InfoHub Logo

1. ەسى اۋىسقاندار مەن اقىماقتارعا جول بەر.
2. ايەل قالاسا — جارتاستى جارىپ وتەدى.
3. كەتكىسى كەلگەنگە جارماسپا، ەسىك قاققاندى قۋما.
4. تەز دەگەن — باياۋ قيمىلداۋ، ءبىراق ءۇزىلىسسىز.
5. جاماننىڭ دوسى بولعانشا، جاقسىنىڭ جاۋى بول.
6. قاراپايىم ادامدار بولماسا، ۇلىلار دا بولماس ەدى.
7. بيىككە شىققىسى كەلىپ وزەۋرەگەن جان تۇبىندە وزىنە باسپالداق تابادى.
 8. ەرى مەن ايەلى قول مەن كوزدەي بولسىن: قول اۋىرعاندا كوز جىلايدى، كوز جىلاعاندا قول جاسىن سۇرتەدى.
9. كۇن جاقسىلاردى بىلمەيدى. كۇن جامانداردى دا تانىمايدى. كۇن بىرەۋدى جىلىتايىن دەمەيدى. ءوزىن تاپقان ادام كۇندەي جارقىرايدى.
10. تەڭىزدىڭ ۇلكەندىگى كىشكەنتاي وزەندەردى دە باۋىرىنا باساتىندىعىنان.
11. الىس جول دا جاقىننان باستالادى.
12. ىشكەن ادام شاراپتىڭ زيانىن بىلمەيدى؛ ىشپەگەن ونىڭ پايداسىن بىلمەيدى.
13. الداسپان ومىرىڭدە ءبىر رەت قانا كادەگە جارار بولسا دا ونى ءومىر-باقي ارقالاپ جۇرۋگە ءتيىسسىڭ.
14. ادەمى گۇل جاقسى جەمىس بەرمەيدى.
15. قايعىنى جىرتىق كويلەگىڭ سياقتى ۇيدە قالدىرىپ كەت.
16. ماحاببات بار جەردە وبانىڭ داقتارى دا بەتتىڭ شۇڭقىرىنداي ادەمى كورىنەدى.
17. ەشكىمدە توسەكتە جاتىپ سۇرىنبەيدى.
18. ءبىر اۋىز جىلى ءسوز ءۇش اي قىستا جاۋراتپاۋى مۇمكىن.
19. ەگەر تۇيتكىلدىڭ شەشىمى بار بولسا، ونى ۋايىمداۋدىڭ قاجەتى جوق. شەشىمى بولماسا، ونى ۋايىمداۋ بەكەر.
20. بۇتاقتىڭ سۋرەتىن سالعاندا جەلدىڭ تىنىسىن سەزە ءبىل.
21. ادامعا كۇدىك كەلتىرمەس بۇرىن جەتى رەت تەكسەر.
22. قولىڭنان كەلگەننىڭ ءبارىن ىستە، قالعانىن تاعدىرىڭا قالدىر.
23. تىم ادىلەتشىل بولۋ اقىماقتىقپەن شەكتەسەدى.
24. كۇلكىسى جارقىن ۇيگە ب ا ق قونادى.
25. قارسىلاسىنان جارتى ساعاتقا ۇزاقتاۋ توزگەن ادام جەڭەدى.
26. كەيدە ءبىر پاراق باتىپ كەتىپ، تاس ءجۇزىپ جۇرەدى.
27. كۇلىمسىرەپ تۇرعان جۇزگە جەبە وقتامايدى.
28. سۋىق شاي مەن سۋىق كۇرىشكە شىداۋعا بولار، ءبىراق سالقىن كوزقاراس پەن اۋىر سوزگە شىداۋ مۇمكىن ەمەس.
29. ون جاستا — دانىشپان، جيىرماسىندا — كەمەڭگەر، وتىزدان كەيىن — قاراپايىم ادام.
30. ويلانساڭ — شەشىم قابىلدا، شەشىم قابىلداعان سوڭ — ويلانبا.
31. سۇراۋ — ءبىر ساتتىك ۇيالۋ، بىلمەۋ — ومىرلىك ۇيات، سۇيەككە تاڭبا.
32. ءمىنسىز قۇمىرانى ەشقاشان ناشار شەبەر جاسامايدى.
33. تىزەم بۇگىلدى دەپ قورىقپا، تىكتەلۋىڭ وڭاي بولادى.
34. تەرەڭ وزەندەر ءۇنسىز اعادى.
35. ەگەر جولعا ءوز ەركىڭمەن شىقساڭ، وندا مىڭ شاقىرىمدا بىرەۋدەي-اق بولادى.

اۋدارعان شىنار ءابىلدا

---