جاڭاوزەندە دارىگەرلەر مەن مۇعالىمدەر جەتىسپەيدى
بۇل تۋرالى جاڭاوزەن قالاسىنىڭ اكىمى ەلۋباي ءابىلوۆ ماڭعىستاۋ وبلىسىنىڭ اكىمىمەن كەزدەسۋ بارىسىندا حابارلادى، دەپ جازادى tumba.kz.
ەلۋباي ءابىلوۆ وڭىرلەردى دامىتۋ باعدارلاماسىنىڭ اياسىندا 2015-2017 جىلدارى مونوقالالاردى دامىتۋدىڭ كەشەندى جوسپارى مەن 2012-2020 جىلدارعا ارنالعان الەۋمەتتىك-ەكونوميكالىق پروبلەمالاردى شەشۋ جوسپارى ءساتتى ىسكە اسىرىلىپ جاتقانىن اتاپ ءوتتى. 2016 جىلدىڭ قورىتىندىسى بويىنشا، مەكتەپكە دەيىنگى 3-6 جاستاعى بالالاردى وقىتىپ، تاربيەلەۋدى قامتۋ 72،23%-دى قۇرادى، وبلىس بويىنشا ورتاشا كورسەتكىش - 83،5%.
«جاڭاوزەن قالاسىندا №18 مەكتەپتە بالالار ءۇش اۋىسىمدا وقىسا، №19، 21 مەكتەپتەردە ءقاۋىپ بايقالاتىنىن حابارلادى. بيىل نۇرلى جول باعدارلاماسى بويىنشا 320 ورىندىق 3 ورتا مەكتەپتى سالۋ باستالدى. قۇرىلىس راۋان، راحات جانە اراي اۋداندارىندا ءجۇرىپ جاتىر. ياعني، 2018-2019 وقۋ جىلىندا 3 اۋىسىمدىق وقىتۋ بولمايدى. بۇعان رەسپۋبليكالىق بيۋدجەتتەن 4،3 ملرد. تەڭگە ءبولىندى»، - دەپ حابارلادى قالا اكىمى ە. ءابىلوۆ.
وبلىس اكىمى ەرالى توعجانوۆ ءۇش مەكتەپ قۇرىلىسىن 2018 جىلى ناۋرىزدا اياقتاۋدى تاپسىردى.
سونداي-اق، قالا مەكتەپتەرىندە پەداگوگيكالىق، مەديسينالىق ماماندار تاپشىلىعى ماسەلەسى كوتەرىلدى. قالا بويىنشا فيزيكا، ماتەماتيكا، ورىس ءتىلى، بيولوگيا پاندەرى بويىنشا 45 ءمۇعالىم جانە 60 دارىگەر جەتىسپەيدى.
-
بۇگىن تۇركى جۇرتىنىڭ رۋحاني استاناسى - تۇركىستان شاھارىندا «تۇركىستان جانە تۇركولوگيا» تاقىرىبىندا حالىقارالىق عىلىمي-تەوريالىق كونفەرەنسيا ءوتتى. تۇركولوگيانىڭ وزەكتى ماسەلەلەرى عىلىمي ...
-
بالانىڭ سويلەۋ ءتىلى تۋا بىتكەن پروسەسس ەمەس ەكەنىن كوپتەگەن اۆتورلار دالەلدەگەن. ول ونتوگەنەز بارىسىندا ادامنىڭ الەۋمەتتىك دامۋىمەن بايلانىستى. سويلەۋ ءتىلىنىڭ دامۋى ءميدىڭ ورتالىقتارىنىڭ جانە ولاردى...
