InfoHub Logo

1937 جىلدىڭ كۇزىندە گرۋزيا حالقىنىڭ ۇلى اقىنى شوتا رۋستاۆەليدىڭ تۋعانىنا 750 جىل تولۋى تويلاندى. وسى تويعا قازاقستان رەسپۋبليكاسىنان دا قوناقتار شاقىرىلىپ، ەڭ سىيلى قارت قوناق جامبىل اقىن باردى. جاكەڭ بۇل جولىندا بۇرىن جۇرمەگەن العىس جولىن ءجۇردى. قيىر جەرلەردى كەردى. اسىرەسە بۇرىنعى قيسسالاردا، ەرتەگىلەردە ايتاتىن قاپ تاۋىن — كاۆكاز تاۋىن كەردى. كاۆكازدا مەكەندەگەن تاۋ ەلىن، گرۋزيا ەلىن كورىپ، ايرىقشا تاماشالادى. ۇلى ءستاليندى ۇشىرعان ۇيانى كوردى.

وسى كەرگەن تاماشاسىن جامبىل ادەمى جىرىمەن سۋرەتتەپ، ايتىپ بەردى. جامبىلدىڭ كاۆكازعا ارناعان جىرى وسى جولعى العان اسەرىنەن، سۇيسىنگەن، قىزىققان جۇرەگىنەن شىعىپ ەدى. وسى ساپارىندا جاكەڭنىڭ قاسىندا بولعان جاس جازۋشىلار جاكەڭنىڭ كەيبىر ەلەۋلى سوزدەرىن، بولعان جەرلەرىن كۇندەلىك ەتىپ جازىپ تا وتىرعان.

جامبىل ءوزى دە وسى جولعى جۇرىسىندە كورگەن تاماشالارىن، قىزىققان، سۇيسىنگەن نارسەلەرىن اڭگىمە ەتىپ تە ايتىپ وتىرادى ەكەن. اسىرەسە گرۋزيا ەلىنىڭ كەلبەتتەرىن وتە جاقسى كورگەن: «ات ەرىندى، ەر مۇرىندى» دەگەن قازاق ەلىنىڭ ماقالىن ايتىپ: «ادامدارى قوشقار تۇمسىق، ەر كەلبەتتى ەكەن. ايەلدەرى اپپاق، كوزدەرى قاراقاتتاي، شاشتارى ءارى ۇزىن، ءارى قۇندىزداي قارا بولادى ەكەن. اتتەڭ، جاس كۇنىم بولمادى، ايتپەسە ءبىر قىزدى الىپ قاشسام دا اكەتەر ەدىم»، — دەپ قالجىڭ دا ايتقان.

---