InfoHub Logo

جامبىلدىڭ ۇساق-تۇيەك ولەڭدەرىنەن بولەك العاشقى اۋىزعا ىلىنگەن جەرى — سايقال دەگەن قىزبەن ايتىسقانى. بۇل قىزبەن جامبىل تالاس بويىندا كەزدەسەدى.سايقالدىڭ اتىن ەستىپ، جامبىل ءبىر تويدا ادەيى ىزدەپ بارادى. جامبىلدىڭ سول ەلگە كەلىپ وزىمەن كەزدەسۋگە ىزدەنىپ جۇرگەنىن ءبىلىپ، قىز دا ازىرلەنەدى.

قىز وتىرعان ۇيگە جامبىل باسا-كوكتەپ كىرىپ كەلەدى، قىز جامبىل ەكەنىن ءبىلىپ، جالاڭ اياق كوك ساۋىر كەبىستىڭ باسىن ءىلىپ وتىر ەكەن، كوسىلگەن اياعىن جيماي ولەڭدەتىپ قويا بەرىپتى.

«ءجىپ ايىل، قۇر قۇيىسقان، كيىز تەرلىك،
ياپىر-اۋ، ءبىر سونى ەلدى جاڭا كوردىك،
جيىلعان اقساقال مەن بوزبالالار،
قالايشا بۇل جامبىلعا جاۋاپ بەردىك؟»،

دەپتى.

جامبىل وتىرا بەرىپ:

«ارقانىڭ جارداي بولار سارى نارى،
كەتپەيدى الاتاۋدىڭ جازدا قارى.
ىستىككە شانىشقان سيراقتاي قۇپ-قۋ قىلماي،
قۋارتپاي تابانىڭدى تارتساڭشى ءارى!»، —

دەيدى. ەكەۋى كوپ ايتىسادى. اياعىندا قىز داراقى ادەپسىز ولەڭگە بارادى. ودان جامبىل دا ايانبايدى. ءبىر كەزەكتە قىز:

«ەي، جامبىل، كويلەگىم كوك، دامبالىم كوك،
كەل داعى، جاقسى كورسەڭ، ك.....ءدى ءوپ،
ءوپ دەگەنگە بۇل جامبىل ءولىپ كەتتى،
انىق ءوپسىن، قاراپ تۇر، جيىلعان كوپ»، —

دەپتى.

سوندا جامبىل:

«ەي، سايقال، كويلەگىڭ كوك، دامبالىڭ كوك،
ۇياتى جوق قىز ءسوزى كەلەدى تىك،
بۇرىن وپسە ك....ءدى اعاڭ ءوپسىن،
ءبىر جىرىققا ءبىر جىرىق كەلەدى ءدوپ».

دەيدى.

ويتكەنى قىزدىڭ اعاسى جىرىق ەكەن. قىزدىڭ اعاسى اشۋلانىپ، جانجال شىعارادى. قىز ءسوز ايتا الماي بوگەلىپ قالادى. قىز جەڭىلىپ، جامبىل جول الادى. جامبىلدىڭ اتاعى ەلگە جايىلىپ كەتەدى. بۇل ايتىستى ەل جاتتاپ اكەتەدى.

مۇنى ايتقان امانقۇل جولدىباي بالاسى — امانگەلدى كولحوزىندا، قازىردە جاسى الپىسقا كەلىپ قالعان ادام. بۇل كىسى: «شۋباي دەگەن كىسىنىڭ ايتقانىنان ۇقتىم، شۋباي ويىننان ولەڭ شىعاراتىن ادام ەدى»، — دەيدى.

---