مىنا سوزدەردى ايتۋدى ادەتكە اينالدىرىڭىز
كوڭىل قۇلازىعان ساتتە اينالامىزدى قارا تۇنەك قاپتاعانداي كۇي كەشەمىز. ارمان-ماقساتتارىمىزدىڭ كۇيرەگەنىن سەزىنەتىنىمىز حاق. ەگەر كۇندەلىكتى جانىڭىزعا جىلۋ سىيلايتىن سوزدەردى ايتۋدى جيىلەتسەڭىز، ءوز جولىڭىزدى ايقىنداي الاسىز.
1. مەن باقىتتىمىن!
باقىت - تەك قانا بايلىق ەمەس، باقىت-جاقسىلىققا كەنەلۋ، بويىڭىزدى قۇندىلىقتارمەن تولىقتىرۋ.
2. مەن ءار كۇنىمە شۇكىرشىلىك ايتامىن جانە جاراتۋشىنىڭ قۇدىرەتىن ۇعىنا الامىن.
قيىندىقپەن كۇرەسۋگە جىگەرىڭىز جەتپەي مە؟
اۋىرتپالىققا قارسى تۇرا المايسىز با؟
كۇللى عالامدى التى-اق كۇندە جاراتقان اللاھتان پانا سۇراڭىز!
كوڭىلىڭىز تاسىپ، ەرەكشە سەزىم كەشىرەر بولساڭىز، شۇكىر ەتىڭىز. جاراتۋشىنىڭ :"شۇكىر ەتسەڭدەر-ارتتىرا بەرەمىن" دەگەن ءسوزىن ەستەن شىعارماڭىز.
3. "مەنىڭ قولىمنان ءبارى كەلەدى"
بۇل ءسوز شىنىندا دا بيىككە باستايدى، تاعدىر سىناقتارىمەن كۇرەسۋىڭىزگە كومەگىن بەرەدى. ەگەر ءسىز شىن جۇرەگىڭىزبەن ماقساتىڭىزدىڭ جۇزەگە اسۋىنا سەنبەيتىن بولساڭىز، ەڭبەگىڭىز دالادا قالادى. ويىڭىز بەن كوزقاراسىڭىزدى وزگەرتۋگە تىرىسىڭىز.
4. "مەنى وردەن يتەرۋ مۇمكىن ەمەس!"
قازاق حالقىندا "ارەكەت تۇبى-بەرەكەت" دەگەن عيبراتتى ناقىل بار. ارمانىڭىزدى ءومىرىڭىزدىڭ ءبىر بولشەگىنە اينالدىرىڭىز. مەيلى، وزگەلەر ءتۇرلى توسقاۋىلدار قويىپ، جولىڭىزدى بوگەسە دە-ارمانىڭىزدان تايماڭىز. نەگاتيۆ ويلاۋشىلار-حالىق اراسىنا سىڭگەن جەگى قۇرت سەكىلدى. ولاردىڭ جاعىمسىز ارەكەتتەرىنە كوڭىل اۋدارماڭىز.
5. "مەن ارەكەت ەتەمىن. سىناقتاردى جەڭەمىن"
ومىرىمىزدەگى ەڭ باستى پوزيسيا وسى! سىناقتار- ءجاي عانا شىڭعا شىعۋداعى كەدەرگى. ويلانىپ كورىڭىزشى، سىناقتارسىز-عۇمىرىمىزعا تاجىريبە جيناقتاپ، قيىندىققا تاپ بولعاندا ءوزىمىزدى قايراي المايمىز.
ءسىز ءوز ءومىرىڭىزدىڭ قۇراۋشىسىسىز! سول سەبەپتى ءار كۇنىڭىزدى اسەمدەڭىز.
ارۋجان ساميدين
You Might Also Like
-
«قازان» كۇيىنە قاتىستى ەل ىشىندە مىناداي ءبىر ءسوز بار. ىقىلاس ءوز كىندىگىنەن تۇسىپبەك، ماقۇلباي، اقىنباي دەگەن ءۇش ۇل كورگەن. ۇشەۋى دە اكە ونەرىن شاشاۋ شىعارماي، بويلارىنا دارىتقان قوبىزشى...
-
قىمباتتى جاس جۇبايلار! سىزدەردى زاڭدى نەكەلەرىڭىزبەن قۇتتىقتايمىز! شىن جۇرەكتەن ماحابباتتى ماڭگىگە ساقتاۋلارىڭىزدى تىلەيمىز! بۇگىنگى كۇن - سىزدەردىڭ ومىرلەرىڭىزدەگى ەڭ باقىتتى كۇن. "ۇيلەنۋ وڭا...
