتىلعانداي، سىرتقى جاۋدان ىشكى جاۋدىڭ قاتەرى وراسان كۇشتى. ەڭ الدىمەن پاتشا تۋىستارى IV ءداۋىتتىڭ كوزىن جويىپ، ونىمەن قوسا بىرىگۋ يدەياسىنىڭ تامىرىنا بالتا شابۋ ءۇشىن ءتۇرلى ارانداتۋشىلىق ارەكەتتەرگە باردى. جاۋلارىنان تونگەن قاتەر بۇلتىن سەيىلتۋ ءۇشىن ءداۋىت پاتشا ايەلىنىڭ تۋىستارى — قىپشاقتاردان كومەك سۇراۋعا شەشىم قابىلدادى. IV ءداۋىتتىڭ جۇبايى گۋراندۋحت (تۋراندوت حانشايىم) قىپشاق حانى سارى حاننىڭ (شارۋكان) قىزى ەدى. ءداۋىت پاتشا حاننىڭ ۇلى اتراكتى وزىنە قىزمەتكە شاقىرادى. جاۋىنگەر وسەتيندەر قىپشاقتارمەن جاۋ ەدى. ءبىراق ءداۋىت پاتشا ولارمەن كەلىسىمگە كەلەدى. ءسويتىپ، وسەتيندەر ءوز جەرى ارقىلى گۇرجى پاتشاسىنىڭ جەكە كۇزەتىندەگى 5000 سالت اتتىنى جانە قىپشاقتىڭ 40 000 تاڭداۋلى اسكەرىن كەدەرگىسىز وتكىزەدى. ءداۋىت پاتشا قىپشاقتاردىڭ كومەگىمەن گۇرجى اقسۇيەكتەرىنىڭ ساعىن سىندىرىپ، گۇرجىستاندى ءبىر ەلگە بىرىكتىرىپ، سەلجۇق سۇلتاندارىنىڭ شاپقىنشىلىعىنا تويتارىس بەرەدى. وسىلايشا، ءبىر كەزەڭدە گۇرجىستان ءوزىنىڭ تاۋەلسىزدىگى ءۇشىن قىپشاقتاردىڭ اسكەري جاردەمى مەن قىپشاق حانىنىڭ قىزى گۋراندۋحتقا بورىشتى بولدى.
گۇرجى پاديشاسى — گۋراندۋحت جايلى لاقاپ ەۋروپاعا جەتىپ، يتالياندىق دراماتۋرگ كارلو گوسسي «تۋراندوت حانشايىم» پەساسىن جازدى. ونىڭ باستى كەيىپكەرى شىعىس حانشاسى — تۇران قىزى گۋراندۋحت ەدى.
گۋراندۋحت — قىپشاق بيلەۋشىسى سارى حاننىڭ قىزى، گۋرجىستان پاتشاسى IV ءداۋىتتىڭ جۇبايى ەدى.
You Might Also Like
-
جۇكتى ايەلدەردىڭ مىڭنان بىرىندە كەزدەسەتىن بۇيرەك اۋرۋىندا 40-50 پايىز جاعدايدا سارعايۋعا ۆيرۋستىق گەپاتيتتەر سەبەپشى بولادى. ولاردىڭ «ا»، «ۆ»، «د»، «ە&raqu...
