جازۋشىلارمەن اڭگىمە
جاقىندا «وكتيابر بالالارى» گازەتىنىڭ كوللەكتيۆى جاس اقىن-جازۋشىلارمەن اڭگىمە جاسادى. وعان قازاقستان جازۋشىلارى II سەزىنىڭ دەلەگاتتارى جانە وبلىستاردان كەلگەن اقىن-جازۋشىلار قاتىستى. وردەندى اقىن - جازۋشىلار — اسقار توقماعامبەتوۆ، ءالجاپپار ابىشيەۆ جولداستار بولدى.
اڭگىمە ەكىنشى سەزدىڭ قاۋلىسىنا سايكەس قازاقستاندا بالالار ادەبيەتىن وركەندەتىپ، بالالاردىڭ تىلەگىنە ساي شىعارمالار بەرۋ جونىندە بولدى.
بۇل جونىندە ءبىراز جولداستار ەزدەرىنىڭ ۇسىنىستارىن بەردى.
گۋريەۆ وبلىسىنان كەلگەن وكىل تىلەكوۆ جاردەم جولداس: اۋدان، وبلىستارداعى ادەبيەت كرۋجوگىنىڭ جۇمىستارى تۋرالى ايتتى. ادەبيەت كرۋجوكتارىنا ۇلكەن كومەك كەرەك ەكەنىن جاس ادەبيەتشىلەردى تاربيەلەۋدە ولارمەن تىعىز بايلانىس جاساپ، جاس ادەبيەتشىلەردىڭ تۆورچەستۆولىق وسۋىنە كۇنبە-كۇن جاردەمدەسىپ وتىرۋعا ۇسىنىس جاسادى.
قاراعاندى وبلىسىنان كەلگەن قۇلبايەۆ جولداس: كرۋجوكتاردا جاس اۆتورلارعا كومەك بەرۋدە، ولاردى ادەبيەت تەورياسىمەن قارۋلاندىرۋدا «وكتيابر بالالارى» گازەتىنىڭ بەتىندە اۆتورلارعا كونسۋلتاسيالار بەرىپ وتىرۋدى ايتتى. اسىرەسە كوركەم ادەبيەتتىڭ تەوريالارىمەن، ونىڭ ىشىندە باستى جانرلارى: پروزا، پوەزيا، پەسالاردىڭ ءتۇرلى سالالارىن تانىستىرۋدى «وكتيابر بالالارى» گازەتى تاجىريبە جۇزىندە قولعا الۋ كەرەكتىگىن، جاس اۆتورلارعا، جاڭا جازا باستاعان پيونەر مەكتەپ وقۋشىلارىنا ۇلكەن كۇش ەكەندىگىن ۇسىنىس ەتىپ ەنگىزدى.
شىعىس قازاقستاننان كەلگەن جاس اقىن ءسادۋ ماشاقوۆ جولداس گازەت بەتىندە ساپالى اڭگىمەلەردىڭ، ولەڭدەردىڭ باسىلۋىنا زەر سالۋ جونىندە كەيبىر گازەتتە باسىلاتىن شىعارمالاردىڭ ءتىل جاعىنان، سيۋجەت جاعىنان اقساپ جاتاتىندىعىنا توقتالا كەلىپ، جاستاردىڭ قىزىقتى ءتىلى، كوركەم سيۋجەتى باي شىعارمالار جازىلۋىنا كومەك رەتىندە گازەت ارقىلى كلاسسيكتەردىڭ شىعارمالارىمەن جانە سوۆەت اقىن-جازۋشىلارىمەن تانىستىرۋدىڭ قاجەتتىگىن اڭگىمەلەدى.
سونىمەن بىرگە جاس تالانتتاردى وزدەرىنىڭ شىعارمالارى ارقىلى كوپشىلىككە تانىستىرۋدى، ولاردىڭ شىعارمالارىن گازەتتە باستىرۋ جونىندە قاداعالاپ وتىرۋدى گازەت كوللەكتيۆى ەسىنە الۋ كەرەك دەدى.
وڭتۇستىك قازاقستاننان كەلگەن مالقاروۆ جولداس جاڭا جازا باستاعان جاستارعا كونسۋلتاسيانىڭ كەرەك ەكەنىن، ولارعا ۇزبەي كەڭەس بەرىپ وتىرۋدى، ولاردىڭ تۆورچەستۆولىق ءوسۋ جولىندا گازەتتىڭ ينيسياتور بولۋىنا توقتالدى.
وردەندى اقىن اسقار توقماعامبەتوۆ قازاقستاندا قاۋلاپ ءوسىپ كەلە جاتقان جاس بوبەكتەردىڭ تىلەگىنە سان شىعارمالار بەرۋدى ايتتى.
