جۇرتشى
جۇرتشى — جىرتقىش قۇستار وتريادىنىڭ وكىلى. دەنە ءپىشىنى ورتاشا (قاناتىنىڭ قۇلاشى 150-170 سم، سالماعى 2 كگ)، تۇمسىعىنىڭ اينالاسىندا جالاڭاش قىزىل تەرىسى بار جىرتقىش قۇس. ەرەسەك جۇرتشى اق قاۋىرسىندى، تەك قاناتىنىڭ ۇشىندا قارا جولاعى بولادى، بالاپاندارى قوڭىر ءتۇستى. جۇرتشىنى كەز-كەلگەن جاسىندا، ۇشىپ جۇرگەندە جالپاق قاناتتارى مەن ۇشىنا قاراي جىڭىشكەلەنگەن قۇيرىعىنان بىلۋگە بولادى. افريكانىڭ، وڭتۇستىك ەۋروپانىڭ جانە ازيانىڭ تاۋلارىندا كەڭ تاراعان.
قازاقستاندا تيان-شان سىلەمدەرىن، ءۇستىرت پەن ماڭقىستاۋدىڭ قۇلاما جارلارىن مەكەندەيدى. شولدەگى تاۋلاردىڭ قۇزدى-جارتاستى جەرلەرىن نەمەسە ءىرى جوتالاردىڭ قۇرعاق بوكتەرىن ۇناتادى. ءار ءتۇرلى ولەكسەلەرمەن قورەكتەنەدى. سانى از ءارى ءبىراز كەمىپ كەلە جاتىر. سانىنىڭ ازايۋ سەبەپتەرى — زاڭسىز اۋلاۋ، قاقپانعا ءتۇسۋى، قاقپان ماڭىنداعى ۋلانعان جەمدى جەپ الۋى. قاراتاۋ مەن ىلە القابىندا قورىقتار ۇيىمداستىرىپ، زاڭسىز اۋلاۋشىلارمەن كۇرەستى كۇشەيتىپ، سونداي-اق ۋلانعان جەمدەردى پايدالانۋدى شەكتەۋ شارالارىن بەلگىلەۋ كەرەك.
وقۋعا كەڭەس بەرەمىز:
بۇگىنگە دەيىن بەلگىسىز بولىپ كەلگەن 15 جانۋار
الەمدەگى ەڭ قاتتى تىستەيتىن (شاعاتىن) تىرشىلىك يەلەرى
جانۋارلاردا ينتەللەكت بار ما؟
You Might Also Like
-
جىرتقىشتار — سۇتقورەكتىلەردىڭ ءبىر وتريادى. اۆستراليا (تەك جەرسىندىرىلگەن تۇرلەرى عانا بار) مەن انتاركتيدادان باسقا قۇرلىقتاردىڭ بارلىعىندا كەڭ تارالعان. قازاقستاندا 5 تۇقىمداسى (يت، ايۋ، جانات،...
