InfoHub Logo

ەلىمىزدىڭ قوعامدىق — ەكونوميكالىق، ساياسي، مادەني دامۋىنا ۇلەس قوساتىن، الەمدىك وركەنيەتكە كوتەرىلەتىن ءبىلىمدى دە مادەنيەتتى، دەنساۋلىعى مىقتى، پاراساتتى ازامات تاربيەلەپ شىعارۋ — مەكتەپتىڭ، ۇستازدار قاۋىمىنىڭ بۇگىنگى تاڭداعى باعا جەتپەس مىندەتى. بالا كەزىمنەن ۇستازدىققا قىزىعۋشىلىق تانىتىپ، وسە كەلە ارمانعا اينالدى. جەتەكشىمنىڭ  بىلىكتىلىگىنە  قىزىققان مەن قازاق ءتىلى مەن ادەبيەتى ماماندىعىن تاڭدادىم. وسى جولدا وسكەلەڭ ۇرپاقتىڭ دامۋىنا ۇلەسىمدى قوسۋ مىندەتىم دەپ بىلەمىن. جەكە تۇلعانى دايارلاۋ ءۇشىن ءار وقۋشىنىڭ قابىلەتىن تانىپ، ءبىلىپ، دامىتىپ، شىڭداپ، جول سىلتەپ، بولاشاققا جەتەلەۋ كەرەك. جەكە ادامدى قالىپتاستىرۋ ءۇشىن نە كەرەك؟ ول ءۇشىن وقىتۋدىڭ مازمۇنىن جاڭارتاتىن جاڭاشىل، ىزدەنىمپاز، شىعارماشىل ۇستاز كەرەك. جەكە تۇلعالىقتىڭ ءمانى ونىڭ قاجەتتىلىگى مەن قىزىعۋشىلىعىن قاناعاتتاندىرۋعا، بالانىڭ وزىنە ءتان تۇلعالىق ساپالارى، ءمۇعالىم مەن وقۋشى اراسىنداعى وزىندىك قارىم-قاتىناستى قالىپتاستىرۋدى ۇستازدىق مىندەتىم دەپ بىلەمىن.  ال، تۇلعانىڭ قالىپتاسۋىنا قاجەتتى باستى قۇرال – ءتىل. بۇگىنگى تاڭدا وقۋشىلاردىڭ اۋىزەكى سويلەۋ ءتىلىن، ءتىل مادەنيەتىن ارتتىرۋ مەن دامىتۋ، ءۇشتىلدى قاتار مەڭگەرتۋ، ساپالى ءبىلىم بەرۋ ، الدىمدا تۇرعان باستى مىندەتتەردىڭ ءبىرى.    وقۋشىلاردىڭ اۋىزەكى سويلەۋ ءتىلىن دامىتۋعا ديالوگتىڭ ماڭىزى وتە زور.  ديالوگتىك وقىتۋ ءمۇعالىم - وقۋشى، وقۋشى مەن وقۋشى اراسىنداعى قارىم-قاتىناستى رەتتەپ وتىراتىن سويلەسۋ قۇرالى دەپ بىلەمىن. ساباق  بارىسىندا ديالوگتىك وقىتۋدى پايدالانۋ ارقىلى وقۋشىلاردىڭ قىزىعۋشىلىقتارىن ارتتىرىپ قانا قويماي، ولاردىڭ ءبىلىم دەڭگەيىنىڭ وسۋىنە، سويلەۋ ءتىلىنىڭ دامۋىنا وراسان زور ۇلەس قوساتىنى ءسوزسىز. سونىڭ ىشىندە قازاق ءتىلى ساباعىندا ديالوگ ءار ساباقتا كەزدەسىپ وتىرادى.  ساباقتا ءتيىمدى ادىس-تاسىلدەردى جان-جاقتى پايدالانىپ، وتىرامىن. شاكىرتتەرىمنىڭ ءتىل مەڭگەرۋىنە نەمقۇرايلى قاراماي، ۇشتىلدىكتى ءار ساباعىمدا ديالوگقا قوسىپ قولدانۋدامىن. ءاربىر ۇستازدىڭ باستى ماقساتى وقۋشىسىنىڭ جەتىستىككە جەتۋى. ەلباسىمىزدىڭ جولداۋىندا ايتىلعانداي سانالى، ءبىلىمدى ۇرپاقتى دامىتۋدا ايانباي ەڭبەك ەتۋ مىندەتىمىز. «ۇستازدىق ەتكەن جالىقپاس، ۇيرەتۋدەن بالاعا»-دەمەكشى جاس ۇرپاقتىڭ بولاشاعى ءبىزدىڭ قولىمىزدا. ۇستاز جولىندا ايانباي ەڭبەك ەتۋ، مىندەتىم دەپ بىلەمىن.

 

---