اسقار جولداس جاس بالالاردى تاربيەلەۋدە ولارعا تۇسىنىكتى، وزدەرىنىڭ تىلىمەن جازىلعان ادەمى، قىزىق شىعارمالار بەرۋدى قولعا الۋ كەرەك، ولاردى قولداپ ەسكى مۇرالارمەن تۋىسقان رەسپۋبليكالاردىڭ مادەنيەتىمەن تانىستىرۋدى قولعا الۋ ءارقايسىمىزدىڭ مىندەتىمىز بولسىن دەدى.
پيونەر اقىنى، جاس ءتىلشىمىز — قاپان احمەتقالييەۆ ءوزىنىڭ سويلەگەن سوزىندە اۋدانداعى جاس تالانتتاردى تۆورچەستۆو جاعىنان تاربيەلەپ وسىرۋدە، ولارمەن ۇزبەي بايلانىس جاساۋدا «پيونەر» جۋرنالىنىڭ وبلىس، اۋدان جاستارىنان قول ءۇزىپ كەتكەندىگىن ايتتى. تەك وندا رەداكسيانىڭ ماڭايىنداعى، الماتىداعىلاردىڭ عانا شىعارمالارىمەن شۇعىلدانىپ قويماي، بارلىق وبلىسقا كوڭىل اۋدارۋدى، تىلشىلەردى كوبەيتىپ ءوز وقۋشىلارىنىڭ تىلەگىنە ساي جۇمىس ىستەۋدى ايتتى.
جوعارىداعى پيونەر جۋرنالىنا ايتقان جاعدايدى «وكتيابر بالالارى» گازەتى دە ەسكە الۋى كەرەك دەدى.
كومسومول باسپاسىنىڭ ديرەكتورى تابۋنوۆ جولداس شاما كەلگەنشە جاستارعا جاردەمدەسەتىندىكتەرىن، ولاردىڭ شىعارمالارىنان كومسومول باسپاسىنىن كۇشىمەن جيناق شىعارۋ جونىندە، اسىرەسە بالالار تۆورچەستۆوسىنا بالالار ءۇشىن جاسالاتىن شىعارمالارعا نازار سالىپ، جۇمىس ىستەۋدى ۇسىندى.
«وكتيابر بالالارى» گازەتىنىڭ كوللەكتيۆى پيونەرلەر مەن مەكتەپ وقۋشىلارىنىڭ تىلەگىنە سايكەس كوركەم ءتىلدى، تەرەڭ سيۋجەتتى اڭگىمەلەر، قىزىق پوەمالار، ەرتەگىلەر، ساپتا جۇرگەندە انگە قوسىپ ايتاتىن جاقسى ولەڭدەر جازۋدى اقىن-جازۋشىلارعا ۇسىنىس ەتىپ قويدى.
جانە اقىن-جازۋشىلاردىڭ شىعارمالارىن ءوزىنىڭ ەڭ جاقسى ەڭ جاس وقۋشىلارى پيونەرلەر مەن مەكتەپ وقۋشىلارىنا جەتكىزىپ، ولارعا تاراتىپ وتىرۋدا «وكتيابر بالالارى» گازەتىنىڭ كوللەكتيۆى ءارقاشان دا دايىن ەكەندىگىن ءبىلدىردى.
سونىمەن قاتار، ءبىزدىڭ اقىندارىمىزدىڭ، جازۋشىلارىمىزدىڭ «وكتيابر بالالارى» گازەتىنىڭ اۆتورى بولۋداعى مىندەتى، وتانىمىز تۋرالى، پارتيا تۋرالى، حالقىمىز تۋرالى، تاريحي وقيعالار تۋرالى جانە حالىق مۇرالارى تۋرالى بالالار كوپشىلىگىنە تۇسىنىكتى تىلمەن، قىزىقتى ەتىپ جەتكىزىپ بەرۋ كەرەك دەلىندى.
بۇل ايتىلعان ۇسىنىستاردى اقىن-جازۋشىلار قۋانىشپەن قارسى الدى. كەلەشەكتە «وكتيابر بالالارى» گازەتىمەن تىعىز بايلانىس جاساپ تۇرماق بولدى.
وكتيابر بالالارى»
1939 ج. 12 يۋل، № 50.
You Might Also Like
-
ۇلى اقىل يەسى دانىشپان اقىن الەكساندر سەرگەيەۆيچ پۋشكيننىڭ ءومىر ءسۇرىپ، قايتىس بولعانىنا ءبىر عاسىردان اسا ۋاقىت ەتتى. ءبىراق ۇلى اقىن پۋشكيننىڭ قالدىرعان تاماشا ادەبي مۇرالارى الدەنەشە عاسىرلار بويى ح...
