كەزەكشى سىنىپتاعى بالالار قاشىقتان وقۋعا كوشىرىلە مە
ق ر دەنساۋلىق ساقتاۋ ۆيسە-مينيسترى اجار عينيات كەزەكشى سىنىپتاعى بالالاردى قاشىقتان وقىتۋعا كوشىرۋ مۇمكىندىگىنە قاتىستى ايتتى.
«باستاۋىش سىنىپتار مەكتەپكە (كەزەكشى سىنىپتارعا) اتا-انالاردىڭ وتىنىشىمەن بارعان بولاتىن. ءقازىر بالالار مەكتەپتەردە سانيتارلىق تالاپتارعا سايكەس وقىپ جاتىر. اۋامەن تارالاتىن ينفەكسيا بولعاندىقتان (كوروناۆيرۋس)، بالالار اراسىندا وسى ىندەت بايقالۋدا. ەگەر سىنىپ ىشىندە ءبىر بالا اۋىرعان بولسا، تۇتاس سىنىپ كارانتينگە جابىلادى»، — دەدى اجار عينيات ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا.
سونىمەن قاتار ۆيسە-مينيستر بالالار ءبىرىنشى توقساندى كەزەكشى سىنىپتاردا وقۋدى جالعاستىراتىنىن اتاپ ءوتتى.
«ءقازىر ءبىرىنشى توقساننىڭ اياقتالۋىنا ءبىر اي ۋاقىت قالعاندىقتان، بالالاردىڭ ءبىرىنشى توقساندى ءبىتىرۋىن كۇتىپ وتىرمىز. سودان كەيىن ەپيدەميولوگيالىق جاعدايعا بايلانىستى ءتيىستى شەشىم قابىلدانادى»، — دەدى ۆيسە-مينيستر.
بۇدان بۇرىن حابارلانعانداي، اجار عينيات مەكتەپ وقۋشىلارى اراسىندا كوروناۆيرۋس جۇقتىرۋ جاعدايىنا قاتىستى تۇسىنىك بەردى.
You Might Also Like
-
ەلىمىزدەگى، اسىرەسە، ءدۇبىرلى وقيعالار تۇسىندا قوزىپ كەتە بەرەتىن پاتريوتتىق سەزىمىمدى قايدا قويارعا بىلمەي، الاسۇرىپ جۇرگەندە، قۇداي ءوزى ءساتىن سالعان ءبىر وقيعا بولدى. كۇندەگى ۋاقىتتا، كۇندەگى ادەتىم...
-
بۇگىن ءبىلىم جانە عىلىم ءمينيسترى اسحات اي̆ماعامبەتوۆ «ۇزدىك پەداگوگ-2020» باي̆قاۋىنىڭ جەڭىمپازدارىن ماراپاتتادى.
