InfoHub Logo

جيدە – اعاشتا وسەتىن ورتاسىندا ءدانى بار جيدەك. جيدە اعاشى وتە ءتوزىمدى، ءشول، قۇرعاقشىلىق سەكىلدى كوپتەگەن شارتتاردا وسە الاتىن قاسيەتكە يە. وسى ەرەكشەلىگىمەن الەمنىڭ كوپ جەرلەرىندە جانە ەلىمىزدىڭ بارلىق وڭىرلەرىندە وسەدى. جيدە اعاشىنىڭ بارلىق وڭىرلەردە وسە الۋىن قامتاماسىز ەتەتىن قاسيەتى، توپىراقتاعى ازوتتى تامىرىنا ءسىڭىرۋى بولىپ تابىلادى. سوندىقتان قۇم توقتاتۋدا، وزەن، ارىق بويىن، قالانى كوگالداندىرۋدا پايدالانىلادى. گۇلدەگەن كەزدەگى جۇپار ءيىسى جاعىمدى اسەر قالدىرادى. جيدەنىڭ 40-قا جۋىق ءتۇرى بار.

جيدەنى تۇتىنۋدىڭ دەنساۋلىق تۇرعىسىنان ەشقانداي زيانى جوق، كەرىسىنشە پايداسى ايتارلىقتاي كوپ، اسىرەسە ىشەك جولدارى مەن بۇيرەككە وتە پايدالى بولىپ تابىلادى. جيدەدە ە دارۋمەنى كوپ بولادى. بۇيرەگى اۋىراتىندارعا جيدە جەۋگە كەڭەس بەرىلەدى. بۇيرەكتەر اعزامىزدىڭ ەڭ كوپ جۇمىس اتقاراتىن مۇشەلەرىنىڭ ءبىرى. بۇيرەك زياندى زاتتاردىڭ سىرتقا شىعارىلۋىن قامتاماسىز ەتەدى. زياندى زاتتار بۇيرەكتەن وتەتىندىكتەن ادام جەتكىلىكتى مولشەردە سۋ تۇتىنبايتىن بولسا، كەيبىر قالدىقتار قاتايىپ بۇيرەك تاسىن قالىپتاستىرادى. بۇيرەك تاسى وتە قاتتى مازالايتىن، ەمى قيىن اۋرۋلاردىڭ ءبىرى. ال جيدە، گ ۇلى، جەمىسى جانە دانىمەن قوسا تولىقتاي بۇيرەك اۋرۋىنا جاقسى اسەر ەتەدى. جيدەنىڭ ءوزىن جەپ تۇتىنۋ پايدالى دەدىك. سونداي-اق ءدانى مەن گۇلىن قايناتىپ ىشكەن جاعدايدا بۇيرەگىندە تاسى بارلارعا جاقسى اسەر ەتەدى. سونىمەن قاتار ىشەك جولدارى، اسقازان اۋرۋلارىنا وتە پايدالى. اسىرەسە ءىش وتۋىنە قارسى جاقسى كومەكتەسەدى. ءىش ءوتۋى دە اس قورىتۋ جۇيەسىنىڭ كەسەلى. ءىش وتكەن كەزدە ءبىر ۋىس جيدەنى رەڭى ازداپ سارعايعانعا دەيىن سۋعا قايناتىپ ءىشۋ كەرەك.  ءىش وتۋىنە قارسى جاقسى كومەكتەسەدى.    

---