وسكەمەندە ەنەرگەتيكتەر مەكتەپتەردى جاڭعىرتۋعا قوماقتى قارجى ءبولدى
شىعىس قازاقستان وبلىسىنىڭ كاسىپورىندارى «تۋعان جەر» اكسياسى اياسىندا وڭىردەگى مەكتەپتەرگە قاجەتتى دەمەۋشىلىك كومەك كورسەتۋ اكسياسىنا قاتىسۋدا.
ءوڭىردىڭ اقپارات ورتالىعىنىڭ حابارلاۋىنشا، ورتاق ىسكە ءوز ۇلەستەرىن «وسكەمەن جىلۋ جەلىسى» اق مەن ونىڭ ۇجىمى قوسقان.
«وسكەمەن جىلۋ جەلىسى» اق باس ديرەكتورى رەنات ورازبايەۆ باستاعان ۇجىم قىزمەتكەرلەرى ايلىق جالاقىلارىنان ءبىلىم بەرۋ ىسىنە قولداۋ كورسەتۋ جونىندە شەشىم قابىلداعان.
«پارىز» وڭىرلىك قايىرىمدىلىق قورىنا كاسىپورىن 1 ملن-نان استام تەڭگە بولگەن.
«تۋعان ولكەمىزدىڭ دامۋىنا ۇلەس قوسۋ - ءبىز ءۇشىن ول ۇلكەن جەتىستىك. شىعىس قازاقستان وبلىسىنىڭ وقۋشىلارى حالىقارالىق وليمپيادالاردان جۇلدەمەن ورالىپ، ەلىمىزدىڭ اتىن شىعارىپ جاتسا، ءبىز ولارمەن ارينە، ماقتانامىز. ءبىزدىڭ ۇرپاعىمىز - ءبىزدىڭ بولاشاعىمىز»،-دەدى جەلۋ جەلىسى كاسىپورنىنىڭ وكىلدەرى.
وسكەمەندە وتكەن اكسيا وبلىستاعى مەسەناتتاردىڭ بارلىعىنىڭ باسىن قوستى. اۋقىمدى جوبا اياسىندا مەكتەپتەردى زامانعا ساي قاجەتتى قۇرىلعىلارمەن قامتاماسىز ەتۋ كوزدەلىپ وتىر.
You Might Also Like
-
№16 كوللەدج مكقك ساپا مەنەدجمەنتى جۇيەسى ورىنداعان: ق-55 توپ ستۋدەنتى تازابەك اسىلبەك
