ءجانتاسىلىم
جارىقتىق جاقىندارىم-اي! قانشاما كوز كورىپ، جاقىن جۇرگەن زامانداستارىم «دۇنيە تىرشىلىگىنىڭ ۋ دا شۋ دۋمانى ۇزىلمەسىنشى» دەگەندەي، جارىق دۇنيەنىڭ ەسىگىن ىڭ-شىڭسىز اقىرىن عانا جاۋىپ، جوقتىققا جۇتىلىپ — كەتىپ جاتىر، كەتىپ جاتىر، كەتىپ جاتىر.
سول كىسىلەردىڭ بارىنشا قاراپايىم، ىزەتشىل، كەڭقولتىق، ءازىل-قالجىڭى ەگىز جۇرەتىن مىنەزىن، جاسىن تۇسكەندەي شاتىرلاعان اشۋىن كوز الدىڭا ەلەستەتسەڭ-اق كوڭىلىڭ، بەينە، كوشى كەتكەن جۇرتتاي قۇلازىپ قويا بەرەدى.
كەۋدەڭە ورنى تولماس وكىنىش سەزىمى تولادى.
شىركىن-اي، دەگىڭ كەلەدى سوندا!.. ەشكىمنىڭ كوڭىلىنە تيمەيىنشى... ەشكىمدى رەنجىتپەيىنشى... ...مىنا جارىق جالعاندا بۇگىن عوي كەۋدە كەرىپ، تاكاپپارسىپ جۇرسەك — تاعى ەرتەڭ جوقپىز عوي دەسىپ، كوسىلىپ وتىرىپ سىر شەرتكىڭ كەلەدى.
تەرەڭىرەك كۇرسىنىپ، تەرەڭىرەك تىنىستاعىڭ كەلەدى.
«كوڭىل قۇلپىن كوبىرەك اشايىقشى. جارىق جالعاننىڭ ەسىگىن اقىرىن-اقىرىن جابايىقشى» دەگىڭ كەلەدى. ۇلى ادامداردىڭ كوبىنىڭ ءجانتاسىلىم الدىنداعى، سوڭعى دەمى ۇزىلەر كەزدەگى جالعىز اۋىز ءسوزى: «ەسىك» بولىپتى. پۋشكين: «ەسىكتى جابىڭىز!» — دەپتى. ليەۆ تولستوي مەن ءمۇسىنشى ميكەلاندجەلو بۋونارروتتي: «ۇلكەن ەسىك...» — دەپ ءۇزىلىپتى.
You Might Also Like
-
Do in Rome as Romans do — ريمدىكتەر ءوزىن قالاي ۇستاسا — ريمدە ءوزىڭدى سەن دە سولاي ۇستا دەگەن دانالىق ءالى كۇنگە كۇشىن جويعان جوق.
-
قارىقبول تاقاۋدا ونعا شىققان. ساباق بىتكەن سوڭ يەن تاۋدا، شالعىندى جايلاۋدا وتىرعان ۇيىنە كەلگەن. اينالا قۇلاققا ۇرعان تاناداي تىم-تىرىس. كوكەسى قۇلىن بايلايدى، اپاسى بيە ساۋادى. ءبىر اي ءوتتى مە، ءوت...
