InfoHub Logo

بالا كەزىمدە ارمانىمدا شەك بولماۋشى ەدى. كورگەن دە،  كورمەگەن دە نارسەمدى ارمانداۋشى ەدىم. وسە كەلە، اقىل-ويىم تولىسىپ، ءومىردى شىنايى بەينەسىندە قابىلداي باستاعاندىقتان، ارمانىمنىڭ باعىتى دا وزگەردى. مەنىڭ ارمانىم - جۋرناليست بولۋ.

ەلباسىمىز ن.ءا.نازاربايەۆ: «جارقىن بولاشاق-جاستاردىڭ قولىندا» دەگەندەي ءبىزدىڭ بولاشاعىمىز ءوز قولىمىزدا. «سەن دە ءبىر كىرپىش دۇنيەگە،كەتىگىن تاپ تا بار قالان»، - دەپ حالقىمىزدىڭ ۇلى اقىنى،ويشىلى، قارا ءسوزدىڭ قاس شەبەرى اباي قۇنانبايەۆ اتامىز ايتىپ كەتكەندەي، كەز كەلگەن ادام «ءومىر» اتتى دۇنيەنىڭ تابالدىرىعىن اتتاعاننان كەيىن ءوز ورنىن تابۋعا تىرىسادى، ياعني وسەدى، ونەدى، «ەڭبەكپەن تاپقان نان ءتاتتى» دەمەكشى، قالاعان ماماندىقتارىنىڭ قىزىعىن كورەدى. 

ماماندىق تاڭداۋ – ادامنىڭ جاس شاعىندا قابىلدايتىن ەڭ ماڭىزدى شەشىمدەرىنىڭ ءبىرى. بالا كۇندەرىمنەن باستاپ،  تەلەديداردان سويلەپ جاتقان اعا - اپكەلەرىمنەن ۇلگى الىپ، ولاردىڭ سويلەۋ مانەرىنە عاشىق بولدىم. ەسەيە كەلە، بۇل ارمان- العا قويعان ماقساتقا اينالدى. جۋرناليست – قاراپايىم حالىق پەن جوعارعى بيلىك اراسىنداعى التىن كوپىر. تارازىنىڭ باسىن تەڭ ۇستاي الار تۇلعا، ول- جۋرناليست. ءجۋرناليستتىڭ ويى ۇشقىر، كەز كەلگەن جاعدايعا دايىن، ءتوزىمدى بولۋ ءتيىس. اقپارات كوزى قايدا بولسا، سول اقپاراتتى ءبىرىنشى بولىپ حالىققا جەتكىزۋدىڭ جولدارىن قاراستىرۋ كەرەك.

مىنە، مەندە بيىل 11-سىنىپتى بىتىرگەلى وتىرمىن. مەن بولاشاقتا ناعىز جۋرناليست بولعىم كەلەدى. حالىقپەن بىرگە تىنىستاپ، ەلىمىزدە بولىپ جاتقان جاڭالىقتىڭ جارشىسىنا اينالۋدى ارماندايمىن. مەنىڭ ويىمشا، بۇل ماماندىقتىڭ قىر-سىرى وتە كوپ. بۇل ماماندىق ادەبي ءتىلدى، ساۋاتتىلىقتى قاجەت ەتەدى دەپ تۇسىنەمىن. ءاردايىم گازەت-جۋرنالداردى وقي وتىرىپ، ءار تاقىرىپتاعى ماسەلەلەردى زەردەلەپ، وي ەلەگىنەن وتكىزىپ وتىرامىن. ىزدەنە وتىرىپ، مەنىڭ جۋرناليستيكاعا دەگەن قۇلشىنىسىم ارتا تۇسەدى.

مەنىڭ ماقساتىم – تەك قانا جۋرناليست بولۋ ەمەس، قوعامعا كەرەكتى، ەلىمىزگە ەڭبەگى سىڭەر، اتقارعان جۇمىسىمەن ۇلگى بولار، ناعىز كاسىبي مامان اتانۋ. بۇگىنگى كۇندە جۋرناليستيكانىڭ قىر -سىرىن تولىق بىمەسەم دە بۇل جولدا ايانباي ەڭبەك ەتىپ، ءوز ءىزىمدى  قالدىرۋ، بىلىكتى دە ءبىلىمدى مامانداردىڭ قاتارىندا بولۋ ۇلكەن ارمان. ال، ارمان ادامدى باۋلىپ، ۇلكەن ءبىر اسۋلارعا جەتكىزەتىن دۇنيە.

---