جاتىردىڭ قاتەرسىز ىسىگى
ايەل جىنىس مۇشەلەرىنىڭ قاتەرسىز جانە قاتەرلى ىسىكتەرىنىڭ ىشىندە ەڭ ءجيى كەزدەسەتىنى — جاتىر ىسىگى (80%-عا دەيىن). انالىق بەز (15-16%)، سىرتقى جىنىس مۇشەلەرىنىڭ جانە قىناپ (2-4%) ىسىكتەرى سيرەگىرەك كەزدەسەدى.
ايەل جىنىس مۇشەلەرىنىڭ قاتەرسىز ىسىكتەرى ىشىندە ءجيى كەزدەسەتىنى — جاتىر ميوماسى. بۇل ءبىرىڭعاي سالالى بۇلشىق ەتتەن داميتىن ىسىك. 30-50 جاس ارالىعىنداعى گينەكولوگيالىق سىرقاتى بار ايەلدەر اراسىندا ميوما 8-14%. ىسىكتىڭ گورمونعا تاۋەلدى ەكەنى بەلگىلى. جاتىر ميوماسى بار ناۋقاس ايەلدەردە فولليكۋلداۋشى گورمون سەكرەسياسى جوعارىلاعان، ليۋتەيندەۋشى گورمون ءتۇزىلۋى تومەندەگەن، ەتەككىر اينالىمىنىڭ سارى دەنە فازاسى قىسقارعان جانە گيپەرەستروگەنەميا بايقالادى. قازىرگى كەزدەگى جىكتەلۋى بويىنشا جاتىر ميوماسى سۋبلەۋكوزدى، ينترامۋرولدى جانە سۋبسەروزدى دەپ بولىنەدى. ىسىك تۇيىندەرى جاتىردى دەفورماسيالاۋى مۇمكىن، جاقىن جاتقان مۇشەلەرمەن (نەسەپاعار، قۋىق، كىشى جامباس قان تامىرلارى) فيزيولوگيالىق بايلانىسىن بۇزادى.
كلينيكاسى
جاتىر ميوماسىنىڭ كلينيكالىق كورىنىسىندە نەگىزگى جانە ەڭ ەرتە بايقالاتىن بەلگىسى — قان كەتۋ. گيپەرپوليمەنورەيا نەمەسە مەترورراگيا تۇرىندەگى جاتىردان قان كەتۋ ناۋقاس ايەلدەردىڭ 40-45%-دا كەزدەسەدى.
ءاربىر ەكىنشى قان كەتۋى بار ناۋقاس ايەلدەردە ەكىنشىلىك پوستگەمورروگيالىق قانازدىق بايقالادى. 18-20%-دا اۋىرسىنۋ سيندرومى، 12-15%-دا كومەي اس زالال قىزمەتىنىڭ بۇزىلۋى انىقتالادى. 30% جاعدايدا ناۋقاس ايەلدەر ەشقانداي شاعىم ايتپايدى، ىسىك تەك پروفيلاكتيكالىق تەكسەرۋ كەزىندە عانا انىقتالادى. ناقتامالاۋ كلينيكالىق كورىنىستەرى مەن ارنايى گينەكولوگيالىق تەكسەرۋلەرگە نەگىزدەلەدى. سۋبلۋكوزدى ميوماتوزدى ءتۇيىندى انىقتاۋ ءۇشىن قوسىمشا زەرتتەۋ ادىستەرى قولدانىلادى — گيستەروسالپينگوگرافيا جانە گيستەروسكوپيا.
ەمى
جاتىر ميوماسىنىڭ ەمى كلينيكالىق كورىنىسىنىڭ ايقىندىلىعىنا، تۇيىندەردىڭ ورنالاسۋىنا، ىسىك كولەمىنە جانە ناۋقاس ايەلدىڭ جاسىنا بايلانىستى. شۇعىل وتاعا كورسەتكىش: تۇيىندەردىڭ قىسىلىپ قالۋى، نەكروزى، سۋبمۋكوزدى ميومانىڭ پايدا بولۋى، ەكىنشىلىك وتانىڭ انىق بولۋىمەن جۇرەتىن شامادان تىس قان كەتۋلەر، ميومانىڭ ينفيسەكسيالانۋى، كىشى جانە ۇلكەن دارەتكە وتىرۋدىڭ ايقىن بۇزىلىستارى، ىسىكتىڭ قاتەرلى ىسىككە اينالۋ كۇدىگى. ۇلكەن كولەمدى سۋبمۋكوزدى ورنالاسقان ىسىكتەردە (جۇكتىلىكتىڭ 14-15 اپتاسى جانە ودان كوپ) ءارقاشاندا جەدەل ەم تاعايىندالادى. ال كولەمى كىشى سۋبسەروزدى جانە ينترومۋرالدى ورنالاسقان ىسىكتەردە، كلينيكاسى ايقىن بولماعان جاعدايدا كۇتۋ شارالارى (توقسانىنا 1 رەت قارالۋ) قولدانىلادى. سەبەبى مەنوپاۋزا كەزىندە ىسىكتىڭ ءوسۋى توقتاپ، كەرى داميدى. جاتىر ميوماسى كەزىندەگى كونسەرۆاتيۆتى ەم كەڭ تارالماعان. اندروگەنمەن ەمدەۋ ايقىن ناتيجە بەرمەيدى، ال ساۋلەلى كاستراسيا قازىرگى كەزدە قولدانىلمايدى.
ر. دەگەنبايەۆا، اكۋشەر-گينەكولوگ
You Might Also Like
-
جەتىسۋدى العاننان بەرى ورىستىڭ وكىمى كۇشكە تايانىپ، اسكەر، قامشى، اباقتىمەن ەل بيلەپ كەلە جاتقاندىعى ايتىلىپ كەلەدى. قالاي دا ورىس وكىمەتى جەتىسۋعا ورىس كەلتىرىپ، ونى «سەنىمسىز كوشپەلىگە»...
