اسحات اي̆ماعامبەتوۆ: 1-2 جىلدىڭ ىشىندە ۇستازداردىڭ جالاقىسى ەكى ەسە ارتاتىن بولادى
بۇگىن ءبىلىم جانە عىلىم ءمينيسترى اسحات اي̆ماعامبەتوۆ «ۇزدىك پەداگوگ-2020» باي̆قاۋىنىڭ جەڭىمپازدارىن ماراپاتتادى.
«سىزدەردى ءتول مەرەكەلەرىڭىزبەن قۇتتىقتايمىن! «ادامنىڭ ادامشىلىعى جاقسى ۇستازدان» دەپ ۇلى اباي ايتقانداي، ەڭ باستى مامان ول - ۇستاز. ويتكەنى، ۇستاز بارلىق ماماندى تاربيەلەيدى، بارىنە ءبىلىم بەرەدى. بۇگىندە مەملەكەتىمىزدە ۇستازداردىڭ مارتبەسىن كوتەرۋ، ءولارعاتيىستى جاعداي جاساۋ ءۇشىن ۇلكەن ءىس-شارالار باستالىپ، جۇزەگە اسىرىلۋدا. وزدەرىڭىز بىلەسىزدەر، ەلباسى نۇرسۇلتان نازاربايەۆتىڭ ساليقالى، سارابدال ساياساتىنىڭ اياسىندا ەلىمىزدە ءبىلىم سالاسىن دامىتۋعا زور كوڭىل ءبولىنىپ، اۋىز تولتىرىپ ايتارلىق جەتىستىكتەرگە قول جەتكىزدىك. قازىرگى ۋاقىتتا ەل پرەزيدەنتى قاسىم-جومارت توقايەۆ ءبىلىم سالاسىنا ەرەكشە نازار اۋدارىپ، جۋىرداعى جولداۋىندا دا وسى ماسەلەگە ۇلكەن كوڭىل ءبولدى»، - دەدى مينيستر شارا بارىسىندا.
ونىڭ ايتۋىنشا، بيىل 1 قاڭتاردان باستاپ مۇعالىمدەردىڭ جالاقىسى 25 پايىزعا ارتتى. جالپى 1-2 جىلدىڭ ىشىندە ۇستازداردىڭ جالاقىسى 2 ەسە ارتاتىن بولادى.
«بۇگىن ۇستازدارىمىز ءۇشىن ءتيىستى جاعداي جاساۋىمىز كەرەك. ول ءۇشىن كەشەندى جۇمىس جۇرگىزىلىپ جاتىر. پەداگوگتاردىڭ مارتەبەسى تۋرالى ارنايى زاڭ قابىلداندى. سول زاڭنىڭ اياسىندا 70-تەن استام بۇيرىق پەن قاۋلى قابىلدانىپ، قولدانىسقا ەنگىزىلدى. وتە ۇلكەن پروبلەمالار بولدى. ونى بىلەمىز. قاعازباستىلىق پروبلەما بولعانى بەلگىلى. بۇعان قوسا،ءمۇعالىم ماماندىعىن تاڭدايتىن جاقسى تۇلەكتەر از ەدى. مۇعالىمدەردىڭ قىزمەتىنە ءتان ەمەس جۇمىستارعا تارتۋ پروبلەماسى دا بولدى. وسى ماسەلەلەردى شەشۋ ءۇشىن ەل پرەزيدەنتىنىڭ تاپسىرماسى اياسىندا كەشەندى جۇمىستار ىسكە اسىرىلدى»، - دەدى ول.
اسحات ايماعامبەتوۆتىڭ اتاپ وتۋىنشە، ۇلتتىق ءبىرىڭعاي تەستىلەۋدىڭ ناتيجەسىندە بيىل «التىن بەلگى» العان تۇلەكتەردىڭ ىشىندە ءمۇعالىم ماماندىعىن تاڭداعاندار 2 ەسە ءوستى. 1 قىركۇيەكتەن باستاپ پەداگوگ ماماندىعى بويىنشا ءبىلىم الىپ جۇرگەن ستۋدەنتتەردىڭ شاكىرتاقىسى 26 مىڭنان 42 مىڭگە دەيىن ارتتى.
شارا بارىسىندا ءبىلىم جانە عىلىم ءمينيسترى اسحات اي̆ماعامبەتوۆ «ۇزدىك پەداگوگ-2020» باي̆قاۋىنىڭ جەڭىمپازدارىنا 2 778 000 تەڭگە (1000 اەك) كولەمىندە سىي̆اقىمەن مەن توسبەلگىلەردى تابىستادى.
You Might Also Like
-
ق ر دەنساۋلىق ساقتاۋ ۆيسە-مينيسترى اجار عينيات كەزەكشى سىنىپتاعى بالالاردى قاشىقتان وقىتۋعا كوشىرۋ مۇمكىندىگىنە قاتىستى ايتتى.
-
بىردە قاس قارايعان شاقتا قالا شەتىندەگى ايالدامادا اۆتوبۋس كۇتىپ كەزەكتە تۇرعان ەدىم. الدىمدا جۇك تاسيتىن كەمە كاپيتانىنىڭ شكيپەرلىك قالپاعىنا ۇقسايتىن بىردەڭە كيگەن قارت ادام بار ەدى. كوپكە دەيىن ە...
